The Phnom Penh Post Search

Search form

Logo of Phnom Penh Post newspaper Phnom Penh Post - អាហារ​ចម្អិន​លើ​ថ្ម​ក្ដៅ​៤០០​អង្សារ​នៅ​ទីក្រុង​សៀមរាប

អាហារ​ចម្អិន​លើ​ថ្ម​ក្ដៅ​៤០០​អង្សារ​នៅ​ទីក្រុង​សៀមរាប

អាហារ​ចម្អិន​លើ​ថ្ម​ក្ដៅ​៤០០​អង្សារ​នៅ​ទីក្រុង​សៀមរាប

Content image - Phnom Penh Post

សៀមរាបៈ ដោយ​ប្រើ​វិធីសាស្រ្ត​ចម្អិន​អាហារ​លើ​ថ្ម​បែប​បុរាណ ប្តី​ប្រពន្ធ​លោក សេង សុធា និង​អ្នកស្រី ជូ សូនីតា បាន​ទាក់ទាញ​ភ្ញៀវ​ជាច្រើន​មក​ភ្លក្ស​សាច់ និង​ត្រី​ដែល​ចម្អិន​នៅលើ​បន្ទះ​ថ្ម​កម្ដៅ​៤០០​អង្សា​ក្នុង​ហាង Hot Stone Cafe របស់​ខ្លួន​។

ស្ថិត​នៅ​ក្បែរ​មជ្ឈមណ្ឌល​ពាណិជ្ជកម្ម​អង្គរ ក្នុង​ក្រុង​សៀមរាប ហាង​នេះ​មាន​បម្រើ​នូវ​អាហារ​ចម្អិន​លើ​ថ្ម ព្រម​ទាំង​អាហារ​ស៊ូស៊ី​ជប៉ុន​វេចខ្ចប់​រួច​ជាស្រេច​ដែល​អាច​ជាវ​ពី​រទេះ​ម្ហូប នៅ​ខាង​មុខ​ហាង។

លោក សេង សុធា បាន​ថ្លែង​ថា៖ «គំនិត​យក​ដុំ​ថ្ម​មក​ធ្វើ​ជា​ឧបករណ៍​ចម្អិន​នេះ​ដោយ​យក​លំនាំ​តាម​របៀប អាំង​សាច់​បាប៊ីឃ្យូ​នោះ​ឯង។ ភ្ញៀវ​អាច​មាន​ភាព​រីករាយ​នឹង​ការ​ទទួលទាន​សាច់​គ្រប់​ប្រភេទ​ដែល​លក់​នៅ ក្នុង​ស្រុក និង​សាច់​នាំ​ពី​ប្រទេស​អូស្រ្តាលី។ ភ្ញៀវ​ក៏​អាច​មាន​ជម្រើស​តាម​ចំណូល​ចិត្ត​ផ្ទាល់​ខ្លួន​ផង​ដែរ​ដូច​ជា​សាច់ នៅ​ឆៅៗ ឆ្អិន​ល្មម និង​ឆ្អិន​ល្អ​បាន​ជាមួយ​ការ​ចម្អិន​សាច់​លើ​ថ្ម​ដ៏ក្ដៅ​ផង​ដែរ»។

20140506_23a
សាច់ត្រីចម្អិនលើបន្ទះថ្មក្ដៅខ្ទង់៤០០អង្សានៅភោជនីយដ្ឋាន Hot Stone Cafe oyensrodriguez

លោក សុធា បាន​បញ្ជាក់​ថា​ថ្ម​ដែល​យក​មក​ធ្វើ​ជា​ឧបករណ៍​ចម្អិន​នេះ​អាច​មាន​កម្តៅ ក្តៅ​ខ្លាំង​ពី​៣០០​ទៅ​៤០០​អង្សា​ហើយ​វា​អាច​រក្សា​កម្តៅ​បាន​រយៈពេល​ពី​៦ ទៅ​៨​ម៉ោង។

លោក សេង សុធា ថា៖ «ដំបូង​យើង​ហាន់​សាច់​ឆៅ​ជា​បន្ទះៗ​តាម​ការ​ចង់​បាន​របស់​ភ្ញៀវ​ហើយ​ទុក ភារកិច្ច​ចម្អិន​ទៅ​ឲ្យ​ភ្ញៀវ​ដោយ​ខ្លួន​ឯង។ យើង​មាន​ទឹកជ្រលក់​បី​ប្រភេទ​ផ្សេង​គ្នា​រួម​ទាំង​មាន បន្លែ​សាលាដ​សម្រាប់​ផ្ទាប់​ជាមួយ​ផង»។

ចំពោះ​តម្លៃ​សាច់គោ​ចំឡក​ក្នុង ស្រុក​មួយ​ចាន​តម្លៃ​៤,៦​ដុល្លារ ខណៈ​សាច់គោ​អូស្រ្តាលី​តម្លៃ​៩,៩​ដុល្លារ។ ក្រៅពី​សាច់គោ​គេ​ឃើញ​មាន​សាច់​ត្រី​សាល់ម៉ុន សាច់​ហ្វីឡេ​ក្រហម បង្គាស្រស់ៗ បន្លែ​គ្រប់​មុខ និង​មាន​ផ្សិត​ធំៗ​ទៀត​ផង។

ក្រោយពី​បើក ដំណើរការ​បាន​ជាង​២​ខែ ហាង Hot Stone Cafe ទទួល​បាន​ការ​ពេញនិយម​ទាំង​ភ្ញៀវ​ជាតិ និង​បរទេស ហើយ​លោក សុធា​ក្នុង​ចំណោម​នោះ​មាន​ភ្ញៀវ​ខ្មែរ​ប្រមាណ​៦០​ភាគរយ។

ចំពោះ​រទេះ លក់​ម្ហូប​នៅ​ហាង​របស់​លោក​វិញ ភ្ញៀវ​ក៏​អាច​ជាវ​ប្រអប់​ឈុត​ស៊ូស៊ី​ជប៉ុន​ក្នុង​តម្លៃ​សមរម្យ​ដោយ​មាន តម្លៃ​ពី​៣​ដល់​៣,៥​ដុល្លារ។ ដោយឡែក​ស៊ូស៊ី​បួស​វិញ​តម្លៃ​១,៥​ដុល្លារ​ក្នុង​មួយ​ប្រអប់ ហើយ​ក្នុង​១​ថ្ងៃ​លោក​អាច​លក់​បាន​ប្រមាណ​ជា​៣០​ឈុត​៕ PR

អត្ថបទគួរចាប់អារម្មណ៍