The Phnom Penh Post Search

Search form




Logo of Phnom Penh Post newspaper Phnom Penh Post - ដ្រូន​មើល​ក្រពើ​ ហោះ​ល្បាត​ដែន​ទឹក​អូស្ដ្រាលី ​ផ្ដល់​សុវត្ថិភាព​ជូន​​​ទេសចរ​

ដ្រូន​មើល​ក្រពើ​ ហោះ​ល្បាត​ដែន​ទឹក​អូស្ដ្រាលី ​ផ្ដល់​សុវត្ថិភាព​ជូន​​​ទេសចរ​

Content image - Phnom Penh Post
ដ្រូន​ ហោះ​ល្បាត អាច​កំណត់​មុខ​សញ្ញា​ក្រពើ និង​សណ្ឋាន​របស់វា​​ពីលើអាកាស​​។ រូបថត AFP

ដ្រូន​មើល​ក្រពើ​ ហោះ​ល្បាត​ដែន​ទឹក​អូស្ដ្រាលី ​ផ្ដល់​សុវត្ថិភាព​ជូន​​​ទេសចរ​

ក្រុង​ស៊ីដនី៖ អូស្រ្តាលី​ដែល​ជា​ប្រទេស​ដ៏​សម្បូរ​ក្រពើ​អាច​មាន​សុវត្ថិភាព​ដោយសារ​តែ​ដ្រូន​ដំបូង​បំផុត​ក្នុង​លោក​ ដែល​ធ្វើ​ការ​ហោះហើរ​សាកល្បង​កាល​ពី​ថ្ងៃ​ព្រហស្បតិ៍​កន្លង​ទៅ​។

ដ្រូន​បច្ចេកវិទ្យា​ទំនើប​ស្គាល់​ថា «​អ្នក​ស្វែងរក​ក្រពើ​» ត្រូវ​បាន​ធ្វើ​តេស្ដ​សាកល្បង​នៅ​ក្បែរ​ក្រុង Cairns រដ្ឋ​ឃ្វីនលែន ដោយ​វា​អាច​ល្បាត​តាម​ដង​ទន្លេ និង​ស្វែងរក​សត្វ​ក្រពើ​ផង​ដែរ​។

បំពាក់​ជាមួយ​អ្វី​ដែល​ក្រុម​អ្នក​ឌីហ្សាញ​បាន​ហៅ​ថា ​ជា​បច្ចេកវិទ្យា​វៃ​ឆ្លាត​ដំបូង​បំផុត​ក្នុង​លោក ឧបករណ៍​ទាំង​នេះ​អាច​កំណត់​សម្គាល់​សត្វ​ក្រពើ​តាម​បឹង​បួ ទន្លេ និង​ឆ្នេរ​ទាំង​ឡាយ​។

ទោះបី​ជា​ភាព​សាហាវ​ដ៏​គួរ​ឲ្យ​​ខ្លាច​របស់​សត្វ​ទាំង​នេះ​យ៉ាង​ណា​ក៏​ដោយ ក៏​ការ​​​វាយ​ប្រហារ​ទាំង​ទឹក​សាប និង​ទឹក​ប្រៃ​ទៅ​លើ​មនុស្ស​ពិត​ជា​ករណី​កម្រ​ខ្លាំង​ណាស់​។

ប៉ុន្ដែ​ឧប្បត្ដិហេតុ​វាយ​ប្រហារ​ ៥ ករណី ​តំបន់​ទេសចរណ៍​ភាគ​ខាង​ជើង​រដ្ឋ​ឃ្វីនលែន​ចន្លោះ​ឆ្នាំ​ ២០១៧ និង ​២០១៨ រួម​ទាំង​ការ​វាយ​ប្រហារ​ឆក់​យក​ជីវិត​មនុស្ស ២ នាក់​ និង​ដែន​ដី​គោក​ប្រវែង​ជាង ៤០ គីឡូម៉ែត្រ ធ្វើ​ឲ្យ​អាជ្ញាធរ​មាន​ក្ដី​បារម្ភ​ចំពោះ​សុវត្ថិភាព​។

Content image - Phnom Penh Post
វាអាច​​កំណត់​វត្តមានក្រពើ​ដ៏សុក្រឹត​បាន ៩៣ ភាគរយ​​​។ រូបថត AFP

