The Phnom Penh Post Search

Search form

Logo of Phnom Penh Post newspaper Phnom Penh Post - អាហារ​ចិន​ហុងកុង​នៅ​ភោជនីយ​ដ្ឋាន​ឌីមសាំ អែមភើរើ​ទើប​បើក​ថ្មី

អាហារ​ចិន​ហុងកុង​នៅ​ភោជនីយ​ដ្ឋាន​ឌីមសាំ អែមភើរើ​ទើប​បើក​ថ្មី

អាហារ​ចិន​ហុងកុង​នៅ​ភោជនីយ​ដ្ឋាន​ឌីមសាំ អែមភើរើ​ទើប​បើក​ថ្មី

130402_22b
130402_22b

ភ្នំពេញ : ឌីម​សំា​ត្រូវ​បាន​ចាត់​ទុក​ជា​អាហារ​សម្រន់​ដ៏​មាន​ប្រជាប្រិយ​ភាព​ជាមួយ​ការ​រៀប​ចំ​ពោរ​ពេញ​ទៅ​ដោយ​ការ​ច្នៃ​ប្រឌិត​និង​រសជាតិ​ចម្រុះ​គ្នា។ ឌីម​សាំ​ក៏​ត្រូវ​បាន​ណែនាំ​ជូន​ជា​ឈុត​ប្រអប់​ឫស្សី​ក្តៅៗ​សម្រាប់​ចែក​រំលែក​ជាមួយ​ក្រុម​គ្រួសារ និង​មិត្ត​ភក្តិ​ផង​ដែរ។

ឌីមសាំ​ដ៏​ឈ្ងុយ​ឆ្ងាញ់​ទាំង​នេះ​មាន​នៅ​ភោជនីយដ្ឋាន ឌីម​សាំ អែមភើរើ ដែល​ទើប​តែ​បង្ហាញ​ខ្លួន​ស្ថិត​នៅ​ក្បែរ​ផ្សារ​ធំ​ថ្មី​នៅ​លើ​អគារ​កម្ពស់​ពីរ​ជាន់​ដែល​មាន​កន្លែង​អង្គុយ​ញ៉ាំ​អាហារ​ទាំង​ខាង​ក្រៅ​និង​ក្នុង​និង​ការ​រចនា​ម៉ូដ​បែប​ចិន​ហុង​កុង។

អំពូល​គោម​ក្រហម តុ​មូល និង​ជ្រុង​តូច​ធំ​ត្រូវ​បាន​រៀប​ចំ​ដោយ​មាន​របៀប​ងាយ​ស្រួល​សម្រាប់​អ្នក​ជំនួយ​ឬ​ភ្ញៀវ​ទូទៅ​ជួប​ជុំ​គ្នា​ទទួល​ទាន​អាហារ​។

ក្នុង​ពិធី​សម្ពោធ​នា​ថ្ងៃ​អង្គារ​សប្ដាហ៍​មុន លោក ឌីក វ៉ុង ដែល​សហការ​នឹង​អ្នក​ស្រី យ៉ារី មាស ក្នុង​ការ​ស្ថាបនា​ភោជនីយដ្ឋាន​នេះ​ឡើង​បាន​ឲ្យ​ដឹង​ថា៖ «ហាង​នេះ​បើក​ឡើង​គឺ​សម្រាប់​មនុស្ស​គ្រប់​ស្រទាប់​វណ្ណៈ​ហើយ​ចំណុច​ពិសេស​របស់​ហាង​យើង​គឺ​យើង​ផ្តោត​ទៅ​លើ​អនាម័យ​ជា​ចម្បង»។

លោក​ក៏​បាន​ឲ្យ​ដឹង​ទៀត​ថា ឌីម​សាំ អែមភើរើ ក៏​មាន​បម្រើ​អាហារ​សម្រន់​ដូចជា​មី ស៊ុប ឌីមសាំ សាច់​អាំង​ប៊ីប៊ីឃ្យូ ហុងកុង ការី បាយ គុយទាវ សាន់​វិច និង​អាហារ​ចិន​ជា​ច្រើន​ទៀត ដែល​ចម្អិន​ដោយ​ចុង​ភៅ​មក​ពី​ហុង​កុង​តែ​ម្តង។

ភោជនីយដ្ឋាន​ចាប់​បើក​ទ្វារ​ពី​ម៉ោង​៦:៣០​ព្រឹក​រហូត​ដល់​១១:៣០​យប់ និង​ស្ថិត​នៅ​ផ្ទះ​លេខ​៤៨​E1 និង E2 ផ្លូវ​៥៣ កាច់​ជ្រុង​ផ្លូវ​១៣០​សង្កាត់​ផ្សារ​ថ្មី១ ខណ្ឌ​ដូន​ពេញ។ វិបសាយ www.dimsumemperors.com និង​លេខ​ទូរស័ព្ទ ០២៣ ៦៥០ ៧៤ ៥២៕

អត្ថបទគួរចាប់អារម្មណ៍