ក្រុងប៉េកាំង៖ ចៅក្រមបច្ចេកវិទ្យាវៃឆ្លាត (AI) តុលាការលើបណ្ដាញអ៊ីនធឺណិត និងសាលក្រម បានប្រកាសសាលក្រមតាមឆាតនៃកម្មវិធីទូរស័ព្ទ បានមកដល់ពិភពប្រព័ន្ធយុត្ដិធម៌របស់ប្រទេស ចិន។
ចិនកំពុងលើកចិត្ដឌីជីថលភាវូបនីយកម្មដើម្បីដោះស្រាយករណីបណ្ដឹងលើអនឡាញដោយចងប្រព័ន្ធតុលាការតាមរយៈបច្ចេកវិទ្យាអ៊ីនធឺណិត និងបច្ចេកវិទ្យាទំនើបៗ ដូចជា blockchain និង cloud computing។ នេះយោងតាមតុលាការកំពូលប្រជាមានិតចិន ឲ្យដឹងក្នុងសេចក្ដីថ្លែងគោលនយោបាយរបស់ខ្លួន។
កិច្ចខិតខំប្រឹងប្រែងរួមទាំង «តុលាការចល័ត» បានផ្ដល់សេវាកម្មលើកម្មវិធីទូរស័ព្ទល្បីរបស់ចិន WeChat និងបានដោះស្រាយក្ដីក្ដាំជាង ៣ លានករណី ឬនីតិវិធីយុត្ដិធម៌តាំងពីបើកដំណើរការដំបូងពីខែមីនា។
សេចក្ដីថ្លែងការណ៍ត្រូវបានចេញផ្សាយនាសប្ដាហ៍នេះ ខណៈអាជ្ញាធរយុត្ដិធម៌បានផ្ដល់ដំណឹងពិសេសដល់ក្រុមអ្នកសារព័ត៌មានអំពីភាពលម្អិតនៃ «តុលាការបច្ចេកវិទ្យា» ដំបូងបំផុតបង្កើតឡើងក្នុងឆ្នាំ ២០១៧ នៅទីក្រុងហាងហ៊្សូ ភាគខាងកើតប្រទេស ដើម្បីដោះស្រាយជម្លោះផ្លូវច្បាប់ទាក់ទងនឹងប្រព័ន្ធឌីជីថល។
ក្នុងបទបង្ហាញអាជ្ញាធរបានបង្ហាញពីរបៀបតុលាការអ៊ីនធឺណិតហ័ងជូដោះស្រាយក្ដី ដោយការរំលេចនូវមុខគូវិវាទតាមវីដេអូឆាត ខណៈចៅក្រម AI មានមុខមាត់ជាអង្គចៅក្រមនិម្មិត ដំណើរការនីតិវិធីសាវនាការ។
ករណីជាច្រើនដែលដោះស្រាយនៅតុលាការហ័ងជូ រួមមានជម្លោះពាណិជ្ជកម្មអនឡាញ ករណីកម្មសិទ្ធិបញ្ញា និងអះអាងពីម្ចាស់ផលិតផលជាដើម។ ចៅក្រមអាចកត់ត្រាបណ្ដឹងតាមអនឡាញ និងដោះស្រាយតាមរយៈសវនាការរបស់ពួកគេ។
អគ្គនាយករងតុលាការអ៊ីនធឺណិត នី ឌេហ្វេង បានប្រាប់ AFP ថា នៅមានទៀត ការដោះស្រាយបណ្ដឹងមានរយៈពេលឆាប់រហ័សពីព្រោះការពន្យារពេល គឺជាការច្រានចោលនៃអំណាចតុលាការ៕ AFP/HR