The Phnom Penh Post Search

Search form




Logo of Phnom Penh Post newspaper Phnom Penh Post - តាក់ស៊ី​ហោះ​លើ​ផ្ទៃ​ទឹក​ក្នុង​ក្រុង​ប៉ារីស ត្រៀម​ដំណើរ​ការ​ដើម​ឆ្នាំ​ក្រោយ

តាក់ស៊ី​ហោះ​លើ​ផ្ទៃ​ទឹក​ក្នុង​ក្រុង​ប៉ារីស ត្រៀម​ដំណើរ​ការ​ដើម​ឆ្នាំ​ក្រោយ

Content image - Phnom Penh Post
តាក់ស៊ីហោះលើទឹក មិនបង្ក​សំឡេង​រំខាន រលក ឬ​ផ្សែងបំពុលបរិស្ថាន​​។ រូបថត AFP

តាក់ស៊ី​ហោះ​លើ​ផ្ទៃ​ទឹក​ក្នុង​ក្រុង​ប៉ារីស ត្រៀម​ដំណើរ​ការ​ដើម​ឆ្នាំ​ក្រោយ

ក្រុងប៉ារីស៖ តាក់ស៊ី​ហោះ​អគ្គិសនី​លើ​ដង​ទន្លេ​ទទួល​ជោគជ័យ​ក្នុង​ការ​ធ្វើ​តេស្ដ​សាកល្បង​ដោយ​ក្រុម​អ្នក​ផលិត​ ខណៈ​សេវាកម្ម​ដឹក​ជញ្ជូន​ក្នុង​ទីក្រុង​បែប​ស្ទួយ​បរិស្ថាន​ត្រូវ​បាន​ដាក់​ប្រើ​ថាមពល​អគ្គិសនី​ចរាចរណ៍​ក្នុង​ទីក្រុង​ប៉ារីស​នា​សប្ដាហ៍​នេះ ​ដោយ​ការ​ដាក់​ឲ្យ​ដំណើរការ​នៅ​ខែ​ស្លឹក​ឈើ​ជ្រុះ​ខាង​មុខ​នេះ​។

ដំណើរ​ពី​ប៉ម​ Eiffel Tower ភាគ​ខាង​លិច​ទៅ​កាន់​ព្រះវិហារ Notre Dame កាត់​ផ្ទៃ​ទឹក​ វា​ចំណាយ​ពេល​តែ​ប៉ុន្មាន​នាទី​ ខណៈ​យាន​ទឹក​នេះ​ឆ្លង​កាត់​តាម​បណ្ដោយ​នៃ​ដង​ទន្លេ​។

ជា​គំនិត​ផ្ដួច​ផ្ដើម​របស់​ម្ចាស់​ទូក​បារាំង Alain Thebault​ តាក់ស៊ី​ហោះ​លើ​ទឹក​​នេះ ​​អត់​មាន​សំឡេង​រំខាន​ និង​គ្មាន​រលក​ ព្រម​ទាំង​មិន​បញ្ចេញ​ឧស្ម័ន​បំពុល​បរិស្ថាន​ ដោយ​ទទួល​បាន​ការ​ឯកភាព​ពី​មន្ដ្រី​ដឹក​ជញ្ជូន​បារាំង​ ដែល​ចង់​ឲ្យ​ទីក្រុង​មាន​ជម្រើស​ដឹក​ជញ្ជូន​ស្ទួយ​បរិស្ថាន​ថ្មី​សម្រាប់​ការ​រៀបចំ​ព្រឹត្ដិការណ៍​អូឡាំពិក​ឆ្នាំ​ ២០២៤ ក្នុង​ទីក្រុង​ប៉ារីស​។

Bubble ស្រដៀង​នឹង​ប្រភេទ​ទូក​ល្បឿន​លឿន​​ជាមួយ​បន្ទះ​កែវ​ក្រែប​ស្ថិត​នៅ​ខាង​ក្រោម​ មាន​អានុភាព​លើក​​តួ​យាន​ខ្ពស់​ផុត​ពី​ផ្ទៃ​ទឹក​ ពេល​វា​ស្ទុះ​ដល់​ល្បឿន​កំណត់​ ដែល​បំពាក់​ថាមពល​ដោយ​អាគុយ​អគ្គិសនី​។

