ក្រុងអាំស្ទែរដាំ: ដើម្បីឲ្យប្រាកដថា ឆ្កែរបស់លោកមិនចាំបាច់រត់ចូលផ្ទះនៅមាត់ទ្វារចាំយូរ វិស្វករហូឡង់ម្នាក់បានផលិតឧបករណ៍ស្កេនទម្រង់មុខ ដែលស្គាល់ឆ្កែ និងផ្ញើឲ្យលោក ដូច្នេះ លោកអាចឲ្យវាចូលផ្ទះបាន។
លោក អាកៃ ហ្គារ៉ូ ដែលជាវិស្វករសូហ្វវែរ WeTransfer នៅប្រទេសហូឡង់ មិនមានរូងឆ្កែឆ្មានៅមាត់ទ្វារ។
ដូច្នេះ រៀងរាល់ពេលដែលឆ្មារបស់លោកចង់ចូលផ្ទះ វាត្រូវរង់ចាំរហូតដល់លោក ឬភរិយាដឹងខ្លួនថា វារង់ចាំនៅមាត់ទ្វារ។ ទម្លាប់នេះមិនល្អប្រពៃនោះទេ ទើបលោកបានសម្រេចចិត្ដប្រើជំនាញបច្ចេកវិទ្យារបស់ខ្លួនដើម្បីដោះស្រាយបញ្ហានេះ។
ជំនួសឲ្យការដំឡើងរូងទ្វារឆ្មាអត់ទាន់សម័យ លោកបានរិះរកវិធីកាន់តែទំនើបដោយប្រើបច្ចេកវិទ្យាវៃឆ្លាត សេនស័រស្គាល់ចលនា សូហ្វវែរស្កេនទម្រង់មុខ និងកម្មវិធីផ្ញើសារថែមទៀត។ លោកអ្នកអាចគិតថា វាច្រើនលើសពេកហើយ តែលោក អាកៃ អះអាងថា លោកចំណាយពេលតែប៉ុន្មានម៉ោងផលិតឧបករណ៍នេះ ដោយសារសម្ភារទាំងអស់សុទ្ធតែមានលក់ស្រាប់។
បញ្ហាចោទគឺថាទាំងលោក និងភរិយា មិនអាចឈរចាំបើកទ្វារឲ្យឆ្មាតែរហូតនោះឡើយ។
លោកនិយាយថា៖ «យើងត្រូវការដឹងពេលឆ្មាមកដល់។ ដូច្នេះ យើងអាចបើកទ្វារឲ្យវាចូល ដោយមិនចាំបាច់រង់ចាំយូរ។ ពេលឧបករណ៍នេះចាប់បានចលនារបស់ឆ្មា វានឹងបញ្ចូលរូបភាពទៅកាន់សូហ្វវែរស្កេនទម្រង់មុខ រួចត្រួតពិនិត្យអត្ដសញ្ញាណឆ្មាដោយសំអាងលើរូបភាពមានស្រាប់»៕HR