The Phnom Penh Post Search

Search form

Logo of Phnom Penh Post newspaper Phnom Penh Post - អាថ៌កំបាំង​របៀប​ចម្អិន រ៉ូយ៉ាល់ផាត់ថៃ ដ៏ពិសេស

អាថ៌កំបាំង​របៀប​ចម្អិន រ៉ូយ៉ាល់ផាត់ថៃ ដ៏ពិសេស

អាថ៌កំបាំង​របៀប​ចម្អិន រ៉ូយ៉ាល់ផាត់ថៃ ដ៏ពិសេស

20140408_22a
ចុងភៅបង្ហាញម្ហូបពិសេស សណ្ឋាគារ និងហាង Boutique Hotel ពីខាងក្រៅ មុខម្ហូប រ៉ូយ៉ាល់ផាត់ថៃ ដ៏មានឱជារសពីហាង Boutique

ភ្នំពេញៈ Boutique Hotel Pandan សូម​នាំ​រូបមន្ត និង​អាថ៌កំបាំង​ពី​វិធី​ចម្អិន «រូយ៉ាល់​ផាត់ថៃ » ដូច​ខាង​ក្រោម៖

គ្រឿងផ្សំ: មីសួ​បង្គា​ស្រស់ បង្គា​ក្រៀម សណ្តែកដី តៅហ៊ូ សណ្តែកបណ្តុះ ម្ទេសម៉ដ្ឋ សម្បក​ត្រយូងចេក ស្លឹក​គូឆាយ ម្ទេស​ស្រស់ ក្រូចឆ្មារ ប្រេងឆា ម្សៅស៊ុប អំបិល និង​ស្ករស​។

វិធីចម្អិន: ដំបូង​ត្រូវ​យក​បង្គា​ទៅ​លាង​ទឹក​បក​សម្បក​វះ​យក​សរសៃ​ខ្មៅ​នៅ​ខ្នង​របស់ វា​ចេញ រួច​ទុក​វា​មួយ​អន្លើ​សិន។ បន្ទាប់មក​ត្រូវ​យក​តៅហ៊ូ​ទៅ​បំពង​ឲ្យ​ល្មម​រួច​ទុក​មួយ​អន្លើ​ហើយ​យក​មីសួ​ទៅ​ស្រុស​បន្ទាប់មក​ទៀត​ចាក់​ប្រេង​ឆា​ចូល​ក្នុង​ខ្ទះ​ឲ្យ​ក្តៅ បន្តិច​រួច​ហើយ​ចាក់​បង្គា​ក្រៀម និង​បង្គា​ស្រស់​តៅហ៊ូ​ដែរ​បំពង​ឆា​ចូល​គ្នា​ហើយ​ដាក់​គ្រឿង​ផ្សំ​រសជាតិ រួមមាន អំបិល ស្ករស និង​ម្សៅស៊ុប​ឲ្យ​ចូល​រសជាតិ​ទើប​ដាក់​មី​សួឆា​ចូល​គ្នា​ជាមួយ​នឹង សណ្តែកបណ្តុះ​ឆា​ច្របល់​គ្នា​ឲ្យ​ចូល​ជាតិ​ហើយ​ភ្លក្ស​រសជាតិ​សម្ល​ថា​តើ ប្រៃ​ផ្អែម​ត្រូវ​តាម​ចំណូល​ចិត្ត​ឬ​អត់?

ចុងក្រោយ​យក​សម្បក​ត្រយូងចេក កាត់​ធ្វើ​រាង​ជា​ទូក​តូច​ល្មម​ហើយ​ដួស​រូយ៉ាល់ផាត់ថៃ ដែល​ចម្អិន​រួច​ដាក់​ពី​លើ​តុបតែង​ដាក់​ម្ទេស​ស្រស់​ពី​លើ​លាយ​ជាមួយ​នឹង ស្លឹក​គូឆាយ​ដាក់​ម្ទេសម៉ដ្ឋ​នៅ​ចំហៀង​ចាន​ជា​មួយ​នឹង​សណ្តែក​បណ្តុះ​ស្រស់ និង​សណ្តែកដីលីង​ចូល​ជា​ការ​ស្រេច។

មុខម្ហូប​នេះ​មាន​នៅ Boutique Hotel «Pandan» ដែល​មាន​អាសយដ្ឋាន​ស្ថិត​នៅ​ផ្ទះ​លេខ​១៥A ផ្លូវ​លេខ​២៨២ សង្កាត់​បឹង​កេងកង​១ ខណ្ឌ​ចំការមន រាជធានី​ភ្នំពេញ ទូរស័ព្ទ​លេខ ០១៦ ៧២១ ២០៧ ៕

អត្ថបទគួរចាប់អារម្មណ៍