.jpg)
រ៉ូបូតមានតួនាទីដឹកម្ហូបអាហារ និងសម្ភារសិក្សាផ្សេងៗដោយស្វ័យប្រវត្តិ។
ក្រុងឡុងដ៍: រ៉ូបូតស្វ័យប្រវត្ដិអាចរត់ដឹកម្ហូបអាហារដល់តុរបស់អ្នកនៅដំណាច់ឆ្នាំនេះ។ Starship Technologies គ្រោងលក់រ៉ូបូត ១០០០ គ្រឿងនៅតាមគ្រឹះស្ថានអប់រំក្នុងតំបន់អឺរ៉ុប និងសហរដ្ឋអាមេរិកនៅចុងឆ្នាំ ២០១៨។
វាអាចក្លាយជាសេវាកម្មដឹកជញ្ជូនស្វ័យប្រវត្ដិដ៏ធំបំផុតមួយក្នុងពិភពលោក ដោយរ៉ូបូត មានសមត្ថភាពបំពេញកិច្ចការបានជាច្រើន។
ផលិតឡើងដោយអ្នកបង្កើត Skype ក្រុមហ៊ុនបានបោះទុនរួមគ្នាជាមួយទឹកប្រាក់ ១៧ លានដុល្លារ។ រ៉ូបូត Starship កម្ពស់ ៥៥ សង់ទីម៉ែត្រ និងប្រវែង ៧០ សង់ទីម៉ែត្រ ត្រូវបានរចនាដោយមានថតសម្រាប់ដាក់ម្ហូបអាហារធំមួយ ដែលមានទំហំស្មើនឹងថង់ចាប់ហួយចំនួន។ វាបំពាក់កង់ ៦ គ្រាប់ដំណើរការដោយស្វ័យប្រវត្ដិទាំងស្រុង។ បុគ្គលិកអាចផ្ដល់គោលដៅជាក់លាក់តាមផែនទី (ដូច Uber) ដើម្បីបង្ហាញទីតាំងរួចជ្រើសរើសមុខម្ហូបដែលពួកគេចង់កុម្ម៉ង់។
វាមានថតសុវត្ថិភាព ដែលអាចផ្ទុកម្ហូបអាហារទម្ងន់ ១០ គីឡូក្រាម និងដឹកជញ្ជូនឲ្យអតិថិជនតាមរយៈតំណជាមួយកម្មវិធីទូរស័ព្ទ។ ពួកវាមានកង់ ៦ គ្រាប់ និងអាចធ្វើដំណើរល្បឿនរហូតដល់ ៦,៤ គីឡូម៉ែត្រក្នុងមួយម៉ោង។
រ៉ូបូតមិនសុទ្ធតែត្រូវបានប្រើសម្រាប់ដឹកជញ្ជូនម្ហូបនោះទេ នៅតាមគ្រឹះស្ថាននានា ក៏ប្រើវាសម្រាប់ដឹកជញ្ជូនសម្ភារសិក្សាផ្សេងៗផងដែរ។
លោក ហា លី ជានាយកគ្រប់គ្រង Lifecycle នៅ Intuit បាននិយាយថា៖ «ជាទូទៅ ខ្ញុំខកខានញ៉ាំអាហារពេលព្រឹក ពីព្រោះខ្ញុំប្រញាប់ទៅធ្វើការ តែសេវាកម្មនេះបានឲ្យខ្ញុំមានអាហារទំពាម្ដងទៀត»៕HR
