.jpg)
ម៉ូតូអគ្គិសនីមកជាឈុតជាមួយមួក និងអាវ ភ្ជាប់ប្រព័ន្ធសុវត្ថិភាព។
ក្រុងឡុងដ៍: នេះជាម៉ូតូអគ្គិសនីថ្មី Arc Vector តម្លៃ ១១៦ ០០០ ដុល្លារ ដែលត្រូវបានផលិតឡើងក្នុងចក្រភពអង់គ្លេស និងទទួលបានការកោតសរសើរជាម៉ូដែលមានគុណប្រយោជន៍បំផុត។
ផលិតដោយក្រុមវិស្វករមកពីតំបន់ខូវេនទ្រី ម៉ូតូអគ្គិសនីសង់ពីគ្រោងកាបោនដ៏ស្រស់បំផុត គ្រឿងបន្លាស់ប្រើរបស់ក្រុមហ៊ុន MotoGP និងបំពាក់ថាមពលអគ្គិសនីដែលផលិតថាមពល ៣៩៩ វ៉ុល។
នោះមានន័យថា វាមានសម្ទុះល្បឿនពី ០ ទៅ ១០០ គីឡូម៉ែត្រក្នុងមួយម៉ោងត្រឹម ថិរវេលា ៣,១ វិនាទី និងល្បឿនកំពូល ២០០ គីឡូម៉ែត្រក្នុង ១ ម៉ោង ដោយវាអាចបរបានចម្ងាយផ្លូវ ៣២០ Km។
ខណៈម៉ូតូអគ្គិសនីនេះ ផ្គុំឡើងពីបរិក្ខារសំខាន់ៗ ប្រព័ន្ធសុវត្ថិភាពរបស់វាក៏កាន់តែទាក់ទាញចំណាប់អារម្មណ៍អ្នកជិះថែមទៀត។ វាភ្ជាប់មកជាមួយអាវក្រៅមួយ ដែលផ្ដល់សញ្ញាដល់អ្នកជិះពីគ្រោះថ្នាក់ជុំវិញខ្លួន ព្រមទាំងមួកសុវត្ថិភាពមួយ ដែលផ្ដល់ព័ត៌មានសំខាន់ៗ ដូចជា ល្បឿន កាមេរ៉ាមុខក្រោយលើមួកដើម្បីធានាថា អ្នកមានអារម្មណ៍ដូចជា Iron Man ជិះម៉ូតូអ៊ីចឹង។
វាជាម៉ូដែលដំបូងដែលត្រូវបានផលិតឡើង ដោយក្រុម Arc ជាវិស្វករជំនាញខាងបច្ចេកវិទ្យានៅចក្រភពអង់គ្លេសដែលត្រូវបានភ្ជាប់ទៅនឹងក្រុមកំពូលវិរបុរស Marvel ដោយស្ថាបនិកក្រុមហ៊ុនតែម្ដង។
ស្ថាបនិក Arc ឈ្មោះ ម៉ាក ទ្រូមេន អាយុ ៤២ ឆ្នាំ អ្នកនិយមម៉ូតូដែលធ្លាប់បម្រើការឲ្យក្រុមហ៊ុន Jaguar Land Rover បានថ្លែងថា៖ «នេះជាការប្រើប្រាស់បច្ចេកវិទ្យាបញ្ជូនព័ត៌មានប្រាប់អ្នកជិះ»។
ដោយមានតម្លៃជាង ១១ ម៉ឺនដុល្លារ វាមិនថោកនោះទេ តែវាទំនងជាសម្រាប់អ្នកមានទ្រព្យស្ដុក ដែលប្រាថ្នាចង់ស្គាល់អារម្មណ៍ថា ខ្លួនដូចជា តួអង្គ Iron man រឿង Aven-gers អ៊ីចឹង៕HR
