The Phnom Penh Post Search

Search form




Logo of Phnom Penh Post newspaper Phnom Penh Post - Katsu Curry ពី​សាលា​បង្រៀន​ធ្វើ​ម្ហូប​ពិភពថ្មី




Katsu Curry ពី​សាលា​បង្រៀន​ធ្វើ​ម្ហូប​ពិភពថ្មី

Katsu Curry ពី​សាលា​បង្រៀន​ធ្វើ​ម្ហូប​ពិភពថ្មី

120717_22b
120717_22b
120717_22a
120717_22a
120717_22c
មេចុងភៅលោក វិត ថន បង្ហាញម្ហូប Katsu Curry ឈឹម ស្រីនាង

ភ្នំពេញ : ជម្រាប​សួរ​មិត្ត​អ្នក​អាន ភ្នំពេញ ​ប៉ុស្ដិ៍​ជាទី​មេត្រី! កាល​ពី​សប្ដាហ៍​មុន​ លោក​អ្នក​បាន​ភ្លក្ស​ម្ហូប​កូរ៉េ kimchi jigae រួច​ហើយ។ ដូច្នេះ សប្ដាហ៍​នេះ ខ្ញុំ​នឹង​នាំ​លោក​អ្នក​ទៅ​ភ្លក្ស​អាហារ​ជប៉ុន​វិញ​ម្ដង ដែល​ម្ហូប​នោះ​មាន​ឈ្មោះ​ថា Katsu Curry។ ម្ហូប​នេះ​មាន​លក្ខណៈ​ងាយស្រួល​ក្នុង​ការ​ចម្អិន ហើយ​វា​ក៏​ជា​អាហារ​ដែល​មាន​តុល្យភាព​នៃ​គ្រឿង​ផ្សំ​បន្លែ និង​សាច់​ផង​ដែរ។

ប្រសិន​បើ​លោក​អ្នក​ចង់​សិក្សា​ពី​វិធី​ធ្វើ​ម្ហូប Katsu Curry នេះ សូម​តាម​ដាន​វិធី​ធ្វើ​តាម​ដំណាក់​កាល​ដែល​បង្ហាញ​ជូន​ដោយ​មេ​ចុង​ភៅ​លោក វិត ថន​ពី​សាលា​បង្រៀន​ធ្វើ​ម្ហូប​អន្តរជាតិ ពិភព​ថ្មី​ដូច​ខាង​ក្រោម​នេះ៖

គ្រឿងផ្សំ : សាច់​ជ្រូក ម្សៅ​បំពង​ (កម្ទេច​នំបុ័ង) គ្រឿង​ការី​ជប៉ុន ការ៉ុត ដំឡូង និង​ខ្ទឹម​បារាំង។

វិធី​ចម្អិន : ដំបូង​ត្រូវ​យក​សាច់​ជ្រូក​លាង​ទឹក​ឲ្យ​ស្អាត រួច​ហាន់​វា​ជា​បន្ទះ​ស្ដើងៗ​ រួច​យក​ទៅ​ប្រលាក់​ជាមួយ​ម្សៅ​កម្ទេច​នំបុ័ង។ យក​សាច់​ជ្រូក​ដែល​ប្រឡាក់​ម្សៅ​រួច​ទៅ​បំពង​ជាមួយ​ប្រេង​ឆា។

យក​សាច់​ជ្រូក​ដែល​បំពង​រួច​ទៅ​រៀប​ដាក់​ចាន ជាមួយ​នឹង​សាលាដ​ពណ៌​ស្វាយ។

បន្ទាប់​មក​ត្រូវ​ធ្វើ​ទឹក​ការី ដោយ​ដាក់​ស្ងោរ​ការ៉ុត ខ្ទឹម​បារាំង និង​ដំឡូង​បារាំង​ឲ្យ​ឆ្អិន​៧០​ភាគរយ (កុំ​ឲ្យ​ឆ្អិន​រហូត​ដល់​រលួច​សាច់​បន្លែ​ពេក) ហើយ​ដាក់​គ្រឿង​ការី​ជប៉ុន​ចូល។ ចាប់​ផ្ដើម​កូរ​ឲ្យ​រលាយ​គ្រឿង​ការី។ បន្ទាប់​មក​យក​ទឹក​ការី​ដែល​ឆ្អិន​រួច​នោះ ទៅ​ចាក់​ស្រោច​លើ​សាច់​ជ្រូក​ដែល​យើង​បាន​បំពង​រួច នោះ​ជាការ​ស្រេច។

ប្រសិន​បើ​លោក​អ្នក​ចង់​ភ្លក្ស​រសជាតិ Katsu Carry បែប​ជប៉ុន ឬ​ក៏​ចង់​រៀន​សិក្សា​ជំនាញ​នេះ​ពី​មេចុង​ភៅ​ល្បី​ឈ្មោះ​ផ្ទាល់​តែ​ម្ដង សូម​ទំនាក់ទំនង​សាលា​បង្រៀន​ធ្វើ​ម្ហូប​អន្តរជាតិ ពិភព​ថ្មី ដែល​មាន​អាសយដ្ឋាន​នៅ​ភោជនីយដ្ឋាន​ពិភព​ថ្មី ផ្ទះ​លេខ ១២ ផ្លូវ​លេខ ៨៨ សង្កាត់​ស្រះចក និង​ទំនាក់​ទំនង​ទូរស័ព្ទ​លេខ ០៨១ ៨៣២ ១២៣ និង ០៨៩ ៨៣២ ១២៣។

បណ្ដា​ភោជនីយដ្ឋាន សាលា​បង្រៀន​ធ្វើ​ម្ហូប និង​លោក​អ្នក​ដែល​មាន​បំណង​ចង់​ចែក​រំលែក​វិធី​ចម្អិន​ម្ហូប​ពិសេសៗ​ជាមួយ​ មិត្ត​អ្នក​អាន​ ភ្នំពេញ​ ប៉ុស្ដិ៍ សូម​ទំនាក់ទំនង​មក​កាន់​ការិយាល័យ​ផ្នែក​ជីវិត​កម្សាន្ត​តាម​រយៈ​លេខ ០៧៧ ៧១៧ ៧១៥ និង ០១៦ ៩៣ ១៣ ១៣៕

អត្ថបទគួរចាប់អារម្មណ៍