.jpg)
Suning អាចឲ្យអ្នកទិញគ្រាន់តែកាន់ផ្លែឈើភ្លែតក៏ដឹងពីតម្លៃវាភ្លាម។ រូបថត AFP
ក្រុងប៉េកាំង: ក្រុមហ៊ុនយក្សលក់រាយរបស់ចិន JD.com និង Suning សុទ្ធតែមានយុទ្ធសាស្ដ្រសេវាកម្មទាក់ទាញអតិថិជនទទួលបាននូវបច្ចេកវិទ្យាថ្មីៗ។
នាយកផ្នែកទំនាក់ទំនងក្រុមហ៊ុន JD ឈ្មោះ យូឈួន វ៉ាង បាននិយាយថា៖ «យើងជឿថាអនាគតនៃការលក់រាយមិនមែនជាជំនួញលើអនឡាញ ឬលក់ផ្ទាល់នោះទេ តែជាឱកាសជំនួញគ្មានដែនកំណត់»។
JD បានបង្ហាញពីវិធីដែលអ្នកលក់អាចធ្វើការជជែកជាមួយអេក្រង់ដែលអនុញ្ញាតឲ្យអ្នកទិញប្រើកាយវិការគ្រប់គ្រងលើការ ល និងទិញសម្លៀកបំពាក់ និង ផលិតផលសម្ផស្ស។
ហាងលក់រាយធំបំផុតមួយនៅចិន JD នេះ ក៏បានបង្ហាញពីការប្រើប្រាស់រ៉ូបូត និង ដ្រូនដឹកជញ្ជូនដែលត្រូវបានប្រើក្នុងប្រទេសចិន ដោយវាមានសមត្ថភាពដឹកជញ្ជូនទំនិញឲ្យអតិថិជនចិនស្ទើរគ្រប់តំបន់ជាមួយរយៈពេលពី ១ ទៅ ២ ថ្ងៃ។
ក្រុមហ៊ុន Suning ដែលអះអាងថាជាងហាងលក់ចម្រុះប្រព័ន្ធធំបំផុតនៅចិន ក៏បានបង្ហាញពីបច្ចេកវិទ្យា លខោអាវព្រមទាំងប្រព័ន្ធទូទាត់ប្រាក់ដោយឥតប្រើអ្នកគិតលុយស្រដៀងនឹងម៉ូដែល Amazon Go ដែរ។
នាយកផ្នែកយុទ្ធសាស្ដ្រ Sung លោក វ៉ាតសុន វ៉ាត ដែលបានបង្ហាញដល់អ្នកចូលរួមនៅពិព័រណ៍អ្នកប្រើប្រាស់បច្ចេកវិទ្យាអេឡិចត្រូនិក CES អំពីការប្រើប្រាស់បច្ចេកវិទ្យាថ្មីនេះបាននិយាយថា៖ «ខ្ញុំគ្រាន់តែចាប់កាន់ប៉ោមមួយផ្លែ ហើយវានឹងប្រាប់ខ្ញុំអំពីតម្លៃរបស់ប៉ោមនោះ។ ជាមួយផលិតផលរបស់ខ្ញុំ ខ្ញុំគ្រាន់តែដើរចេញហើយវាប្រើបច្ចេកវិទ្យាស្គាល់ផ្ទៃមុខ រួចទូទាត់ប្រាក់ពីខ្ញុំតែម្ដង»។
Suning បានប្រកាសថាខ្លួនកំពុងស្វែងរកដៃគូជាមួយក្រុមហ៊ុនលក់រាយសម្រាប់ «បច្ចេកវិទ្យាលក់ខួរក្បាលវៃឆ្លាត» ដែលអាចឲ្យហាងលក់ប្រើបច្ចេកវិទ្យានេះ៕ HR
