ក្រុងញូវដែលី: Scomadi TT 125 ដែលបើកសម្ពោធក្នុងខែឧសភានេះ នឹងមានតម្លៃ ១៩៨០០០ រូពី (ជិត ១២ លានរៀល) ដោយអត់រាប់បញ្ជូលបរិក្ខារផ្សេងៗ ដែលធ្វើឲ្យម៉ូតូអូតូនេះមានតម្លៃខ្ពស់ជាង Vespa Scooter ទ្វេដងនៅឥណ្ឌា។
ខណៈសេដ្ឋកិច្ចឥណ្ឌាហក់ឡើង យីហោល្បីៗ កាន់តែច្រើនជំនាញផលិតគ្រឿងម៉ាស៊ីនល្អៗ កំពុងនាំគ្នាមកកាន់ដែនដីសម្បូរប្រជាជនច្រើនបំផុតនេះ។ មួយក្នុងចំណោមនោះ គឺ Scomadi ហើយអ្នកនឹងមិនមានកំហុសអីទេ បើអត់ធ្លាប់ឮក្រុមហ៊ុនផលិតម៉ូតូអូតូប្រណីតរបស់អង់គ្លេសនេះ។ យ៉ាងណាមិញ Scomadi មានប្រវត្ដិផលិតម៉ូដែល ឡាំប្រឺតា GP តាំងពីយូរយារ ដូចជា Turismo leggera 50 ម៉ូដែល TL 125 ម៉ូដែល TL 200 និង TT 200i។
ដោយមានទំនាក់ទំនងស្អិតល្មួតជាមួយសមាគមចិន ក្រុមហ៊ុនបច្ចុប្បន្ននេះ បានបោះមូលដ្ឋាននៅប្រទេសថៃ ដើម្បីធានាផ្គត់ផ្គង់តម្រូវការផលិតផលគុណភាពខ្ពស់។ ពេលបើកសម្ពោធនៅឥណ្ឌា ពួកគេផ្គត់ផ្គង់ម៉ូតូអូតូគុណភាពខ្ពស់។
Scomadi នឹងណែនាំម៉ូដែល TT 125 នៅឥណ្ឌា ដែលគ្រោងដាក់លក់នៅដើមខែឧសភា ឆ្នាំ ២០១៨។ ម៉ូតូអូតូ Scomadi នឹងត្រូវបានចូលមកឥណ្ឌាពីប្រទេសថៃ។ ដោយទុកឲ្យអតិថិជនមានជម្រើសជ្រើសរើសពណ៌ ឬកុម្ម៉ង់ម៉ូដែលស្ដង់ដារ ម៉ូតូនេះនឹងមានច្រើនពណ៌ និងគំនូរស្អាត។
ថ្វីដ្បិតតែម៉ូតូអូតូទាំងនេះមិនទាន់ត្រូវបានដាក់លក់ជាផ្លូវការ ការកុម្ម៉ុង់ទុកសម្រាប់ម៉ូដែល TT 125 ត្រូវធ្វើឡើងក្រុងពុន ប្រទេសឥណ្ឌា៕HR