Content image - Phnom Penh Post
បេសកកម្ម​តាក់ស៊ីហោះ​​នាំ​​ទេសចរ​កម្សាន្ត​​ដោយ​មិនប៉ះពាល់​​បរិស្ថាន​។ រូបថត AFP

ម៉ូដែល​គំរូ​ដំបូង​ ដែល​អាច​ដឹក​មនុស្ស​បាន ៤ នាក់ ត្រូវ​បាន​ធ្វើ​តេស្ដ​បើកបរ​សាកល្បង​ដំបូង​នៅ​ដង​ទន្លេ Seine កាល​ពី​ខែ ​មិថុនា ឆ្នាំ​២០១៧ ដោយ​មាន​វត្ដមាន​អភិបាល​ក្រុង អានណេ ហ៊ីដាល់​ហ្គោ​ ផង​ដែរ​។

ប្រតិបត្ដិករ​យាន​បាន​និយាយ​ថា ពួក​គេ​ទទួល​បាន​​សំណើ​យ៉ាង​ច្រើន​សន្ធឹក​ឲ្យ​ប្រតិបត្ដិការ​យាន​តាក់ស៊ី​នេះ​នៅ​បណ្ដា​ទីក្រុង​ដទៃ ដូចជា ហ្សឺណែវ ម៉ៃអាមី និង សង់ត្រូប៉េ ជា​ដើម​ ។

ក្នុង​ទីក្រុង​ប៉ារីស ​ក្រុមហ៊ុន​​បាន​ចាប់​ដៃ​​ជាមួយ​ប្រតិបត្ដិករ​ទេសចរណ៍​ដែល​​ផ្ដល់​កញ្ចប់​ដំណើរ​កម្សាន្ដ​បែប​ប្រណីត​​លើ​ដង​ទន្លេ Seine​ ។

អគ្គនាយក ​Sea Bubbles និង​ម្ចាស់ជើង​ឯកទូក​ប្រណាំង​ស៊ុយអែត Anders Bringdal បាន​និយាយ​ថា៖ «​វាជា​​​រជ្ជកាល​បៃតង​សម្រាប់​ប្រតិបត្ដិការ​​​តាក់ស៊ី​ហោះ​​ឆ្នាំ ​២០២០»។

តាក់ស៊ី​ នឹង​មិន​​បង្ក​សំឡេង​រំខាន បង្កើត​​​រលក​ និង​មិន​បញ្ចេញ​ឧស្ម័ន​បំពុល​​បរិស្ថាន​នៅទន្លេ​សែន​ ទីក្រុង​ប៉ារីស​នោះ​ទេ​៕ AFP/HR

អត្ថបទគួរចាប់អារម្មណ៍

  • ភ្នំពេញៈ អង្គការ​មូលនិធិ​សកល​សម្រាប់​ធម្មជាតិ​ (WWF) និង​រដ្ឋបាល​ជលផល​ដែល​បាន​រកឃើញថា ត្រី​គល់រាំង ត្រី​ត្រសក់​ក្រហម ត្រី​ខ្លា ត្រី​ក្របី ត្រី​ត្រចៀកដំរី និង​បបែល​យក្ស​ទឹកសាប កំពុង​ត្រូវ​បាន​គេ​ដាក់លក់​នៅ​តាម​ទីផ្សារ​ត្រី​នានា ហើយ​ខ្លះ​បាន​នាំ​ចេញ​ទៅ​ក្រៅ​ប្រទេស​បាន​ទាមទារ​ឲ្យ​មាន​ការរឹតបន្តឹង​ច្បាប់​ឱ្យ​បាន​ម៉ឺងម៉ាត់​ជាង​ពេលណាៗ​ទាំងអស់ ដើម្បី​ការពារ​ត្រី​ជិត​ផុត​ពូជ​ទាំងនោះ​។

