.jpg)
រូបតំណាង: ឧបករណ៍ផ្លុំសក់បំពាក់ឡាស៊ែរ ១២ គ្រាប់តាមដានសរសៃឈាម។
ក្រុងប៉ារីស: ឧបករណ៍ផ្លុំសក់ចង្អុលត្រង់ស្បែកអាចរកឃើញជំងឺបេះដូងលាក់ខ្លួន។ ឧបករណ៍ពិសោធន៍នេះដែលទើបធ្វើតេស្ដលើមនុស្ស ១០០ នាក់នៅប្រទេសបារាំងបានបាញ់កាំរស្មីឡាស៊ែរឆ្លងកាត់ស្បែក។
គ្រឿងក្នុងរបស់វាបំពាក់បន្ទះឈីបដែលវិភាគលើល្បឿន និងគោលដៅកាំពន្លឺ ខណៈវារត់ឆ្លងកាត់សរសៃឈាមដែលវាបំប្លែងទៅជាចំណុចរឹង។ ចំណុចរឹងនៃសរសៃឈាមគឺជាវិធានការវាស់ស្ទង់ជំងឺសរសៃឈាម និងអាចផ្ដល់ជាសញ្ញាព្រមានពីជំងឺបេះដូង។ សរសៃឈាមប្រកបដោយសុខភាពល្អមានសភាពទន់ និងងាយស្រួលឲ្យមានចលនាលំហរូឈាមរត់ល្អ។ សរសៃឈាមមានជំងឺមានសភាពរឹង និងមិនរំលាតងាយស្រួល។ វាបង្កើនឱកាសធ្វើឲ្យសរសៃឈាមត្បៀត ឬស្ទះតែម្ដង។
ក្រុមវេជ្ជបណ្ឌិតតែងតែវាយតម្លៃពីហានិភ័យជំងឺបេះដូងដោយផ្ដោតលើកត្ដាជាច្រើន ដូចជា កម្រិតកូឡេស្ដេរ៉ូ សម្ពាធឈាម ការជក់បារី របបអាហារ និងរបៀបរបបរស់នៅ។
ប៉ុន្ដែឧបករណ៍ថ្មីនេះកាន់តែងាយស្រួលប្រើ និងវាត្រូវការពេលធ្វើតេស្ដរកសរសៃឈាមរឹងឆាប់រហ័ស។
វេជ្ជបណ្ឌិតកាន់ឧបករណ៍ដាក់ក្បែរស្បែកលើកញ្ចឹងកម្ខាងជាទីដែលសរសៃឈាមធំរត់កៀកនឹងស្បែកចេញពីកញ្ចឹងកទៅកាន់ខួរក្បាល និងអាចបង្ហាញអាការឡើងរឹងនៃសរសៃឈាមត្រង់ចំណុចនេះរួមទាំងនៅក្បែរបេះដូងផងដែរ។
ឧបករណ៍ដូចប្រដាប់ផ្លុំសក់ប្រើកាំរស្មីឡាស៊ែរ ១២ គ្រាប់អាចដាក់លក់នៅចក្រភពអង់គ្លេសរយៈពេល ៥ ឆ្នាំក្រោយ៕ HR
