The Phnom Penh Post Search

Search form




Logo of Phnom Penh Post newspaper Phnom Penh Post - អាថ៌កំបាំង​ពីក្រោយ​រសជាតិ​ដ៏ឆ្ងាញ់ ​នៃ​ក្ដាមឆា​ពិសេស ​ទួល​ទំពូង




អាថ៌កំបាំង​ពីក្រោយ​រសជាតិ​ដ៏ឆ្ងាញ់ ​នៃ​ក្ដាមឆា​ពិសេស ​ទួល​ទំពូង

Content image - Phnom Penh Post
ក្ដាមឆា​ពិសេស ម្ហូប​នាំភ្ញៀវ​កកកុញ​មក​ទួលទំពូង​គ្រឿង​សមុទ្រ​​អាំង​។ ហុង មិនា

អាថ៌កំបាំង​ពីក្រោយ​រសជាតិ​ដ៏ឆ្ងាញ់ ​នៃ​ក្ដាមឆា​ពិសេស ​ទួល​ទំពូង

ភ្នំពេញ: ហាង​ទួល​ទំពូង​គ្រឿង​សមុទ្រ​អាំង ជាប់​របងផ្សារ​ទួលទំពូង​ដែលមាន​ឈ្មោះ​ល្បី​ដោយសារតែ​ក្តាមឆា​ពិសេស​ប្រចាំ​ហាង​បាន​ពន្យល់​ពីការ​ឆា​សាច់ក្តាម គឺ​ត្រូវតែ​លាង​សម្អាត​ឲ្យស្អាត។

មួយវិញទៀត​សាច់ក្តាម​ត្រូវតែ​ស្រស់​តែម្តង ហើយ​ពេល​ចម្អិនគឺ​ចំណាយ​ពេល​យូរបន្តិច​ដើម្បី​ឲ្យ​សាច់ក្តាម​ឆ្អិនល្អ និង​ចូលជាតិ​គ្នា​ដល់សាច់​ក្តាម​ខាងក្នុង។

ដូច្នេះ​ហើយ សម្រាប់់​ភ្ញៀវ​ដែល​មិនចង់​ចំណាយ​ពេលធ្វើ​ដោយ​ខ្លួនឯង គឺ​អាចមក​កុម្ម៉ង់​ញ៉ាំនៅ​ហាង​តែម្តង​ក៏បាន តែ​ភ្ញៀវ​ត្រូវតែ​ធ្វើការ​រង់ចាំ​បន្តិច ដោយសារតែ​មុខម្ហូប​នេះ​មានភ្ញៀវ​ជាច្រើន​មិនដែល​រំលង​កុម្ម៉ង់​វាឡើយ។

ភ្ញៀវ​អាច​រង់ចាំ​ប្រមាណ​ជា ១០ ទៅ ១៥ នាទី តម្រូវ​ទៅតាម​លេខ​រៀង​ភ្ញៀវ​វត្តមាន។ ប្រសិនជា​ភ្ញៀវ​មិនចង់​អង្គុយ​រង់ចាំ​នោះទេ ម្ចាស់​ហាង​បាន​ណែនាំ​ឲ្យទូរស័ព្ទ​កុម្ម៉ង់​មុន ១៥ នាទី។

សម្រាប់​ភ្ញៀវ​មកដល់​ហាង​ហើយ គេអាច​កុម្ម៉ង់​មឹក​អាំង បង្គា​អាំង ឬក៏​អយស្ទើរ​ទទួលទាន​អំឡុង​ពេល​រង់ចាំ ទម្រាំ​ម្ហូប​ឆាក្ដាម​ពិសេស​ឆ្អិន។

កញ្ញា សេង រដ្ឋា ជាអ្នក​លក់បាន​និយាយថា៖ «សម្រាប់​ក្តាមឆា​គឺភ្ញៀវ​អាច​កុម្ម៉ង់​ជាគីឡូ​ដោយ​មួយ​គីឡូ​តម្លៃ ៦ ម៉ឺនរៀល។ អ៊ីចឹង​ប្រសិនជា​ភ្ញៀវ​មកជា​លក្ខណៈ​គ្រួសារ​គឺភ្ញៀវ​អាច​កុម្ម៉ង់​កន្លះ​គីឡូ ឬក៏​មកគ្នា​ពីរនាក់​ភ្ញៀវអាច​កុម្ម៉ង់៣ខាំ​គឺ​ល្មម​គ្រប់គ្រាន់​តែម្តង ក៏ប៉ុន្តែ​ភ្ញៀវខ្លះ​គាត់​កុម្ម៉ង់ ១ គីឡូ​ញ៉ាំ​គ្នា​ពីរនាក់​ក៏មាន គឺ​ទៅតាម​ចិត្តភ្ញៀវ»។

ទួល​ទំពូង​គ្រឿង​សមុទ្រ​អាំង ស្ថិត​នៅជាប់​របងផ្សារ​ទួលទំពូង ទូរស័ព្ទ​លេខ ០១៧ ៩៩៨ ៧៥៧៕

អត្ថបទគួរចាប់អារម្មណ៍