.jpg)
កង់ដឹកទំនិញអគ្គិសនីតម្លៃពី ១៥០០ ដល់ ៦០០០ ដុល្លារ។ AFP
ក្រុងប៊ែរឡាំង: មិនថាវាអូសទាញអីវ៉ាន់ធ្ងន់ៗ ឬកុមារតូចៗទេ កង់ដឹកទំនិញកំពុងចរាចរណ៍ដ៏ពេញនិយមតាមក្រុងនានានៅអាល្លឺម៉ង់ បន្ទាប់ពីជម្រើសយានយន្ដស្ទួយបរិស្ថាន និងឡានវ៉ែនដឹកទំនិញ។
មហិច្ឆតាផលិតបច្ចេកវិទ្យាស្ទួយបរិស្ថានជាគន្លឹះសំខាន់ដែលនាំឲ្យកើតមានកង់ដឹកទំនិញក្នុងប្រទេសដែលទីក្រុងសម្បូរផ្សែងពុលកំពុងតែពិចារណាចេញបម្រាមចរាចរណ៍រថយន្ដម៉ាស៊ូតដើម្បីទប់ទល់ការបំផ្លិចបំផ្លាញបរិយាកាស។
Arne Behrensen ជាអ្នកផ្សព្វផ្សាយកង់ដឹកទំនិញកំពូលម្នាក់ក្នុងប្រទេសអាល្លឺម៉ង់ ជាមធ្យោបាយធ្វើដំណើរបុរាណ ដែលមានកង់ ២ ឬ ៣ ភ្ជាប់កន្ទុយសណ្ដោងនៅផ្នែកខាងមុខ បាននិយាយថា៖ «គុណវិបត្ដិម៉ាស៊ីនម៉ាស៊ូតជាដើមចមឲ្យមានការអភិវឌ្ឍធំសម្បើមនាពេលនេះ»។
Gaya Schuetze មកពីហាងលក់កង់ Mehringhof ក្រុងប៊ែរឡាំង ជាមជ្ឈមណ្ឌលផលិតកង់ដឹកទំនិញឈានមុខ និយាយថា៖ «នៅទសវត្សរ៍ ៩០ យើងរីករាយដែលអាចលក់តែមួយគ្រឿងក្នុង ១ ឆ្នាំ»។
សព្វថ្ងៃ អាល្លឺម៉ង់ជាទីផ្សារធំបំផុតនៅអឺរ៉ុបក្នុងការទិញកង់ដឹកទំនិញច្រើនជាងគេ ដោយទិន្នន័យលក់កង់ជំនួញអគ្គិសនីលក់ទៅដល់ ២១០០០ គ្រឿងក្នុងឆ្នាំ ២០១៧ ស្មើនឹង ៤២ ភាគរយលើសពីឆ្នាំមុន។
កង់ដឹកជញ្ជូនមានតម្លៃចន្លោះពី ១៥០០ ទៅ ៦០០០ ដុល្លារ អាស្រ័យលើម៉ូដែល។ រដ្ឋាភិបាលសហព័ន្ធក៏មានវិធានការជួយចេញប្រាក់ ២៥០០ អឺរ៉ូសម្រាប់ការទិញកង់ដឹកទំនិញអគ្គិសនីដែលមានសមត្ថភាពផ្ទុកទំនិញជាង ១៥០ គីឡូក្រាម ខណៈដែលអាជ្ញាធរក្រុងប៊ែរឡាំងបានជួយពី ៥០០ ទៅ ១០០០ អឺរ៉ូ៕
