The Phnom Penh Post Search

Search form




Logo of Phnom Penh Post newspaper Phnom Penh Post - អាម៉ុក​ត្រី​ពីបាយ័ន​បឹង​ស្នោ ឆ្ងាញ់​មាត់​ទាំង​ភ្ញៀវ​ខ្មែរ និង​បរទេស




អាម៉ុក​ត្រី​ពីបាយ័ន​បឹង​ស្នោ ឆ្ងាញ់​មាត់​ទាំង​ភ្ញៀវ​ខ្មែរ និង​បរទេស

Content image - Phnom Penh Post
អាម៉ុក​ត្រី​ខ្ចប់ស្លឹក​ចេក រសជាតិ​ឆ្ងាញ់​នៅ​ហាង​ បាយ័ន​បឹងស្នោ។ ហុង មិនា

អាម៉ុក​ត្រី​ពីបាយ័ន​បឹង​ស្នោ ឆ្ងាញ់​មាត់​ទាំង​ភ្ញៀវ​ខ្មែរ និង​បរទេស

ភ្នំពេញ: សប្តាហ៍​មុនៗ​ភោជនីយដ្ឋាន បាយ័ន​បឹងស្នោ បាន​បង្ហាញ​នូវ​មុខម្ហូប ម្ជូរ​ត្រកួន​ពងត្រី ដែល​មាន​រសជាតិ​ឆ្ងាញ់​រួច​មក​ហើយ។

ចំណែកឯ​សប្តាហ៍​នេះ ក៏មាន​មុខម្ហូប​មួយ​មុខ​ទៀត​ទាំង​ខ្មែរ និង​បរទេស​ចូលចិត្ត​កុម្ម៉ង់​ទទួល​ទាន​គឺ​អាម៉ុក​ត្រីខ្ចប់​ស្លឹក​ចេក​ផ្ទាប់​ស្លឹក​កន្ទួត មាន​ក្លិន​ឈ្ងុយឆ្ងាញ់​តែម្តង។

ចំណែកឯ​វិធី​ធ្វើ​វិញ​ក៏មិន​ពិបាក​ដែរ ដោយ​យើង​ត្រូវមាន​គ្រឿង​ផ្សំ​ដូចជា ត្រី​រស់ ស្លឹកគ្រៃ រមៀត ខ្ទឹមស ម្ទេស​ក្រៀម អំបិល ទឹកត្រី ស្លឹក​ក្រូចសើច ស្លឹក​កន្ទួត ដូងទុំ និង​កាពិ។

វិធី​ចម្អិន​អាម៉ុក មុនដំបូង​ត្រូវ​ពន្លះ​ត្រី​យក​ឆ្អឹង​ចេញ រួច​ហាន់​ត្រី​ជាបន្ទះៗ​ស្តើង​ដាក់​ក្នុង​ចាន សឹម​ចាក់​គ្រឿង​បុក​ចូល ដែល​មាន​គល់​ស្លឹកគ្រៃ រមៀត ខ្ទឹមស ម្ទេស​ក្រៀម និង​កាពិ។

គ្រឿងផ្សំ​ត្រូវ​លាយ​ជាមួយ​សាច់​ត្រី រួចកូរ​វាឲ្យ​សព្វ​សាច់ សឹម​ចាក់​ខ្ទិះដូង​លាយ​ចូលគ្នា រួច​ទុក​មួយ​អន្លើ។

ចាប់ផ្តើម​បទ​ស្លឹកចេក​ធ្វើជា​កន្ទោង ដាក់​ស្លឹក​កន្ទួត​ទ្រាប់​ពីក្រោម​រួច​ចាក់​សាច់​ត្រី​ដែល​ច្របល់​រួចហើយ​ចូលក្នុង​កន្ទោង​ដោយ​ថែម​ខ្ទិះដូង (ដើម​ខ្ទិះ​ខាប់) ពីលើ​ជាមួយ​ម្ទេស និង​ស្លឹក​ក្រូចសើច​ដែរ​ហាន់​ជា​សរសៃ​រួច​ចំហុយ​ជាការ​ស្រេច។

ភោជនីយដ្ឋាន បាយ័ន​បឹងស្នោ ដែល​ល្បី​ម្ចាស់​ហាង​មាន​សួន​បន្លែ​ដាំ​ដំណាំ​ធម្មជាតិ​ភាគច្រើន​មក​ផ្គត់ផ្គង់​ផ្ទះបាយ​នោះ មាន​អាសយដ្ឋាន​ស្ថិត​នៅ​បណ្តោយ​ផ្លូវជាតិ​លេខ ១ ចម្ងាយ ៥០ ម៉ែត្រ​ពី​បុរីប៉េងហួត ទាក់ទង​ទូរស័ព្ទ​លេខ ០១៧ ៩៧៩៧៦៧ និង ០៩៦ ៩ ៩៧ ៩៧ ៦៧៕

អត្ថបទគួរចាប់អារម្មណ៍