ដំណោះ​ស្រាយ​បច្ចេកវិទ្យា​កើត​ឡើង​ពី​ការ​កែ​សម្រួល​​ដ្រូន​ស្វែងរក​ឆ្លាម​ ដើម្បី​ស្វែងរក​ប្រភេទ​សត្វ​មច្ចុរាជ​ផ្សេង​ទៀត។ ពេល​មាន​អ្នក​បញ្ជា​​ដ្រូន​ វា​នឹង​ស្គេន​តាមរយៈ​ការ​ថត​វីដេអូ និង​​បញ្ជូន​សារ​អាសន្ន​ទៅ​កាន់​អ្នក​បញ្ជា​ បើ​វា​ប្រទះ​ឃើញ​អ្វី​​ចម្លែក​នៅ​ខាង​ក្រោម​។

ក្រុម​អ្នក​ឌីហ្សាញ​បាន​ឲ្យ​ដឹង​ថា បច្ចេកវិទ្យា​វៃ​ឆ្លាត​នេះ​មាន​សមត្ថភាព​ស្វែងរក​សុក្រឹតភាព​រហូត​ដល់ ៩៣ ភាគរយ​ ខណៈ​ភ្នែក​ទទេ​មាន​កម្រិត​ប្រាកដ​ប្រជា​ត្រឹម​តែ ១៦ ឬ ១៩ ភាគរយ​ប៉ុណ្ណោះ​។

ម៉ាក ហ្វីលីពស៍ មក​ពី​ក្រុមហ៊ុន​ផលិត​ដ្រូន Westpac Little Ripper បាន​និយាយ​ថា ក្រុម​ការងារ​លោក​ចំណាយ​​ពេល​រាប់​រយ​ម៉ោង​កែ​សម្រួល​ទិន្នន័យ​ក្នុង​បច្ចេកវិទ្យា​នេះ​។

លោក​ថ្លែង​​ថា​៖ «ស្ថានភាព​ទឹក​ខុសៗ​គ្នា រួមទាំង ទំហំ និង​រូបរាង​ក្រពើ​ផ្សេងៗ​ពី​គ្នា ក៏​ដូច​ជា​ការ​នៅ​ស្ងៀម និង​ការ​ហែល​ទឹក​ វា​ត្រូវ​តែ​ស្វែងយល់​គ្រប់​យ៉ាង​អំពី​ពពួក​ក្រពើ​ទាំង​នោះ និង​អាច​ស្វែងរក​វត្ដមាន​របស់​វា​បាន​ល្អ​ប្រសើរ​»។

ណាប៊ីន សាម៉ា ជា​អ្នក​ស្រាវជ្រាវ​មក​ពី​សាកលវិទ្យាល័យ​បច្ចេកវិទ្យា​ស៊ីដនី បាន​និយាយ​ថា អាជ្ញាធរ​ឃ្វីនលែន​រំពឹង​ចង់​ឲ្យ​ឆាប់​ដាក់​ឧបករណ៍​នេះ​ប្រើប្រាស់​ ដោយ​វា​ជា​ផ្នែក​មួយ​នៃ​កម្មវិធី CrocWise Programme ដែល​ជូន​ដំណឹង​ដល់​សាធារណជន​អំពី​ចំនួន​ក្រពើ​ ក៏​ដូចជា​ជុំវិញ​​ទស្សនៈ​នៃ​ការ​អភិរក្ស​ផង​ដែរ​។

បច្ចេកវិទ្យា​ថ្មី​នេះ ក៏​អនុញ្ញាត​ឲ្យ​អ្នក​បញ្ជា​​ព័ត៌មាន​ឡើង​វិញ​ដែល​រក្សា​ទុក​ក្នុង​កម្មវិធី​ទូរស័ព្ទ​ ដែល​អាច​ដោនឡូដ​ជា​សាធារណៈ។ បច្ចុប្បន្ន មាន​ដ្រូន​ជាង ១០០ គ្រឿង ​ដែល​ត្រូវ​បាន​ដាក់​ពង្រាយ​ដោយ​ក្រុម​សង្គ្រោះ​ទូទាំង​ប្រទេស ​អូស្ដ្រាលី ដែល​ភាគ​ច្រើន​សម្រាប់​ជួយ​ដល់​​ស្ថានភាព​អាសន្ន​នានា​៕ AFP/HR

អត្ថបទគួរចាប់អារម្មណ៍

  • ភ្នំពេញៈ ក្រសួង​សាធារណការ និង​ដឹកជញ្ជូន​នឹង​ចេញ​ស្លាក​លេខ និង​បណ្ណ​បើកបរ​បណ្ដោះអាសន្ន​សម្រាប់​រថយន្ត​កែច្នៃ ដែល​បម្រើ​ដល់​វិស័យ​កសិកម្ម​តាម​ការស្នើសុំ​របស់​អគ្គស្នងការ​នគរបាល​ជាតិ ដើម្បី​បង្ការ​គ្រោះថ្នាក់​ចរាចរណ៍ និង​ងាយស្រួល​គ្រប់គ្រង​ព្រម​ទាំង​សម្រួល​ដល់​ការដឹកជញ្ជូន​របស់​កសិករ​។

