ក្រុងតូក្យូ: ពេលនេះឪពុកចូលចិត្ដនិយាយថា ពួកគេអាចអ្វីៗគ្រប់យ៉ាងដូចអ្នកម្ដាយដែរ លើកលែងតែការបំបៅដោះកូន។ ច្បាស់ហើយដោយសារតែបច្ចេកវិទ្យាថ្មីដែលផលិតឡើងដោយក្រុមហ៊ុនជប៉ុន Dentsu ការបំបៅដោះកូនមិនមែនជាឧបសគ្គសម្រាប់បុរសជាឪពុកគ្រប់រូបទៀតទេ។
ថ្មីៗនេះដោយត្រូវបានបង្ហាញនៅពិព័រណ៍បច្ចេកវិទ្យា SXSW ក្នុងក្រុងអូស្ទីន រដ្ឋតិចសាសឧបករណ៍ជំនួយបំបៅដោះកូនសម្រាប់បុរសជាឪពុក (Father''s Nursing Assistant) ពិតជាគួរឲ្យអារម្មណ៍ បើទោះជាវារាងចម្លែកបន្ដិច។ វាអាចឲ្យឪពុកជួយកិច្ចការភរិយាប្រចាំថ្ងៃដ៏ស្មុគស្មាញ។
ក្រុមហ៊ុនបានឲ្យដឹងថា៖ «ការបំបៅដោះកូនក៏អាចជួយឪពុកម្ដាយឲ្យគេងលក់ស្រួលផងដែរ។ នេះជាអត្ថប្រយោជន៍ដែលមានគោលដៅសម្រាប់ស្ដ្រីជាម្ដាយ។ ដោយផ្ដោតលើការបំបៅដោះកូន យើងមានបំណងកាត់បន្ថយការរំខានដល់អ្នកម្ដាយ និងបង្កើនពេលវេលាដំណេកដល់ទារកតាមរយៈការបំបៅដោះពីឪពុក»។
ឧបករណ៍ជំនួយថែទាំកូនសម្រាប់ឪពុកត្រូវបានផលិតឡើងតាមទម្រង់ដើមទ្រូងស្ដ្រីដោយសុដន់ម្ខាងបំពាក់ទឹកដោះគោ ហើយសុដន់ម្ខាងទៀតមានទម្រង់ដើមទ្រូងភ្ជាប់ចុងសុដន់។ ឧបករណ៍នេះត្រូវបានកម្ដៅឲ្យសមទៅតាមដើមទ្រូងដ៏កក់ក្ដៅរបស់អ្នកម្ដាយ និងអាចឲ្យទារកគេងយ៉ាងស្ងប់សុខលើដៃបីត្រកងរបស់ឪពុក។
Dentsu បានគូសបញ្ជាក់ថាឧបករណ៍ជំនួយបំបៅដោះកូនសម្រាប់បុរសជាឪពុកលើសពីធុងទឹកដោះគោសម្រាប់បំបៅកូន។ វាក៏ផ្ដល់ជារំញ័រជួយដល់ដំណេកផងដែរ៕ HR