The Phnom Penh Post Search

Search form




Logo of Phnom Penh Post newspaper Phnom Penh Post - អ្នកវិទ្យាសាស្ដ្រ​ផលិត​អាយកូម​ឲ្យ​ឃ្មុំ និង​ត្រី​សន្ទនា​គ្នា​ជា​ប្រយោជន៍​ការស្រាវជ្រាវ

អ្នកវិទ្យាសាស្ដ្រ​ផលិត​អាយកូម​ឲ្យ​ឃ្មុំ និង​ត្រី​សន្ទនា​គ្នា​ជា​ប្រយោជន៍​ការស្រាវជ្រាវ

Content image - Phnom Penh Post
ឧបករណ៍​មួយ​បំពាក់​នៅ​សម្បុក​សត្វ​ឃ្មុំ និង​មួយ​ទៀត​នៅក្នុង​ទឹក​ជា​ទី​ត្រី​ហែល​។

អ្នកវិទ្យាសាស្ដ្រ​ផលិត​អាយកូម​ឲ្យ​ឃ្មុំ និង​ត្រី​សន្ទនា​គ្នា​ជា​ប្រយោជន៍​ការស្រាវជ្រាវ

ក្រុងប៊ែន: ក្រុម​អ្នកវិទ្យាសាស្ដ្រ​បាន​បង្ហាញថា ត្រី និង​ឃ្មុំ​ពេល​នេះ​អាច​និយាយ​រកគ្នា​បាន​តាមរយៈ​ប្រព័ន្ធ​អាយកូម​ពិសេស​។

ប្រព័ន្ធ​ទំនាក់ទំនង​រវាង​អម្បូរ​សត្វ​ខុស​គ្នា​ទាំង​ ២ ​ត្រូវ​បាន​ផលិត​ឡើង​ដោយ​ការឌីហ្សាញ​រ៉ូបូត​តូច និង​ឧបករណ៍​ទាក់ទង​។

ឧបករណ៍​ទាក់ទង​ដ៏តូច​ត្រូវបាន​បំពាក់​ក្នុង​សម្បុក​ឃ្មុំ និង​ត្រី​រ៉ូបូត​ហែល​ក្នុង​ទឹក​ត្រូវ​បាន​ដាក់​បង្កប់​ក្នុង​ហ្វូង​ត្រី​ផង​ដែរ​។ រលក​សញ្ញា​ពី​អម្បូរ​សត្វ​ខុសគ្នា​ស្រឡះ​ទាំង​ ២ ​ត្រូវ​បាន​បកប្រែ​ជា​ភាសា​មួយ​ដែល​សត្វ​ទាំង​ ២ ​ប្រភេទ​អាច​យល់​ពី​គ្នា​។
ហ្វ្រង់ស៊ីស្កូ ម៉ូនដាដា ជា​សាស្ដ្រាចារ្យ​នៅ​មន្ទីរពិសោធន៍ BioRob បាន​ប្រាប់ TechXplore ថា​៖ «​រ៉ូ​បូត​ដើរ​តួនាទី​ជា​អ្នក​សម្របសម្រួល និង​បកប្រែ​ភាសា​ក្នុង​សន្និសីទ​អន្ដរជាតិ​អ៊ីចឹង​។ តាមរយៈ​ការផ្លាស់ប្ដូរ​ព័ត៌មាន​រវាង​គ្នា និង​គ្នា សត្វ​ទាំង​ ២ ​ចាប់ផ្ដើម​បន្ដ​សន្ទនា​គ្នា​ជា​ហូរហែ​»​។

លោក ស៊ីម៉ុន ហ្គារនីយ័រ ជីវ​វិទូ​ប្រព័ន្ធ​ស្មុគស្មាញ​នៅ​វិទ្យាស្ថាន​បច្ចេកវិទ្យា​ញូវជេស៊ី បាន​ប្រាប់ The Scientist​ថា​៖ «​វា​ជា​លើក​ដំបូង​ដែល​មនុស្ស​ប្រើ​បច្ចេកវិទ្យា​នេះ​ជួយ​អម្បូរ​សត្វ​ស្លាប និង​សត្វ​ទឹក​មាន​ទំនាក់ទំនង​នឹង​គ្នា​»​។

លទ្ធផល​នេះ​អាច​ជួយ​ក្រុម​វិស្វករ​រ៉ូបូត​ស្វែងយល់ និង​កែសម្រួល​វិធី​ស្រាវជ្រាវ​រលក​សញ្ញា​ជីវសាស្ដ្រ​ពី​ក្រុម​សត្វ​មួយ​ចំនួន​។ ការសិក្សា​ថ្ងៃ​អនាគត អត្ថប្រយោជន៍​ពី​ការប្រើប្រាស់​បច្ចេកវិទ្យា​រ៉ូបូត​នេះ​ក៏​អាច​ជួយ​អភិវឌ្ឍ​រ៉ូបូត​វៃឆ្លាត​ដែល​ក្រុម​អ្នក​ជីវវិទូ​អាច​ប្រើ​ដើម្បី​ជួយ​សត្វ​រស់នៅ​តំបន់​បរិស្ថាន​កខ្វក់ ឬ​ទីតាំង​គ្រោះថ្នាក់​ផ្សេងៗ​៕ HR

