ភ្នំពេញ : LGបានដាក់បង្ហាញទូរស័ព្ទស្មានហ្វូនស៊េរីថ្មីអេក្រង់ទំហំរហូតដល់ទៅ5.5FullHDកាលពីសប្តាហ៍មុននេះនៅអគារកាណាឌីយ៉ាថៅរើ។
សម្រាប់ទូរស័ព្ទប្រភេទនេះគឺអេក្រង់របស់វាមានបច្ចេកវិទ្យាល្អបំផុតFullHDPSដែលធ្វើឲ្យគ្រប់ផ្ទាំងរូបភាពមានភាពម៉ដ្ដច្បាស់ដូចធម្មជាតិ។ចំណែកឯកាមេរ៉ាវិញគឺមានទំហំរហូតដល់ទៅ១៣មេហ្គាភិចសែល ដែលអាចថតយករូបភាពច្បាស់មិនថានៅជិតឬឆ្ងាយនោះទេខណៈដែលកាមេរ៉ាមុខវិញគឺ២,១ មេហ្គាភិចសែលFull HDដែលអាចជជែកមើលវីដេអូរូបភាពសកម្មភាពគ្នាទៅវិញទៅមកយ៉ាងរស់រវើក។ អ្វីដែលពិសេសនោះគឺទូរស័ព្ទនេះអាចប្រើកាមេរ៉ាទាំងមុខក្រោយក្នុងពេលតែមួយទៀតផង។ចំពោះអ្នកដែលចង់ផ្តិតយករូបភាពក្នុងទ្រង់ទ្រាយធំដែលទូរស័ព្ទស្មាតហ្វូនធម្មតាមិនអាចផ្តិតយកបាននោះគឺLGOptimusGProមានកម្មវិធីVRPanoramaអាចថតយករូបភាពគ្រប់ជ្រុងរហូតដល់ទៅ៣៦០ដឺក្រេនិងមានប្រព័ន្ធផ្គុំរូបភាពដោយស្វ័យប្រវត្តិដូចអ្នកឯកទេសកាត់តរូបភាពអ៊ីចឹង។ ក្រៅពីនេះទៅទៀតគឺមានបន្ថែមកម្មវិធីPause&ResumeRecordingសម្រាប់ផ្អាកការថតវីដេអូរួចបន្តការថតទៅតាមតម្រូវការដើម្បីបង្កើនជាវីដេអូមួយដែលមានសុទ្ធសឹងផ្គុំទៅដោយឈុតឆាកសំខាន់ៗ។លើសពីនេះវាក៏អាចប្រើជាតេឡេបញ្ជាទូរទស្សន៍ម៉ាស៊ីនត្រជាក់ម៉ាស៊ីនចាក់ឌីសនិងProjectorថែមទៀតផង។
លោកសុខពិសិដ្ឋអគ្គនាយកក្រុមហ៊ុនGGearបានមានប្រសាសន៍ថា៖ «យើងបានត្រៀមខ្លួនរួចរាល់ចំពោះការមកដល់របស់ទូរស័ព្ចដៃស៊េរីGចុងក្រោយគេបង្អស់គឺOptimusGProដែលទើបតែទទួលបានពានរង្វាន់LTEDevice/HandsetAwardនៅក្នុងកិច្ចប្រជុំLTEពិភពលោកឆ្នាំ២០១៣»។
ទូរស័ព្ទនេះបានចរាចរលក់នៅតាមបណ្តាហាងទូរស័ព្ទនានានៅភ្នំពេញនិងបណ្តាខេត្តហើយដោយមានតម្លៃប្រមាណជា៥៩០ដុល្លារ៕
