The Phnom Penh Post Search

Search form




Logo of Phnom Penh Post newspaper Phnom Penh Post - អណ្ដាត​សិប្បនិម្មិត​វិភាគ​ខ្ទេច​ពី​ប្រភេទ​ស្រាវីស្គី និង​ជួយ​បំបាត់​ស្រា​ក្លែងក្លាយ

អណ្ដាត​សិប្បនិម្មិត​វិភាគ​ខ្ទេច​ពី​ប្រភេទ​ស្រាវីស្គី និង​ជួយ​បំបាត់​ស្រា​ក្លែងក្លាយ

Content image - Phnom Penh Post
អណ្តាត​សិប្បនិម្មិត​នឹង​ដើរតួនាទី​ក្នុង​វិភាគ​ផលិតផល​ស្រា និង​អាហារ​។ រូបថត AFP

អណ្ដាត​សិប្បនិម្មិត​វិភាគ​ខ្ទេច​ពី​ប្រភេទ​ស្រាវីស្គី និង​ជួយ​បំបាត់​ស្រា​ក្លែងក្លាយ

ក្រុងឡុងដ៍: ក្រុម​អ្នកវិទ្យាសាស្ដ្រ​កាលពី​ថ្ងៃ​អង្គារ​បាន​លាតត្រដាង​ថា ពួកគេ​នឹកឃើញ​បង្កើត​អណ្ដាត​សិប្បនិម្មិត​ដែល​អាច​បែងចែក​រសជាតិ​ស្រាវីស្គី​យ៉ាង​ល្អិតល្អន់​។

ក្រុម​អ្នកជំនាញ​មកពី​សាកល​វិទ្យាល័យ Glasgow បាន​ផលិត​ឧបករណ៍​ភ្លក្ស​រសជាតិ​ដ៏តូច​ដែល​អាច​បែងចែក​ភាពខុស​គ្នា​រវាង​ស្រាវីស្គី​យីហោ​តែ​មួយ ដែល​អប់​ក្នុង​ធុង​ដទៃ​ដោយ​មាន​កម្រិត​ត្រឹមត្រូវ ៩៩ ​ភាគរយ​។

វា​ក៏​អាច​បែងចែក​រវាង​វីស្គី​អាយុ ១២ ​ឆ្នាំ និង ១៥ ព្រម​ទាំង ១៨ ​ឆ្នាំ​។ បច្ចេកវិទ្យា​អាច​បញ្ជាក់​ពី​ការប្រើប្រាស់​សមាសធាតុ​គីមី​ខុសៗ​គ្នា ដើម្បី​អប់​គ្រឿង​ត្រាំ​ស្រាវីស្គី​ផង​ដែរ​។

អណ្ដាត​សិប្បនិម្មិត​មិន​ត្រឹម​តែ​ត្រូវបាន​ប្រើ​សម្រាប់​គ្រប់គ្រង​គុណភាព​ស្រា​ប៉ុណ្ណោះ​ទេ ប៉ុន្ដែ​ថែម​ទាំង​ប្រយុទ្ធ​ប្រឆាំង​នឹង​ជំនួញ​ផលិតផល​ស្រា​ក្លែងក្លាយ ពីព្រោះ​វា​អាច​វិភាគ​ឃើញ​ស្រាវីស្គី​ថ្លៃៗ​មួយ​ចំនួន​ជា​ផលិតផល​បន្លំ​។

Alasdair Clark មកពី​មហាវិទ្យាល័យ​វិស្វកម្ម​នៃ​សាកលវិទ្យាល័យ Glasgow បាន​ឲ្យ​ដឹងថា​៖ «​យើង​ហៅ​វា​ថា អណ្ដាត​សិប្បនិម្មិត​ពីព្រោះ​វា​ដើរ​តួនាទី​ជំនួស​អណ្ដាត​មនុស្ស​។ ខុសពី​មនុស្ស​មិន​អាច​កំណត់​ឃើញ​សារ​ធាតុគីមី​នីមួយៗ ធ្វើ​ឲ្យ​កាហ្វេ​មាន​រសជាតិ​ខុសពី​ទឹក​ប៉ោម​ឡើយ តែ​វា​អាច​ប្រាប់​ពី​ភាព​ខុសគ្នា​រវាង​ល្បាយ​គីមី​ទាំងនោះ​យ៉ាង​ងាយ​»​។

ស្រាវីស្គី​ត្រូវ​បាន​បន្ដក់​លើ​បន្ទះ​មាស​ដ៏តូច និង​អាលុយមីញ៉ូម​ដែល​ដើរតួនាទី​ជា​អ្នក​ភ្លក្ស​រសជាតិ ហើយ​ក្រុម​អ្នកស្រាវជ្រាវ​វាស់ស្ទង់​ពី​របៀប​ដែល​វា​ស្រូប​ពន្លឺ​។ បម្រែបម្រួល​ពណ៌​តិចតួច​ក្នុង​បន្ទះ​មាស និង​អាលុយមីញ៉ូម ត្រូវ​បាន​សន្មត​ថា​បាន​បង្កើត​គំរូ​រសជាតិ​នីមួយៗ​។

Clark បាន​លើកឡើង​ថា​៖ «​ក្រៅពី​អាច​បែងចែក​ស្រា​ក្លែងក្លាយ អណ្ដាត​សិប្បនិម្មិត​ត្រូវ​បាន​ប្រើ​ក្នុង​ការភ្លក្ស​អាហារ​សុវត្ថិភាព គ្រប់គ្រង​គុណភាព និង​សន្ដិសុខ​ផង​ដែរ​»៕ HR

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។