  • ភ្នំពេញៈ ការនាំចេញ​ចេក​អំបូង​លឿង​ស្រស់​ពី​កម្ពុជា​ទៅ​ទីផ្សារ​អន្តរជាតិ​គិត​ចាប់ពី​ដើមឆ្នាំ​ ២០២០ រហូត​មក​ដល់​ថ្ងៃទី ​៨ ខែ​កក្កដា​ នេះ ​សម្រេច​បាន​ជិត ១៥ ​ម៉ឺន​តោន​ កើនឡើង​ជាង ១៥០ ​ភាគរយ​បើ​ធៀប​ទៅ​នឹង​រយៈពេល​ដូចគ្នា​កាលពី​ឆ្នាំមុន​។ នេះ​បើ​តាម​លោក វេង សាខុន រដ្ឋមន្ត្រី​ក្រសួង​កសិកម្ម រុក្ខាប្រមាញ់ និង​នេសាទ​។

  • ភ្នំពេញៈ អ្នកនាំពាក្យ​មជ្ឈមណ្ឌល​ជាតិ​រក្សា​សន្តិភាព លោកស្រី កុសល ម៉ាលីនដា បាន​ប្រាប់​ឲ្យ​ដឹង​នៅ​ថ្ងៃ​ម្សិលមិញ​ថា កងកម្លាំង​មួកខៀវ​កម្ពុជា​ ៨០ ​នាក់​ដែល​បញ្ចប់​បេសកកម្ម​រក្សា​សន្តិភាព​ក្រោម​ឆត្រ​របស់​អង្គការ​សហប្រជាជាតិ​នៅ​ប្រទេស​ម៉ាលី​នឹង​ត្រូវធ្វើ​មាតុភូមិ​និវត្តន៍​មក​កម្ពុជា​វិញ​នៅ​ថ្ងៃទី​ ១០ កក្កដា ២០២០​។

  • ភ្នំពេញៈ ការស្នើសុំ​ឥណទាន​ពី​កម្មវិធី​ពិសេស​របស់​រដ្ឋាភិបាល​ដែលមាន​ទឹកប្រាក់ ៥០ ​លាន​ដុល្លារ តាមរយៈ​ធនាគារ​អភិវឌ្ឍន៍ជនបទ និង​កសិកម្ម​ (ARDB) បាន​កើន​ដល់​ទឹកប្រាក់​ជាង ៣៧ ​លាន​ដុល្លារ​ ហើយ​គិត​ត្រឹម​ថ្ងៃទី​ ៩ ខែកក្កដា នេះ​។

  • ភ្នំពេញៈ ប្រទេស​កម្ពុជា​ កំពុង​សិក្សា​ពី​លទ្ធភាព​នៃ​ការបង្កើត​កិច្ចព្រមព្រៀង​ពាណិជ្ជកម្ម​សេរី​ជាមួយ​នឹង​ប្រទេស​ឥណ្ឌា​ ដើម្បី​ជា​ការបើក​ទីផ្សារ​ថ្មី​មួយ​ទៀត​ទៅកាន់​ប្រទេស​ដែល​មាន​សេដ្ឋកិច្ច​ធំ​ក្នុង​តំបន់ បន្ទាប់ពី​កិច្ចចរចា​ពាណិជ្ជកម្ម​សេរី​ជាមួយ​ប្រទេស​ចិន​គ្រោង​នឹង​បញ្ចប់​ក្នុង​ខែ​សីហា​ខាងមុខ​។

  • ភ្នំពេញៈ កម្លាំង​នគរបាល​ខណ្ឌ​សែនសុខ​នៅ​រសៀល​ថ្ងៃ​ព្រហស្បតិ៍​ម្សិលមិញ​បានសម្រេច​បញ្ជូន​ខ្លួន​ចៅក្រម​នៃ​សាលាដំបូង​ខេត្ត​កោះកុង​ម្នាក់​ទៅ​សាលាដំបូង​រាជធានី​ភ្នំពេញ ដើម្បី​ចាត់ការ​បន្ត​តាម​នីតិវិធី​ច្បាប់ បន្ទាប់ពី​ចៅក្រម​រូបនេះ​បាន​បង្ក​គ្រោះថ្នាក់​ចរាចរណ៍​បណ្ដាល​ឲ្យ​ស្ត្រី​ម្នាក់​ស្លាប់​កាលពី​រសៀល​ថ្ងៃ​ពុធ ហើយ​អះអាង​ថា ស្ត្រី​រូប​នោះ​ជា​ចោរឆក់​។