The Phnom Penh Post Search

Search form

Logo of Phnom Penh Post newspaper Phnom Penh Post - តូយ៉ូតា Vios មិនសូវ​ស៊ីសាំង​ ស័ក្ដិសម​យុវវ័យ​




តូយ៉ូតា Vios មិនសូវ​ស៊ីសាំង​ ស័ក្ដិសម​យុវវ័យ​

Content image - Phnom Penh Post
រថយន្ដ​តូយ៉ូតា Vios ស៊េរី​ឆ្នាំ ២០១៦ ក្នុង​ថ្ងៃ​សម្ពោធ​នៅ​ផ្សារ​ទំនើប​អ៊ីអន​ម៉ល​។ រូប សហការី

តូយ៉ូតា Vios មិនសូវ​ស៊ីសាំង​ ស័ក្ដិសម​យុវវ័យ​

ភ្នំពេញ: ជាមួយ​រូបរាង​ទំហំ​មធ្យម ស៊ីសាំង​តិច និង​តម្លៃ​សមរម្យ​អាចលៃ​លក​ទិញ​ប្រើប្រាស់​បាន រថយន្ដ​តូយ៉ូតា Vios ឆ្នាំ ២០១៦ អាច​ជា​ជម្រើស​ដ៏​ល្អ​សម្រាប់​ស្ថានភាព​ផ្លូវ ចរាចរណ៍ និង​កម្រិត​ជីវភាព​អ្នក​ប្រើប្រាស់នៅ​ស្រុក​ខ្មែរ​តែ​ម្ដង។

រចនា​ឡើង​ជាមួយ រូបរាង​ទាន់​សម័យ ​រថយន្ដ​នេះ​គឺ​វាមាន​រាង​បែប​លកល្ខណៈ​ស្ព័រ ជាពិសេស​នោះ​គឺ​វាស៊ីសាំង​តិច ដែល​ស័ក្តិសម​បំផុត សម្រាប់​យុវជន​សម័យថ្មី និង​អ្នក​ដែលមាន​ជីវភាព​សមរម្យ​ទូទៅ​អាចជាវ​យកទៅ​ប្រើប្រាស់​បាន។

លោក ថុង រក្សា ប្រធាន​ក្រុម​ផ្នែក​ទីផ្សារ​នៃ​ក្រុមហ៊ុន​តូយ៉ូតា កម្ពុជា​បានបង្ហាញ​ពី​បច្ចេកវិទ្យា​ខ្លះៗរបស់​រថយន្ដ Toyota Vios ស៊េរី ២០១៦ ថា ​វា​មានម៉ាស៊ីន ៤ ដែល​បំពាក់​ជាមួយ​ម៉ាស៊ីន​សាំង​ចំណុះ ១,៣ណ លីត្រ​ និង​ក្នុង ១០០ គីឡូម៉ែត្រ​វា​ស៊ី​សាំង​ប្រមាណ ៥,៧ លីត្រ។

លោក​បាន​លើកឡើង​ថា៖ «និយាយ​រួម​វា​ជួយ​សន្សំសំចៃ​បាន​ច្រើន​ក្នុងការ​បើកបរ មិន​ថា​នៅពេល​ជិះក្នុង​ក្រុង​ក៏ដោយ។ ចំណែកឯ​ ពោង​សុ​វត្ថិភាព​របស់​វា​វិញ​គឺមាន ២។ លើសពីនេះ​ទៅ​រថយន្ដ​នេះ មាន​បំពាក់ជាមួយនឹង Smart Key ដែល​ផ្ដល់​ភាព​ងាយ​ស្រួល​ដល់​អ្នកបើក​បរ​សម្រាប់​ការ​ចូល​ក្នុង​រថយន្ដ បញ្ឆេះ​រថយន្ដ និង​បើក​​ឃ្លុប​ខាងក្រោយ​បាន​យ៉ាង​ងាយស្រួល»។

បើយើង​ក្រឡេក​ទៅ​មើល​ផ្នែក​ខាង​មុខ​នៃ​រថយន្ដ​វិញ​និង​ឃើញ​មាន​បំពាក់​ចង្កៀង​មុខ ជា​ប្រភេទ​អំពូល​​ប្រូជេ​ក​ធឺ (Projector) ឬមួយ​ក៏​អំពូល​គជ់ ដែល​ផ្ដល់នូវពន្លឺ​ច្បាស់​ល្អ​​ងាយស្រួល​មើលផ្លូវ​ក្នុងពេល​បើក​បរ។ វា​ក៏មាន​បំពាក់​ប្រ​ព័ន្ធ​សេន​ស័រ​មុខក្រោយ​ងាយស្រួល​នៅពេល​ចត​រថយន្ដ។

​រីឯ​កញ្ចក់​មើល​ចំហៀង ឆ្វេង ស្តាំ​ វិញ​គឺអាច​បញ្ជា​ឲ្យ​ក្តោប​បាន​នៅ​ពេលដែល​យើង​ចតនៅតាម​ផ្លូវ​នានា​។ សម្រាប់ប្រ​ព័ន្ធ​កម្សាន្ដ​វិញ​មាន​ CD MP3 វិទ្យុ ឬ​អាច​ភ្ជាប់​ជាមួយ​ទូរស័ព្ទ ឧបករណ៍​ផ្សេង​តាម​រយៈ​រន្ធ​ USB និង​មាន​ប្រ​ព័ន្ធ ហ្រ្វាំង ABS BA និង EBD ដែល​អាច​ផ្ដល់នូវ​សុ​វត្ថិភាព​ក្នុងការ​បើកបរ។

រថយន្ដតូយ៉ូតា Vios ឆ្នាំ ២០១៦ មាន ៦ ពណ៌​ដូចជា ខ្មៅ ស ទឹកប្រាក់ មាស ទឹកសមុទ្រ ប្រផេះ ក្រហម ត្នោត និង​ខៀវ ក្នុង​​តម្លៃ ២៧៥០០ ដុល្លារ ហើយ​ក្រុមហ៊ុន​តូយ៉ូតា (ខេ​ម​បូ​ឌា)ក៏​មាន​សេវា​បង់​រំលស់ត្រឹមតែ ៣១៣ ដុល្លា​រក្នុង​មួយខែ​ផងដែរ៕

អត្ថបទគួរចាប់អារម្មណ៍