The Phnom Penh Post Search

Search form

Logo of Phnom Penh Post newspaper Phnom Penh Post - អតីត​អ្នក​លក់​ចល័ត​បើក​ហាង​ការ៉េម​ដូងខ្ចី​ស្រស់​ច្រើន​រសជាតិ




អតីត​អ្នក​លក់​ចល័ត​បើក​ហាង​ការ៉េម​ដូងខ្ចី​ស្រស់​ច្រើន​រសជាតិ

ការ៉េម ប្រើ​ផ្លែដូង​មកពី​ខេត្ត​តាកែវ អម​ដោយ​ទឹក និង​សាច់ដូង​ខ្ចី​​។
ការ៉េម ប្រើ​ផ្លែដូង​មកពី​ខេត្ត​តាកែវ អម​ដោយ​ទឹក និង​សាច់ដូង​ខ្ចី​​។ រូបថត Kimberley Mccosker

អតីត​អ្នក​លក់​ចល័ត​បើក​ហាង​ការ៉េម​ដូងខ្ចី​ស្រស់​ច្រើន​រសជាតិ

ភ្នំពេញ: លក្ខណ​ពិសេស​របស់​ហាង Mr O Coconut Ice Cream ទាំង​ស្រស់ ត្រជាក់ និង​ផ្អែម ជា​បង្អែម​ដ៏ស័ក្ដិសម​ឥតខ្ចោះ​សម្រាប់​បរិយាកាស​ព្រះសូរ្យសែង​មិន​សំចៃ​ថាមពល​នា​រដូវក្ដៅ​​នេះ​។

ដោយ​បាន​បើក​សម្ពោធ​កាលពី​ពីរ​ខែ​មុន ហាង​បង្អែម​នេះ​មាន​លក់​ការ៉េម​ដូង​ដាក់​ក្នុង​ត្រឡោក​ដូង​ដែល​នៅ​ជាប់​សាច់​ដូងខ្ចី​ដ៏ឈ្ងុយឆ្ងាញ់ អម​ដោយ​ទឹកដូង​ត្រជាក់​។

លោក លី អ៊ូ មាន​គំនិត​បង្កើត​ហាង​នេះ​ពី​មិត្ដភក្ដិ​ម្នាក់​នៅ​ថៃ​ ដែល​លក់​ការ៉េមដូង​នៅ​សាលារៀន។ កាលពី​ ៧ ខែ​មុន លោក​ចាប់ផ្ដើម​លក់​ការ៉េម​តាម​រ៉ឺម៉ក​ម៉ូតូ​ឲ្យ​សិស្ស​មុខ​សាលារៀន ដូច​មិត្ដភក្ដិ​ដែរ​ ហើយ​អាជីព​របស់​លោក​ទទួល​បាន​ការ​ចាប់​អារម្មណ៍​ខ្លាំង​។

ដូច្នេះ​លោក​ក៏​សម្រេចចិត្ដ​បើក​ជា​ហាង Mr O Coconut Ice Cream នៅ​ផ្ទះ​លេខ ៣៩ ផ្លូវ ១៧៣ កែង​នឹង​ផ្លូវ ៣១០ រាជធានី​ភ្នំពេញ​។

លោក​បាន​ឲ្យ​ដឹង​ថា​៖ «​ខ្ញុំ​ចូលចិត្ដ​ញ៉ាំ​ការ៉េម​តាំងពី​កុមារ​ម្ល៉េះ ប៉ុន្ដែ​ខ្ញុំ​មិន​ឃើញ​មាន​ភោជនីយដ្ឋាន​លក់​ការ៉េម​នៅ​ភ្នំពេញ​ច្រើន​មុខ​​ដែល​មាន​អនាម័យ​ និង​តម្លៃ​សមរម្យ​ទេ។ ដូច្នេះ​​ខ្ញុំ​ក៏​សម្រេចចិត្ដ​បើក​ហាង​នេះ​ផ្ទាល់​ខ្លួន​ទៅ​»។

លោក​បាន​បន្ដ​ថា​៖ «​ខ្ញុំ​បាន​ភ្លក្ស​ការ៉េម សជាតិ​ផ្សេងៗ​ក្នុង​ប្រទេស​កម្ពុជា និង​ប្រទេស​ដទៃ ហើយ​ខ្ញុំ​ជឿ​ថា ផ្លែ​ដូង​គឺជា​គ្រឿង​ដ៏ល្អ​បំផុត​សម្រាប់​ផ្សំ​ជា​ការ៉េម​»។

