ភ្នំពេញ: សម្រាប់អ្នកជំនួញនៅទីក្រុងភ្នំពេញ ដែលប្រាថ្នាកន្លែងញ៉ាំអាហារ និងអង្គុយប្រជុំក្នុងបរិយាកាសល្អអមដោយទេសភាពពីអគារ ៣៥ ជាន់ សណ្ឋាគារ Rosewood បានបើកបន្ថែមនូវភោជនីយដ្ឋានបែបជប៉ុន នាពេលថ្ងៃ។
អ្នកនាង Hanny Wahyuni Gunawan នាយកផ្នែកទំនាក់ទំនង នៃសណ្ឋាគារ Rosewood បាននិយាយថា៖ «ពីមុនយើងបើកភោជនីយដ្ឋាន Iza ម្ហូបជប៉ុននេះតែពេលល្ងាចប៉ុណ្ណោះ តែដោយសារតែភ្ញៀវភាគច្រើនគាត់ក៏ចង់ញ៉ាំអាហារជប៉ុននេះនៅពេលថ្ងៃដែរ អ៊ីចឹងបានជាយើងសម្រេចបើកពេលថ្ងៃបន្ថែម ដើម្បីឲ្យ ភ្ញៀវគាត់មានជម្រើសច្រើន ក្រៅពីភោជនីយដ្ឋាន Bras-serie Louis នៅ សណ្ឋាគារ Rosewood របស់យើង»។
អ្នកនាងបន្តថា៖ «នៅក្នុងហាងភោជនីយដ្ឋាន Iza ម្ហូបជប៉ុននេះយើងតុបតែងរចនាប័ទ្មបែបជប៉ុនទាន់សម័យ ដោយភ្ញៀវអាចជ្រើសរើសតុអង្គុយ អាចមើលទេសភាពទីក្រុងភ្នំពេញ ឬមួយក៏អាចអង្គុយទល់មុខចុងភៅដែលមានសិល្បៈចម្អិនម្ហូបផ្ទាល់»។
ឈុតអាហារថ្ងៃត្រង់មានដូចជា Salmon Teriyaki និង Salmon Avocado Chirashi តម្លៃ ១៦ ដុល្លារ។ ក្រៅពីនេះភ្ញៀវក៏អាចញ៉ាំជាប្រភេទមីជប៉ុន តម្លៃប្រមាណ ១១ ទៅ ១២ ដុល្លារ។
អ្នកចូលចិត្តអាហារជប៉ុន និងក្លែមទេសភាពរាជធានីភ្នំពេញដ៏ប្លែកភ្នែកពីអគារ ៣៥ ជាន់បានគឺនៅ ភោជនីយដ្ឋាន Iza ស្ថិតនៅក្នុងសណ្ឋាគារ Rosewood អាចទាក់ទងកក់កន្លែងតាមទូរស័ព្ទលេខ ០២៣ ៩៣៦ ៨៨៨៕