អត្ថបទគួរចាប់អារម្មណ៍

  • អ៊ីរ៉ង់​រកឃើញ​អណ្តូងរ៉ែ​ថ្មី​មាន​ឧស្ម័ន​ ៥៣៨ ​ពាន់​លាន​ម៉ែត្រគុប

    ក្រុងតេអេរ៉ង់ៈ ប្រទេស​អ៊ីរ៉ង់​បាន​រកឃើញ​អណ្តូង​ឧស្ម័ន​មួយ​នៅ​ជិត​ឈូង​សមុទ្រ​ពែរ្ស៍ ដែល​មាន​កំណប់​ឧស្ម័ន​គ្រប់គ្រាន់​សម្រាប់​ការផ្គត់ផ្គង់​ដល់​ទីក្រុង​នេះ​រយៈពេល ១៦ ឆ្នាំ​។ នេះ​បើ​យោង​តាម​សេចក្តី​រាយការណ៍​របស់​ប្រព័ន្ធ​ផ្សព្វផ្សាយ​រដ្ឋ​អ៊ីរ៉ង់​កាលពី​ថ្ងៃ​អាទិត្យ​។

  • ប៉ូឡូញ និង​រុស្ស៊ី ​ឡើង​វគ្គ​បន្ត ខណៈ​អាល្លឺម៉ង់​ចាំ​អ៊ុត​សិន

    ក្រុង​ប៉ារីស៖ ជម្រើស​ជាតិ​ប៉ូឡូញ​ និង​រុស្ស៊ី​បាន​កក់​កៅអី​របស់​​​ខ្លួន​នៃ​​​ព្រឹត្តិការណ៍​ Euro ​២០២០ ក្រោយ​ពី​​ក្រុម​ប៉ូឡូញ​បាន​ឈ្នះ​​ជម្រើស​ជាតិ​ម៉ាសេដ្វាន​ខាង​ជើង​ ហើយ​ក្រុម​រុស្ស៊ី​បាន​ឈ្នះ​ជម្រើស​ជាតិ​​ស៊ីប​ ​ពី​ថ្ងៃ​អាទិត្យ​ ខណៈ​ជម្រើស​ជាតិ​អាល្លឺម៉ង់​ និង​ហូឡង់​

  • អ៊ីមរ៉ាន ខាន់​ ធ្វើ​ទស្សនកិច្ច​​​នៅ​​អ៊ីរ៉ង់​ ខណៈ​​ភាព​តានតឹង​កើន​ឡើង​នៅ​ឈូង​សមុទ្រ​

    ក្រុង​តេអេរ៉ង់៖ ​នាយក​រដ្ឋមន្ត្រី​ប៉ាគីស្ថាន​លោក​ អ៊ីមរ៉ាន ខាន់ ​បាន​ទស្សនកិច្ច​ទៅ​កាន់​ប្រទេស ​អ៊ីរ៉ង់ ​កាល​ពី​ថ្ងៃ​អាទិត្យ​ បន្ទាប់​ពី​មាន​ការ​ស្នើសុំ​មួយ​ចេញ​ពី​អាមេរិក ​និង​អារ៉ាប៊ី សាអ៊ូឌីត​ ដើម្បី​ឲ្យ​លោក​ជួយ​បន្ធូរបន្ថយ​ភាព​តានតឹង​កាន់​តែ​ខ្លាំង​ឡើង​នៅ​ឈូង​សមុទ្រ​មាន​ជម្លោះ​។​

  • ធនាគារ​កណ្តាល​សិង្ហបុរី​ បន្ធូរ​គោលនយោបាយ​រូបិយវត្ថុ

    ក្រុងសិង្ហបុរីៈ ប្រទេស​សិង្ហបុរី​កាលពី​ថ្ងៃ​ចន្ទ​បាន​បន្ធូរបន្ថយ​គោលនយោបាយ​រូបិយវត្ថុ​ជា​លើកដំបូង​ក្នុង​រយៈពេល​ជាង ៣ ​ឆ្នាំ ខណៈ​សង្គ្រាម​ពាណិជ្ជកម្ម​រវាង​អាមេរិក និង​ចិន​បញ្ចេញ​ឥទ្ធិពល ស្រប​ពេល​ដែល​ប្រទេស​មាន​សេដ្ឋកិច្ច​ពឹងផ្អែក​លើ​ការនាំចេញ​មួយ​នេះ​បាន​គេច​ផុតពី​ការដើរ​ថយក្រោយ​នៃ​សេដ្ឋកិច្ច​នៅ​ត្រីមាស​ទី​ ៣​។