The Phnom Penh Post Search

Search form




Logo of Phnom Penh Post newspaper Phnom Penh Post - អយស្ទ័រ​ទឹកកក​ក្រឡុក​ក្នុងកែវ​តម្លៃ ១២០០០៛ ញ៉ាំ ២ នាក់​បានហើយ




អយស្ទ័រ​ទឹកកក​ក្រឡុក​ក្នុងកែវ​តម្លៃ ១២០០០៛ ញ៉ាំ ២ នាក់​បានហើយ

Content image - Phnom Penh Post
អយស្ទ័រ​ស្រស់​ក្រោយ​ពីផ្សំ​គ្រឿង​រួច​ក្រឡុក ហើយ​ដាក់កែវ​ក្លាស្សេក្នុង​ធុង​ទឹកកក​។ ហុង មិនា

អយស្ទ័រ​ទឹកកក​ក្រឡុក​ក្នុងកែវ​តម្លៃ ១២០០០៛ ញ៉ាំ ២ នាក់​បានហើយ

ភ្នំពេញ: ជាប់ងារ​ជាអាហារ​សម្បូរ​ដោយ​រ៉ែ​ស័ង្កសី និងប៉ូវ​សុខភាព​ផ្លូវភេទ អយស្ទ័រ​ត្រូវបាន​គេ​និយម​ទទួលទាន​ឆៅ​ស្រស់ៗ​ជាមួយ​ទឹកត្រី​កោះកុង​ហឹរ ស្លឹក​ក្ទម្ពទេស និងខ្ទឹម​ក្រហម​បំពង។

កាន់តែ​ប្លែក​មួយកម្រិត​ទៀត នៅ​ហាង The Street ដែល​ជំនាញ​បម្រើ​អាហារ​ចិញ្ចើមផ្លូវ​ប្រកបដោយ​អនាម័យ និង​ទីតាំង​ស្អាតមាន​ផាសុកភាព​នោះ អយស្ទ័រ​ត្រូវបាន​ច្នៃប្រឌិត​ជាអាហារ​មួយបែប​ផ្សេង​ដែលមាន​ឈ្មោះថា «អយស្ទ័រ​ទឹកកក»។

សម្រាប់​អ្នក​ដែល​ខ្ជិល​ឆ្កឹះសាច់​ពីសម្បក​អយស្ទ័រ​កាន់តែ​ងាយស្រួល ព្រោះ​អយស្ទ័រ​ក្រឡុក​នេះត្រូវ​បាន​ផ្សំ​គ្រឿង​រួចជា​ស្រេច​ដាក់​ក្នុង​កែវបិទ​គម្រប​ក្លាស្សេ​ទឹកកក​ត្រជាក់​ស្រេប។

នៅក្នុង​កែវនោះ​មាន​សាច់​អយស្ទ័រ​ស្រស់ ជីររណា និង​ប៉េងប៉ោះ។

នៅពេល​ទទួលទាន​ទើបភ្ញៀវ​បើក​គម្រប​កែវ ចាក់ទឹក​ត្រីម្ទេស គល់​ស្លឹកគ្រៃ ខ្ទឹមក្រហម​បំពង ម្ទេស ស្លឹក​ក្ទម្ពទេស រួច​ច្របាច់​ក្រូចឆ្មារ សឹមបិទ​គម្រប​ក្រឡុក​ដាក់​ក្នុងធុង​ទឹកកក​មួយសន្ទុះ​ឲ្យវា​ត្រជាក់​បន្តិច​នឹងអាច​ដួសញ៉ាំ​បាន​យ៉ាង​ឆ្ងាញ់មាត់។

អយស្ទ័រ​ទឹកកក​ក្រឡុក​ក្នុងកែវ​មាន​តម្លៃ ១២០០០ រៀល មាននៅ The Street។ ទូរស័ព្ទ​លេខ ០១៦៩៣៣ ៣៨២៕

អត្ថបទគួរចាប់អារម្មណ៍