The Phnom Penh Post Search

Search form




Logo of Phnom Penh Post newspaper Phnom Penh Post - រ៉ូបូត​ចុងភៅ Sophie ចម្អិន​គុយទាវ​ឡាកសា​ដ៏ពេញនិយម​នៅ​សិង្ហបុរី

រ៉ូបូត​ចុងភៅ Sophie ចម្អិន​គុយទាវ​ឡាកសា​ដ៏ពេញនិយម​នៅ​សិង្ហបុរី

Content image - Phnom Penh Post
រ៉ូបូត Sophie ចម្អិន​គុយទាវ​ឡាក់​សា ស្វ័យប្រវត្តិ​ដើម្បី​បម្រើ​អតិថិជន​។ រូបថត AFP

រ៉ូបូត​ចុងភៅ Sophie ចម្អិន​គុយទាវ​ឡាកសា​ដ៏ពេញនិយម​នៅ​សិង្ហបុរី

ក្រុងសិង្ហបុរី: ក្រុមហ៊ុន​វិស្វកម្ម​សិង្ហបុរី​មួយ​បាន​ផលិត​រ៉ូបូត​ដែល​អាច​ចម្អិន​ស៊ុប​ឡាកសា​ជា​មុខម្ហូប​ដ៏ល្បី​បំផុត​មួយ​នៅ​សិង្ហបុរី​តែ ៤៥ វិនាទី​ប៉ុណ្ណោះ​។ ចុងភៅ​អគ្គិសនី​មួយ​នេះ​ដែល​មាន​ឈ្មោះ​ថា Sophie ចេះ​ស្រុស​គុយទាវ​បន្ថែម​សាច់​បង្គា និង​ដាក់​ទឹកខ្ទិះ​ដូង​ហឹរ ត្រឹម​កម្រិត​សមល្មម​ក្នុង​ល្បឿន​ប្រមាណ ៨០ ​ចាន​រយៈពេល​មួយ​ម៉ោង​។

លោក ផូល យ៉ុង ជា​ភ្ញៀវ​ចូលរួម​ព្រឹត្ដិការណ៍​បើកសម្ពោធ​កាលពី​ថ្ងៃ​សុក្រ​ដែល​រៀបចំ​ឡើង​ដោយ Orange Clove ជា​ភោជនីយដ្ឋាន​អភិវឌ្ឍ​ម៉ាស៊ីន​ជាមួយ​ក្រុមហ៊ុន​វិស្វកម្ម​ក្នុង​ស្រុក​ថា​៖ «​វា​ពិតជា​អស្ចារ្យ​ណាស់​។ ខ្ញុំ​អាច​និយាយ​បាន​ថា វា​គ្មាន​ភាព​ខុសប្លែក​គ្នា​រវាង​ស្នាដៃ​មនុស្ស និង​រ៉ូបូត​ឡើយ​»​។

លោក តាន់ ធុនលីម បុគ្គលិក​ផ្នែក​លក់​នៅ Orange Clove បាន​និយាយ​ថា រ៉ូបូត​នេះ​នឹង​អនុញ្ញាត​ឲ្យ​ចុងភៅ​កាត់បន្ថយ​កិច្ចការ​ច្រំដែល និង​ផ្ដោតលើ​តម្រូវការ​អតិថិជន​វិញ​។

រ៉ូបូត Sophie នឹង​ជួយ​កាត់បន្ថយ​ចុងភៅ​ប្រចាំ​នៅ​តុ​ស៊ុប​ឡាកសា​ពី ២ នាក់​មក​ត្រឹម​ម្នាក់​ដែល​មាន​ភារកិច្ច​ចម្បង​បន្ថែម​គ្រឿងគ្រៅ និង​សម្អាត​តុ​ស៊ុប​ប៉ុណ្ណោះ​។ លោក តាន់ បាន​ឲ្យ​ដឹងថា​ក្រុមហ៊ុន​ជ្រើសរើស​ក្នុង​ការផលិត​រ៉ូបូត​នេះ​ដែល​ចម្អិន​ស៊ុប​ឡាកសា ដោយសារ​តែ​វា​ជា​មុខម្ហូប​ពេញនិយម​បំផុត​មួយ តែ​ពួកគេ​ធ្វើការ​កែកុន​ធ្វើ​ស៊ុប​គុយទាវ​សាច់​បង្គា និង​មុខម្ហូប​ឆា​សម្រាប់​អ្នកស្រុក​។

ក្រុមហ៊ុន​ក្នុង​ស្រុក​មួយទៀត​កាលពី​ដើម​ខែ​បាន​ឲ្យ​ដឹងថា ខ្លួន​នឹង​ដាក់​ដំណើរការ​រ៉ូបូត​អនាម័យ​ចំនួន ៣០០ គ្រឿង​នៅ​ក្នុង​ខែមីនា​ឆ្នាំ​ក្រោយ ដើម្បី​ជួយ​សម្អាត​សណ្ឋាគារ ផ្សារ​ទំនើប និង​អគារ​រដ្ឋាភិបាល​នានា ខណៈ​ដ្រូន​ក៏​ត្រូវ​បាន​ដំឡើង​ដាក់​ឲ្យ​ត្រួតពិនិត្យ​ទិដ្ឋភាព​ខាង​ក្រៅ​អគារ​ដែល​បច្ចុប្បន្ន​កិច្ចការ​ទាំងនេះ​ត្រូវ​បាន​បំពេញ​ដោយ​មនុស្ស​៕ HR

