ក្រុងញូវយ៉ក: មិនចាំបាច់មានអ្វីបញ្ជាក់បន្ថែមថា ជិះម៉ូតូធ្វើឲ្យរូបលោកអ្នកនៅតែជាយុវវ័យនោះទេ ចូរមើលបុគ្គលនេះជាគំរូ។
លោកតា ឌិក ខូម័រ អាយុ ៨៥ ឆ្នាំបានបញ្ជាក់ពីទ្រឹស្ដីនេះដោយលោកបានទិញម៉ូតូ Honda Super Cub C125 ស៊េរីថ្មី ១ គ្រឿង។
លោក ឌិក ជាអ្នកជំនួញម៉ូតូចូលនិវត្ដន៍ដ៏ល្បីម្នាក់នៅក្រុងសោតវ៉េស សហរដ្ឋអាមេរិក និងតែងតែនិយមជិះម៉ូតូតាំងពីអាយុ ១៤ ឆ្នាំរហូតដល់មានបទពិសោធនៅលើកែបម៉ូតូរយៈពេល ៧១ ឆ្នាំនៃឆាកជីវិត។
លោកទទួលជោគជ័យក្នុងការធ្វើតេស្ដសមត្ថភាពបើកបរក្នុងវ័យខ្ទង់ ៧០ ឆ្នាំ និងបានក្លាយជាម្ចាស់កម្មសិទ្ធិម៉ូតូម៉ូដែលប្លែកៗជាច្រើន។
លោក ឌិក មានអាយុខ្ទង់ ២០ ឆ្នាំពេលលោក សូអ៊ីឈីរ៉ុ ហុងដា ចេញលក់ម៉ូតូគុប Super Cub គំរូដើមក្នុងឆ្នាំ ១៩៥៨ ជាម៉ូតូដែលក្លាយជាទោចក្រយានយន្តដ៏ពេញនិយមបំផុតក្នុងលោកដោយលក់បានជាង ១០០ លានគ្រឿងរយៈពេល ៦១ ឆ្នាំ។
លោកបន្ដថា៖ «ម៉ាស៊ីនក៏នៅតែខ្លាំង ហើយហុងដាអាចរត់បាន ៨០ គីឡូម៉ែត្រដោយការប្រើសាំងតែ ១ លីត្រប៉ុណ្ណោះ។ លេខ ៤ ល្បឿនអនុញ្ញាត Cub បង្កើនល្បឿន ៨៨ គីឡូម៉ែត្រក្នុងមួយម៉ោងដោយមិនសូវទទួលការត្អូញត្អែរ ហើយនឹងមានល្បឿនកំពូលពេលរត់ជក់ខ្យល់ដល់ ៩៦គីឡូម៉ែត្រក្នុង ១ ម៉ោង»។
ហុងដាគុបតម្លៃ ៣ ៤០០ ដុល្លារជាមួយសមត្ថភាពប្រើប្រេងចំណុះ ៣,៧ លីត្រ Super Cub 125 បញ្ចូលថាមពលតាមរយៈល្បឿន ៤ លេខ និងច្រវាក់ពីញ៉ុង។ ប្រព័ន្ធហ្វ្រាំងប្រើថាសឌីសមួយនៅផ្នែកខាងមុខ និង ហ្វ្រាំងស្តង់ដានៅផ្នែកខាងក្រោយ និងទម្ងន់ ១០៨ គីឡូក្រាម៕ HR