.jpg)
តង់ Cinch តម្លៃចាប់ពី ២៩៩ ឡើងទៅសម្រួលដល់ការបោះជំរំមិនសូវលំបាក។
ក្រុងញូវយ៉ក: សម្រាប់អ្នកដែលចង់សម្រាកក្រៅផ្ទះដោយមិនលំបាកអ្វីទាំងអស់ Cinch (តម្លៃចាប់ពី ២៩៩ ដុល្លារ) ត្រូវបានចាត់ទុកជាកន្លែងស្នាក់អាស្រ័យងាយស្រួលប្រើ និងបច្ចេកវិទ្យាទំនើបដែលផ្ដល់នូវផាសុកភាពសម្រាប់អ្នកបោះជំរំ។
ជាក់ស្ដែងជាមួយថាមពលដ៏សែនខ្លាំងដែល Cinch រំលេចនូវគោមភ្លើងកម្រិតពន្លឺ ៣៥០០ ភ្ជាប់ជាមួយកម្មវិធីទូរស័ព្ទដៃសម្រាប់ផ្លាស់ប្ដូរពណ៌ទៅតាមចិត្ដចង់។ ដូចឈ្មោះដែលបានដាក់ឲ្យ Cinch អាចផ្ដល់កន្លែងស្នាក់នៅដោយមិនចាំបាច់ទទួលការផ្គត់ផ្គង់អគ្គិសនីដ៏ងាយស្រួលរុះរើ។ បង្គោលតង់ដំឡើងសង់ជារូបរាងបន្ទះដូចថាស និងគ្រលាស់ឡើងដោយប្រើពេលតែប៉ុន្មានវិនាទី។
វាត្រូវបានរចនាឡើងក្នុងបំណងប្រើប្រាស់នៅលើទីផ្សារប្រារឰពិធីបុណ្យផ្សេងៗ ឬក៏អាចផ្គាប់ចិត្ដអ្នកប្រើរថយន្ដជំនួសតង់សម្រាប់ឱកាសនៃបទពិសោធកាន់តែផាសុកភាព។
តង់បំពាក់ប្រព័ន្ធផ្ដល់ថាមពលសូឡា ២១ វ៉ាត់ ដើម្បីសាកឧបករណ៍ផ្សេងៗនៅក្រៅផ្ទះ។ យោងតាមក្រុមហ៊ុន ថាមពលរបស់វាគ្រប់គ្រាន់សម្រាប់សាកទូរស័ព្ទ iPhone 7 រហូតដល់ ៦ ដង។ វាក៏ជាតង់ធំទូលាយសម្រាប់ឈរពត់ដៃជើងដោយមិនចាំបាច់ចេញក្រៅឡើយ។ លើសពីនេះទៀត តង់ Cinch អាចភ្ជាប់ជាមួយមិត្ដភក្ដិដទៃរហូតដល់ ៤ រួមគ្នា។ ដូច្នេះលោកអ្នកអាចរីករាយជាមួយក្រុមមិត្ដភក្ដិច្រើននាក់។
ទាំងតង់ និងបរិក្ខារអេឡិចត្រូនិកសុទ្ធតែធន់នឹងទឹក និងក្រាលកម្រាល ២ ស្រទាប់រួមទាំងទ្វារគន់ទេសភាពប៉ាណូរ៉ាម៉ា។ ដូច្នេះយើងអាចនឹកស្រមៃថា វាពិតជាមានមុខងារផ្ដល់ភាពរីករាយ និងស័ក្ដិសមសម្រាប់អ្នកបោះជំរំលើឡាន៕ HR
