ក្រុងបាងកក: ឆ្នាំ ២០១៩ ខាងមុខនេះ ដងវិថីតូចធំនឹងស្វាគមន៍វត្ដមាន Benelli Leoncino 250។ វាជាម៉ូដែលកាត់ទំហំមាឌពីស៊េរី Leoncino ហើយយីហោអីុតាលីនេះ បានបង្ហាញរូបរាង 250 យ៉ាងឡូយ។
ក្រុមហ៊ុនអ៊ីតាលី Benelli បានតាំងបង្ហាញម៉ូដែល Leoncino 250 នៅពិព័រណ៍យានយន្ដប្រទេសថៃ Thai Motor Expo 2018។ វាក៏ធ្លាប់ត្រូវបានដាក់តាំងនៅពិព័រណ៍ 2017 EICMA ផងដែរ។
Leoncino 250 យកលំនាំឈ្មោះ និងការឌីហ្សាញពីបងធំរបស់វា Leoncino 500។ វាបំពាក់បច្ចេកវិទ្យាភ្លើង full-LED ក្នុងចង្កៀងរាងទ្រវែង ខណៈដែលម៉ូដែលរៀមច្បងលេងម៉ូដចង្កៀងមូល។ ធុងសាំងផលិតឡើងបន្ដុបលើចម្រឹងដែក។
វាភ្ជាប់មកជាមួយនូវប្រអប់លេខ ៦ ល្បឿន និងបញ្ជូនល្បឿនថាមពលទៅកាន់ដុំចង្វាក់។ ម៉ាស៊ីនរបស់ the Leoncino 250 មិនខុសពីប្រព័ន្ធម៉ាស៊ីនរបស់ម៉ូដែលម៉ូតូកម្លាំង ២៥០ សេសេ ស៊ីឡាំង ៤ គ្រាប់ ដែលបំពាក់លើម៉ូដែលដទៃទៀតក្នុងសែស្រឡាយ Benelli ដូចគ្នា។
គ្រោងតួត្រូវបានទ្រដោយបូមមុខ ២ ប្រវែង ៤១ មិល្លីម៉ែត្រ និងបូមពោះវៀនជ្រូកមួយនៅផ្នែកខាងក្រោយ។ លើសពីនេះ Leoncino 250 បំពាក់ហ្រ្វាំងបូមមុខទំហំថាស ២៨០ មិល្លីម៉ែត្រ និងថាសក្រោយ ២៤០ មិល្លីម៉ែត្រ ជាមួយប្រព័ន្ធ ABS ផងដែរ។
កង់ទំហំ ១៧ អ៊ិញ ស័ក្ដិសមនឹងសម្បកកង់ 110/70 សម្រាប់ផ្នែកខាងមុខនិង 150/60 សម្រាប់ផ្នែកខាងក្រោយ។ ជាមួយសមត្ថភាពផ្ទុក ប្រេងសាំង ១៤ លីត្រ Leoncino 250 មានទម្ងន់ ១៥៣ គីឡូក្រាម។
តម្លៃរបស់វានៅឥណ្ឌាប្រមាណជា ២,៧០០ ដុល្លារអាមេរិក៕HR