ក្រុងតូក្យូ: ក្រុមហ៊ុន Yamaha បានប្រកាសបង្ហាញ កង់ជំនួយអគ្គិសនីគំរូអនាគតកាល YPJ-MTB Concept នៅពិព័រណ៍យានយន្ដក្រុងតូក្យូ។ បើទទួលបានប្រតិកម្មល្អៗពីអតិថិជន ក្រុមហ៊ុននឹងសម្រេចដាក់លក់ផលិតផលថ្មីនេះ។
YPJ-MTB CONCEPT ជាម៉ូដែល MTB នៃកង់ជំនួយអគ្គិសនីស៊េរី YPJ ដោយយកតាមទស្សនវិស័យជិះកម្សាន្ដលេង និងសម្រាប់ជាចំណូលចិត្ដផ្នែកកីឡាចុងសប្ដាហ៍។
នៅអឺរ៉ុប និងសហរដ្ឋ អាមេរិក កង់ជំនួយថាមពលអគ្គិសនី MTB មានតម្រូវការខ្ពស់។ ពេលត្រូវធាក់ឡើងចំណោតខ្ពស់ដែលសើម និងរអិល អ្នកអាចប្រើជំនួយអគ្គិសនីដោយមិនចាំបាច់ប្រឹង។ ក្នុងករណីនេះ ជំនួយការអគ្គិសនី MTB ដែលអាចជួយរក្សាកម្លាំងកាយពេលលែងចង់ចំណាយថាមពលធាក់តទៅទៀត។
ជាមួយទំហំកង់ធំរបស់ MTB លោកអ្នកធាក់ឡើងចំណោតដោយមិនបាច់ចំណាយកម្លាំងកាយច្រើន។ តួកង់ក៏ជួយកាត់បន្ថយការប្រើថាមពលខ្លះដែរ។ខណៈកំពុងធាក់កង់នៅរដូវភ្លៀង និងលើកម្រាលព្រឹលទឹកកក ហានិភ័យរអិលពិតជាប្រឈមខ្ពស់ តែវាក៏ត្រូវបានកាត់បន្ថយដោយសារតែកង់ដ៏ក្រាស់របស់ MTB។
កង់ជំនួយអគ្គិសនីនេះ មានទម្ងន់ ១៥,៤ គីឡូក្រាម ក្រុមហ៊ុនបានដាក់អាគុយតូចមួយ អាចប្រើលើចម្ងាយផ្លូវ ១៤ គីឡូម៉ែត្រ។
ទោះកង់ JPJ-MTB គ្រាន់តែជាម៉ូដែលគំរូ តែក្រុមហ៊ុន Yamaha ក៏បានប្រកាសណែនាំផលិតផលថ្មីមួយទៀត ស្រដៀងគ្នាគឺ YPJ-R លក់ក្នុងតម្លៃ ២០៥០ ដុល្លារនៅជប៉ុន៕HR