ភ្នំពេញ : ក្រុមហ៊ុនសាំស៊ុងបានដាក់បង្ហាញនូវម៉ាស៊ីនត្រជាក់ AR 3050 The Triangle ដែលអាចបង្កើនថាមពលត្រជាក់កាន់តែខ្លាំង។
យោងតាមសេចក្ដីប្រកាសរបស់ក្រុមហ៊ុន ការរចនាម៉ូដជាត្រីកោណជាមួយប្រព័ន្ធកម្ចាត់មេរោគមានពីរដំណាក់កាល អាចផ្ដល់នូវផាសុកភាព និងសន្សំសំចៃថាមពល។
សម្រាប់ប្រព័ន្ធកម្ចាត់មេរោគនោះគឺតាមរយៈកញ្រែ្ចងចម្រោះ និងប្រព័ន្ធកម្ចាត់មេរោគ(VirusDoctor)។
រូបរាងផ្លិតព្រិលធំជាងមុនបង្កើនថាមពលត្រជាក់ និងកម្លាំងខ្យល់បក់ខ្លាំង។
រីឯ លំហូរខ្យល់ត្រជាក់វិញគឺចេញលឿន ទូលាយ និងឆ្ងាយជាងមុន។ មុខងារសំខាន់ជាងនេះទៅទៀតគឺវាអាចបន្ថយសីតុណ្ហភាពត្រជាក់ សម្រាប់មនុស្សតែម្នាក់ និងអាចសន្សំសំចៃភ្លើងបានរហូតដល់ទៅ២៦ភាគរយ។ វាងាយស្រួលដំឡើងភ្ជាប់ជញ្ជាំង និងមានការធានារយៈពេល១០ឆ្នាំ។
ម៉ាស៊ីនត្រជាក់ AR 3050 ក៏មានប្រព័ន្ធបញ្ជាដ៏ឆ្លាតវៃតាមរយៈទូរស័ព្ទស្មាតហ្វូន ដើម្បីត្រួតពិនិត្យដំណើរការ បង្ហាញនូវការប្រើប្រាស់ថាមពលអគ្គិសនីរបស់ម៉ាស៊ីនត្រជាក់បាន ព្រមទំាំងអាចជួយថែទំា និងជួយរកដំណោះស្រាយបញ្ហារបស់ម៉ាស៊ីនត្រជាក់ផងដែរ។
លោក ហ្គីហាន់ លី នាយកគ្រប់គ្រងថៃសាំស៊ុងអេឡិចត្រូនិកប្រចាំកម្ពុជា-ឡាវបានមាន ប្រសាសន៍ថា៖ «ម៉ាស៊ីនត្រជាក់សាំស៊ុងត្រីកោណគឺជាការរចនាម៉ូដយ៉ាងច្នៃប្រឌិត ដំបូងគេ បច្ចេកវិទ្យាទំនើបស្រួលប្រើសម្រាប់មនុស្សនៅសម័យទំនើប និងផ្ដល់សុខុមាលភាពបែបធម្មជាតិ»។
នៅបណ្ដាហាងនានាក្នុងប្រទេសកម្ពុជា ម៉ាស៊ីនត្រជាក់ The Triangle Inverter ១សេះកន្លះតម្លៃប្រមាណជា៤៥០ដុល្លារ៕
