.jpg)
Suzuki e-Survivor Concept តាំងនៅពិព័រណ៍រថយន្ត។ AFP
ក្រុងតូក្យូ: ដោយអះអាងថា e-Survivor ជារថយន្ដអគ្គិសនីនាពេលអនាគត វាបំពាក់ប្រព័ន្ធបច្ចេកវិទ្យាកូនកាត់ Suzuki Hybrid ដែលនឹងក្លាយជាប្រព័ន្ធម៉ាស៊ីនកូនកាត់ចម្បងសម្រាប់ម៉ូដែលអគ្គិសនី។
ក្រុមហ៊ុន បានបញ្ជាក់ថា e-Survivor រួមចំណែកបង្កើតកេរដំណែលរថយន្ដថាមពលកង់ ៤ របស់ក្រុមហ៊ុន Maruti ដែលធ្វើឲ្យវាជាគំរូម៉ូដែលជម្នះឧបសគ្គ។
រាងខ្លីកន្តុប បង្ហាញពីរូបរាងតូចច្រឡឹង Suzuki e-Survivor នេះជារថយន្ដអគ្គិសនីបំពាក់ថាមពលកម្លាំងកង់ទាំង ៤ តែវាត្រូវបានច្នៃជាម៉ូដែលកៅអី ២ ឥតដំបូល។
វាភ្ជាប់មកជាមួយកាងឈ្នាន់ជាន់ឡើងរថយន្ដ និងបំពាក់តាប្លូមុខទំនើបច្នៃពីម៉ូដែល Jimny ជាមួយចង្កៀងមុខ LED និងចម្រឹងខ្យល់លេងពន្លឺភ្លើងស្រស់ស្អាត។
តួកាប៊ីន មើលទៅស្រស់ស្អាត ដោយមានទាំងស្គ្រីនក្រាលលើដៃចង្កូតរាបស្មើថែមទៀត។ ប្រព័ន្ធបញ្ជាស្ថិតនៅកណ្ដាលបង្ហាញនូវព័ត៌មានផ្សេងៗជាមួយបច្ចេកវិទ្យា 3D ផុសត្រដែត។
រីឯ នៅផ្នែកខាងអ្នកដំណើរ ក៏មានអេក្រង់ស្គ្រីនមួយដែរដែលបន្ថែមស្គ្រីនតូច ២ ទៀតនៅជាប់នឹងកៅអីតែម្ដង។ នៅមានប្រព័ន្ធសោតទស្សន៍ និងម៉ាស៊ីនត្រជាក់ភ្ជាប់នឹងកៅអីផងដែរ។
រថយន្ដតួខ្ពស់រាងខ្លីនេះ មានប្រវែង ៣៤៦០ មិល្លីម៉ែត្រ ទទឹង ១៦៤៥ មិល្លីម៉ែត្រ និងកម្ពស់ ១៦៥៥ មិល្លីម៉ែត្រ។
e-Survivor ដែលត្រូវបានបង្ហាញនៅពិព័រណ៍រថយន្ដឆ្នាំ ២០១៨ ប្រភេទ ២ កៅអី តែយើងរំពឹងថា ក្រុមហ៊ុននឹងផលិតប្រភេទ ៤ កៅអីពេលម៉ូដែលនេះ ចុះទីផ្សារក្នុងឆ្នាំ ២០២០ ខាងមុខ៕HR
