The Phnom Penh Post Search

Search form

Logo of Phnom Penh Post newspaper Phnom Penh Post - អន្ទង់​ស្រា​គ្រឿង​​​ហាង​បុប្ផា​ភ្នំពេញ

អន្ទង់​ស្រា​គ្រឿង​​​ហាង​បុប្ផា​ភ្នំពេញ

អន្ទង់​ស្រា​គ្រឿង​​​ហាង​បុប្ផា​ភ្នំពេញ

140107_22a
ម្ហូបអន្ទង់ស្រាគ្រឿងកំពុងឆាបឆេះក្នុងអណ្ដាតភ្លើង រូបថត ឈឹម ស្រីនាង ទិដ្ឋភាពនៅភោជនីយដ្ឋានបុប្ផាភ្នំពេញ បុគ្គលិកបុប្ផាភ្នំពេញ និងម្ហូបអន្ទង់ស្រាគ្រឿង ឈឹម ស្រីនាង

ភ្នំពេញ : ស្ថិត​នៅ​មាត់ទន្លេ​ក្បែរ​ម្ដុំ​ផ្សារ​រាត្រី ភោជនីយដ្ឋាន​បុប្ផា​ភ្នំពេញ​ដែល​ស្ថិត​នៅ​តាម​ដងទន្លេ បាន​ផ្ដល់​នូវ​បរិយាកាស​ស្រស់ស្រាយ​ដល់​អ្នក​ទទួលទាន ជាមួយ​នឹង​ខ្យល់ជំនោរ​ត្រជាក់​ល្ហឹម គួបផ្សំ​នឹង​ទេសភាព​មាត់ទឹក​ដ៏​ស្រស់ស្រកាល។ នៅក្នុង​ភោជនីយដ្ឋាន​ដែល​មាន​រចនា​ជា​មុខ​កប៉ាល់​នៅ​ផ្នែក​ម្ខាង​នោះ មាន​តម្រៀប​កៅអី​ផ្ដៅ​ក្រាល​ពូក​ស​ជា​ជួរៗ​គួរ​ជា​ទីមនោរម្យ។

ក្នុង ភោជនីយដ្ឋាន​នេះ​មាន​មុខម្ហូប​ជាច្រើន ហើយ​ថ្ងៃ​នេះ​យើង​សូម​លើក​យក​ម្ហូប អន្ទង់​ស្រា​គ្រឿង មក​ជូន​លោក​អ្នក​ស្វែងយល់​ពី​វិធី​ចម្អិន​វា​ម្ដង។

គ្រឿងផ្សំ : អន្ទង់ គ្រឿង​បុក (គល់ស្លឹកគ្រៃ រំដេង រមៀត ស្លឹក​ក្រូចសើច និង​ខ្ទឹមស​បុក​ចូល​គ្នា​ឲ្យ​ម៉ត់) ខ្ទិះដូង ម្សៅស៊ុប ប្រេង​ខ្យង ស្ករស ប្រេង​ការី គ្រាប់​ប៉ូចកាក់ បន្លែ​ខ្ទឹមបារាំង​ព្រម​ទាំង ម្ទេសហាវ៉ៃ និង​គល់ខ្ទឹម។

វិធីចម្អិន : ដំបូង​ត្រូវ​យក​អន្ទង់​លាង​កោស​រំអិល​ឲ្យ​ស្អាត​រួច​កាត់​ជា​កង់ៗ រួច​យក​ឆា​ជាមួយ​គ្រឿង​បុក ដោយ​បន្ថែម​ប្រេង​ការី គ្រាប់​ប៉ូចកាក់ និង​ខ្ទិះដូង​ចូល។ ប្រមាណ​ជា​៥​ទៅ​៧​នាទី​ក្រោយ​មក​ទើប​បន្ថែម​បន្លែ​ខ្ទឹមបារាំង ម្ទេសហាវ៉ៃក្រហម និង​បៃតង ព្រម​ទាំង​គល់ខ្ទឹម​ចូល​។ ចុងក្រោយ​ត្រូវ​យក​បន្ទះដែក​រូប​គោ​យក​ទៅ​ដុត​ឲ្យ​ក្ដៅ រួច​ដួស​ឆា​អន្ទង់​ខាង​លើ​ដាក់​ចូល។ នៅពេល​ដែល​ទទួលទាន យើង​អាច​ចាក់​ស្រា​ចូល​ក្នុង​ឆា រួច​ដុត​ភ្លើង​ឲ្យ​ឆេះ​ចេញ​អណ្ដាត​ភ្លើង ដើម្បី​បង្កើត​សោភណភាព​អាហារ និង​បន្ថែម​កម្ដៅ​ដល់​រសជាតិ​ឆ្ងាញ់​មួយ​កម្រិត​ថែម​ទៀត។

ចង់​ដឹង​ថា មុខម្ហូប​អន្ទង់​ស្រា​គ្រឿង​នេះ​មាន​រសជាតិ​យ៉ាង​ណា លោក​អ្នក​ក៏​អាច​អញ្ជើញ​ទៅ​ភោជនីយដ្ឋាន​បុប្ផា​ភ្នំពេញ (ទីតានិក) ស្ថិត​នៅ​វិថី​ព្រះស៊ីសុវត្ថិ ទល់​មុខ​ផ្សារ​រាត្រី​មាត់ទន្លេ។ ទំនាក់ទំនង​ទូរស័ព្ទ​លេខ ០២៣៤២៧​២០៩ និង​០១២​៨១១​៥៦៥។ អ៊ីមែល bophaphnompenh@camnet.com.kh និង​វិបសាយ www.bopha-phnompenh.com

អត្ថបទគួរចាប់អារម្មណ៍