លោក លី អ៊ូ ម្ចាស់ហាង​។
លោក លី អ៊ូ ម្ចាស់ហាង​។ រូបថត Kimberley Mccosker

ការ៉េម​របស់​លោក​មាន​អនាម័យ​ល្អ ពីព្រោះ​វា​ត្រូវ​បាន​ផលិត​ឡើង​ដោយ​គ្មាន​សារធាតុ​បន្ថែម​ក្លិន ឬ​រសជាតិ​ឡើយ។ ការ៉េម​ដូង​របស់​លោក​គ្រាន់តែ​ប្រើ​ទឹកដូង​ស្រស់ សាច់ដូង ទឹកដោះគោ​ ហើយ​ជួន​កាល​ប្រើ​ទឹកដោះគោ​ខាប់ សម្រាប់​អ្នក​ចូលចិត្ដ​រសជាតិ​ផ្អែម​បន្តិច​ប៉ុណ្ណោះ​។

គ្រឿង​ផ្សំ​ខ្លះ​ទៀត មាន​ប្រភព​មកពី​បរទេស ប៉ុន្ដែ​ដូង​គ្រប់​ផ្លែ​ទាំងអស់​ទិញ​មកពី​ខេត្ដ​តាកែវ​ ដែល​មាន​អាយុ​ ៦០ ​ថ្ងៃ​។

អំពី​ការ​ជ្រើសរើស​ផ្លែ​ដូង​តាម​អាយុកាល​លូតលាស់​របស់​វា​នោះ លោក​បាន​ពន្យល់​ថា​៖ «​បើ​ផ្លែដូង​ខ្ចី ឬ​ចាស់​ជាង​នេះ​ ពួកវា​នឹង​មិន​មាន​រសជាតិ​ឆ្ងាញ់​គ្រប់គ្រាន់​ទេ​»។

ការ៉េមដូង​មាន​តម្លៃ​ ១,៩០ ដុល្លារ​ នៅ​ភោជនីយដ្ឋាន ហើយ​ ១,២៥ ដុល្លារ នៅលើ​រ៉ឺម៉ក​ម៉ូតូ ដែល​ស្ថិត​នៅ​ផ្សារ​រាត្រី​ និង​សាកលវិទ្យាល័យ​ភូមិន្ទភ្នំពេញ​។

ហាង​ការ៉េម Mr O Coconut Ice Cream មាន​​រសជាតិ​ការ៉េម​ជាច្រើន​មុខ​ មាន​ទាំង​ចេក ម្នាស់ ឪឡឹក ស្រ្តូប៊ើរី គីវី ជាដើម ហើយ​ក៏​លក់​ម្ហូប​ថៃ​ប៉ុន្មាន​មុខ​ទៀត ដូចជា ផាតថៃ និង​មាន់ចៀន ផង​ដែរ​។ ប៉ុន្ដែ​ លោក​ថា អតិថិជន​ភាគច្រើន​ចូលចិត្ដ​ការ៉េម​ដូង​បំផុត​។

ពិតជា​គួរ​ឲ្យ​ភ្ញាក់ផ្អើល តាំងពី​ហាង​នេះ​បើក​ទ្វារ​មក អតិថិជន​ដ៏ច្រើន​លើសលប់​សុទ្ធតែ​ជា​មនុស្ស​ពេញវ័យ​។ លោក​បាន​ឲ្យ​ដឹង​ថា​៖ «​ខ្ញុំ​គិត​ថា អតិថិជន​របស់​ខ្ញុំ​គួរតែ​ជា​កុមារ ពីព្រោះ​ពួកគេ​ចូលចិត្ដ​ការ៉េម ប៉ុន្ដែ​បច្ចុប្បន្ន​ មនុស្ស​ធំ​ក៏​ចូលចិត្ដ​ការ៉េម​ដែរ ហើយ​កុមារ​ចូលចិត្ដ​តែ​ទឹកដោះគោ​ ឬ​​កាហ្វេ​ទៅវិញ​»។

បើ​ហាង​ការ៉េម​នេះ​នៅ​តែ​បន្ដ​ជោគជ័យ លោក​នឹង​គិតគូរ​បើក​សាខា​ផ្សេងៗ​ទៀត ដោយ​លោក​បាន​បញ្ជាក់​ថា​៖ «​ខ្ញុំ​មាន​គំនិត​ច្រើន ប៉ុន្ដែ​ដំបូង ខ្ញុំ​ចង់​ផ្ដោត​លើ​ហាង​នេះ​មួយ​សិន​»៕ HR

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។