អត្ថបទគួរចាប់អារម្មណ៍

  • សេដ្ឋកិច្ច​សកល​បាត់​ជិត​ $៨ ​ពាន់​ពាន់​លាន​ ដោយសារ​អាកាសធាតុ

    ក្រុងប៉ារីសៈ ការវិភាគ​ថ្មី​បាន​បង្ហាញ​កាលពី​ថ្ងៃ​ពុធ​សប្តាហ៍​នេះ​ថា ការប្រែប្រួល​អាកាសធាតុ​អាច​ធ្វើឲ្យ​ខាតបង់​ដោយ​ផ្ទាល់​ដល់​សេដ្ឋកិច្ច​ពិភពលោក​ចំនួន ៧,៩ ពាន់​ពាន់​លាន​ដុល្លារ​ នៅត្រឹម​ពាក់កណ្ដាល​សតវត្សរ៍​នេះ ដោយសារ​កំណើន​ភាពរាំងស្ងួត ទឹកជំនន់ និង​បរាជ័យ​ដាំ​ដំណាំ រារាំង​កំណើន និង​គំរាមកំហែង​ដល់​ហេដ្ឋារចនាសម្ព័ន្ធ​។

  • តុលាការ​បារាំង​កាត់​ក្ដី​​ឲ្យ​ហ្វូង​ទា​នៅ​ទី​​​ជនបទ ​​​អាច​បន្ដ​ស្រែក​រំខាន​អ្នក​ជិត​ខាង

    ក្រុង​ប៉ារីស៖ តុលាការ​បារាំង​បាន​សម្រេច​ឲ្យ​ហ្វូង​ទា​នៅ​និរតី​ប្រទេស​អាច​បន្ដ​ស្រែក​កាបៗ​ ​ក្រោយ​​មាន​ការ​ប្ដឹង​ផ្ដល់​ពី​អ្នក​ជិត​ខាង​ចំពោះ​សម្រែក​សំឡេង​របស់​ពួក​វា​ ដោយ​​​យ៉ាង​ហោច​ណាស់​​ត្រូវ​​រង់ចាំ​ការ​ស៊ើប​អង្កេត​ពី​ការ​ធ្វើ​តេស្ដ​កម្រិត​សំឡេង​រំខាន​សិន​​។

  • អ៊ីស្រាអែល​វាយ​ប្រហារ​ផ្លូវ​អាកាស បង្ក​ឲ្យ​​មនុស្ស​ ​២៣ ​នាក់​ស្លាប់​នៅ​ស៊ីរី

    ក្រុង​ហ៊្សេរុយសាឡិម៖ ​ប្រទេស ​អ៊ីស្រាអែល​ បាន​ថ្លែង​ថា​ យន្តហោះ​ចម្បាំង​ជា​ច្រើន​គ្រឿង​របស់​ខ្លួន​ បាន​បើក​ការ​វាយ​ប្រហារ​ប្រឆាំង​ទៅ​លើ​គោលដៅ​របស់​កងកម្លាំង​អ៊ីរ៉ង់ ​និង​យោធា​ស៊ីរី​នៅ​ប្រទេស ​ស៊ីរី ​កាល​ពី​ថ្ងៃ​ពុធ​ នៅ​ក្នុង​ការ​វាយ​ប្រហារ​ដែល​ក្រុម​ឃ្លាំ​មើល​សិទ្ធិ​មនុស្ស​បាន​រាយការណ៍​ថា​ មនុស្ស​យ៉ាង​តិច ​២៣ ​នាក់​បាន​ស្លាប់​​។​

  • បុរស​ជនជាតិ​ចិន​ ២ ​នាក់​ ជាប់ចោទ​​ពី​បទ​លួច​មាន​ស្ថាន​ទម្ងន់ទោស

    សៀមរាបៈ តុលាការ​ខេត្ត​សៀមរាប​កាលពី​ម្សិលមិញ​បាន​ចោទប្រកាន់​ជនជាតិ​ចិន​ ២ ​នាក់​ពី​បទ​លួច​មាន​ស្ថាន​ទម្ងន់ទោស ក្រោយពី​សមត្ថកិច្ច​ចាប់បាន​ពាក់ព័ន្ធ​ការ​លួច​ម៉ូតូ​ ១ ​គ្រឿង​ដែល​ជនសង្ស័យ​ទាំង​ ២ ​នាក់​នោះ​អាច​នឹង​ជាប់​ពន្ធនាគារ​ពី​ ៣ ​ទៅ​ ១០ ​ឆ្នាំ​បើ​រកឃើញ​ថា មានទោស​។