  • ភ្នំពេញៈ កំពង់ផែ​ស្វយ័ត​ក្រុងភ្នំពេញ (PPAP) ដែល​ចុះបញ្ជី​នៅ​ផ្សារ​មូលបត្រ​កម្ពុជា (CSX) បាន​រាយការណ៍​អំពី​ភាពប្រសើរ​ឡើង​នៃ​ប្រតិបត្តិការ​អាជីវកម្ម​របស់ខ្លួន​ក្នុង​ឆមាស​ទី​ ១ ឆ្នាំ​នេះ ទោះបី​ជំងឺ​កូវីដ​ ១៩ បាន​ធ្វើឲ្យ​ប៉ះពាល់​យ៉ាងខ្លាំង​ដល់​សេដ្ឋកិច្ច​នៅក្នុង​តំបន់ និង​ពិភពលោក​ក៏ដោយ​។

  • ភ្នំពេញៈ តុលាការ​កំពូល​កាលពី​ម្សិលមិញ​បាន​បើក​សវនាការ​ជម្រះក្ដី​កំបាំងមុខ​លើ​សំណុំរឿង​សុំ​នៅក្រៅ​ឃុំ​របស់​ជន​ត្រូវ​ចោទ​​ ១០ ​នាក់ ​ដែលជា​សមាជិក​អតីត​គណបក្ស​សង្គ្រោះជាតិ​ដែល​បាន​ជាប់ចោទ​ពី​បទ​រួមគំនិត​ក្បត់ និង​ញុះញង់​ឲ្យ​​ប្រព្រឹត្ត​បទឧក្រិដ្ឋ​ជាអាទិ៍​កាលពី​ចុង​ឆ្នាំ​ ២០១៩ ខណៈ​ដែល​ពួកគេ​កំពុង​នៅ​ក្រៅ​ឃុំ​។

  • ភ្នំពេញ: ក្រសួង​វប្បធម៌ និង​វិចិត្រសិល្បៈ​ពី​ម្សិលមិញ​បាន​កោះហៅ​ម្ចាស់​ផលិតកម្ម​មរតក​មេឌៀ​ (Morodok Media) ​ឲ្យ​ចូល​បំភ្លឺ​ជុំវិញ​ការផលិត​វីដេអូ​ចម្រៀង​មាន​ខ្លឹមសារ​ប្រមាថ​ពលរដ្ឋ​ខេត្តព្រៃវែង​តាម​ការស្នើសុំ​របស់​លោក ជា សុមេធី អភិបាលខេត្ត​ព្រៃវែង ប៉ុន្ដែ​អ្នកគ្រប់គ្រង​ផលិតកម្ម​នេះ​ថា វីដេអូ​នោះ​គ្រាន់តែ​ចង់​អប់រំ​កុំឲ្យ​រើសអើង​អ្នក​ព្រៃវែង​ប៉ុណ្ណោះ​។

  • ព្រះសីហនុៈ អភិបាល​ខេត្ត​ព្រះសីហនុ លោក គួច ចំរើន បាន​ព្រមាន​ចាត់វិធានការ​តឹងរ៉ឹង​ទៅ​តាម​ផ្លូវច្បាប់​ដោយ​គ្មាន​ការលើកលែង​ទៅលើ​ជន​ប្រព្រឹត្ត​បទល្មើស​កាប់បំផ្លាញ​ព្រៃ​កោងកាង​ដើម្បី​ទន្ទ្រាន​យក​ដី​រដ្ឋ​ធ្វើ​ជា​កម្មសិទ្ធិ​ឯកជន​ខុសច្បាប់​។

  • ត្បូងឃ្មុំ: អ្នកកាប់ជ្រូក​លក់​ចំនួន​ ៧៤ ​គ្រួសារ​នៅ​ផ្សារសួង ខេត្ត​ត្បូងឃ្មុំ​បាន​កំពុង​ទាមទារ​ដល់​អាជ្ញាធរខេត្ត​បញ្ឈប់​ការយក​ពន្ធ​លើ​អាជីវកម្ម​របស់​ពួកគេ​ច្រើន​ហួសហេតុ និង​ផ្ទុយ​ពី​​សេចក្ដី​ណែនាំ​របស់​ក្រសួង​សេដ្ឋកិច្ច និង​ហិរញ្ញវត្ថុ ប៉ុន្តែ​អាជ្ញាធរ​បាន​អះអាង​លើ​ហេតុផល​ផ្សេង​ក្នុង​ការប្រមូល​ពន្ធ​នេះ​។