.jpg)
យន្តហោះដែលត្រូវបានគេរំពឹងថានឹងធ្វើតេស្តហោះហើរនៅប៉ុន្មានខែខាងមុខនេះ។
ក្រុងឌេនវើ: នៅពិព័រណ៍អវកាស Space Symposium លើកទី ៣៤ ក្នុងរដ្ឋខូឡារ៉ាដូ យន្ដហោះខ្លួនភ្លោះដ៏ធំបំផុតក្នុងលោក Stratolaunch ត្រូវបានគេរំពឹងថា នឹងធ្វើការសាកល្បងហោះហើរដំបូងបំផុតនៅក្នុងរដូវក្ដៅ (ខែមិថុនា-សីហា) នេះ។
Stratolaunch ជាយានមានស្លាបប្រវែងទីលានបាល់ទាត់ ដែលថ្ងៃមួយអាចបាញ់បង្ហោះផ្កាយរណប និងវត្ថុផ្សេងៗ ទៅកាន់អវកាស។ ការហោះហើរសាកល្បងលើកទីមួយគ្រោងនឹងធ្វើឡើងនៅចុងឆ្នាំនេះ។
យានយក្សនេះ បំពាក់តួយាន ២ ដែលមានកន្លែងបើកបរផ្សេងៗគ្នា ដោយបង្កើតបានជារូបរាងដ៏ចម្លែកនៃអក្សរ H ក្រោមស្លាបលាតសន្ធឹងប្រវែង ដល់ទៅ ១១៧ ម៉ែត្រ។ វាមានទម្ងន់ប្រមាណ ២២៦ តោន ដោយមិនទាន់គិតបន្ទុកទំនិញ ដែលអាចផ្ទុកបរិមាណដល់ទម្ងន់ជិត ៦០០ តោន។ នេះបើយោងតាម The Verge។
យន្ដហោះយក្សនេះ ត្រូវការជំនួយកង់ចំនួន ២។ ពេលហោះដល់លើអាកាស វាបំពាក់នូវម៉ាស៊ីន 747 ចំនួន ៦ ឯណោះ។ ទំហំយាននេះនឹងអាចឲ្យវាមានសមត្ថភាពផ្ទុកកាំជ្រួចរ៉ុក្កែតអវកាស។ ជាទូទៅ ផ្កាយរណប និងយានអវកាសផ្សេងៗទៀត ត្រូវបានដឹកជញ្ជូនទៅកាន់អវកាស ពីទីតាំងយានយក្សនេះ។ វាក៏តម្រូវឲ្យផ្ទុកសាំងយ៉ាងច្រើនសន្ធឹកផងដែរ។
យន្ដហោះយក្សជាចក្ខុវិស័យរបស់សហស្ថាបនិកក្រុមហ៊ុន Microsoft លោក ផូល អាឡេន ដែលចង់ឲ្យវាមានតួនាទីជាជើងទម្រអាកាសយក្សក្នុងលម្ហមេឃ ដែលអាចឲ្យក្រុមការងារធ្វើដំណើរទៅកាន់អវកាសបានឆាប់ និងប្រើប្រាស់ចំណាយទាប៕HR
