.jpg)
ឧបករណ៍ Pocketalk ក្នុងពិព័រណ៍ក្រុងប៊ែរឡាំង។ AFP
ក្រុងប៊ែរឡាំង: ស្ដង់មួយនៅពិព័រណ៍បច្ចេកវិទ្យា IFA ក្នុងក្រុងប៊ែរឡាំង កាលពីថ្ងៃទី ៣១ ខែសីហា បានបង្ហាញឧបករណ៍បកប្រែភាសា Poc-ketalk។
IFA ជាពិព័រណ៍ធំបំផុតនៅអឺរ៉ុប ហើយខណៈវាមិនដូចជាពិព័រណ៍ CES របស់អាមេរិក វាមិនខ្វះឧបករណ៍ប្លែកៗ និងអស្ចារ្យជាច្រើនប្រភេទសម្រាប់ផ្ដល់ជូនភ្ញៀវចង់ដឹងចង់ឃើញ។
និយាយជាឃ្លោងឃ្លាទៅកាន់ប្រអប់ប៉ុនបាតដៃ ហើយវានឹងបកប្រែបានជាង ៧០ ភាសា ដរាបណាវាភ្ជាប់ជាមួយប្រព័ន្ធ WiFi ឬប្រព័ន្ធអ៊ីនធឺណិតទូរស័ព្ទ និងអាចស្ដាប់បានច្បាស់។
ឧបករណ៍បកប្រែភាសាបំពាក់បច្ចេកវិទ្យាវៃឆ្លាត ផ្ដល់ភាពងាយស្រួលដល់អ្នកនិយមធ្វើដំណើរជុំវិញពិភពលោក និងសន្ទនាជាមួយអ្នក ដែលនិយាយភាសាខុសៗគ្នា។ ជាមួយសមត្ថភាពបកប្រែបាន ៧៤ ភាសា Pocketalk ផ្ដល់ភាពងាយស្រួលក្នុងការយល់អត្ថន័យគ្នាទៅវិញទៅមក។
Pocketalk ជួយអ្នកប្រើប្រាស់មិនចាំបាច់មើលពាក្យពេចន៍ និងឃ្លាលើវចនានុក្រម ឬទូរស័ព្ទដៃ។ វាជាឧបករណ៍ដ៏តូចច្រឡឹង ងាយទុកដាក់ក្នុងហោប៉ៅនេះ។
ដូច្នេះ លោកអ្នកអាចយកតាមខ្លួន ដើម្បីស្វែងយល់ពីវប្បធម៌ជាតិសាសន៍ដទៃក្នុងដំណើរជំនួញ ទាំង ការត្រាច់ចរទូទាំងអឺរ៉ុប។
លោក ណូរីយូគិ ម៉ាស៊ូដា អគ្គនាយក និងជាស្ថាបនិក Sourcenext បាននិយាយថា៖ «យើងផលិត Pocketalk ដើម្បីជួយផ្សារភ្ជាប់ទំនាក់ទំនងមនុស្សមកពីគ្រប់ជាតិសាសន៍។ បេសកកម្មរបស់យើងតែងតែបង្កើនជំរុញភាពងាយយល់គ្នា និងគោរពវប្បធម៌ខុសៗគ្នា។ ភាសាជាវិថីផ្សារភ្ជាប់ មិនមែនរនាំងបាំងបិទឡើយ»៕HR
