ក្រុងឡាវេហ្គាស៖ ក្រុមហ៊ុនថ្មី Bzigo ស្ថិតនៅពិព័រណ៍អ្នកប្រើប្រាស់បច្ចេកវិទ្យា CES ជាមួយឧបករណ៍អេឡិចត្រូនិកឌីហ្សាញឡើង ដើម្បីស្វែងរកមូស និងកម្ចាត់វាចោល។
Bzigo ហៅថា បន្លឺសូរ និងកម្ចាត់ចោល តាមសម្លឹងមើលមូសហើរក្រវែល រួចប្រហារដោយប្រើពន្លឺឡាស៊ែរ ក្រោយពេលពួកវាទំ។ ឧបករណ៍សម្លាប់មូសជំនាន់ទី ១ បង្ហាញគោលដៅមូស រួចបញ្ជូនសារប្រាប់ម្ចាស់តាមរយៈទូរស័ព្ទដៃ ដើម្បីជួយកម្ចាត់សត្វល្អិតចង្រៃចោល។
ណាដាវ បេណេដេក មកពី Bzigo បាននិយាយថា៖ «បញ្ហាចម្បងរឿងមូស គឺការស្វែងរកទីតាំងរបស់វា ជាអ្វីដែលអាចដោះស្រាយបាន»។
អង្គការសុខភាពពិភពលោក បានចាត់ទុកមូសជាមច្ចុរាជដ៏គ្រោះថ្នាក់បំផុតមួយលើភពផែនដី ដោយសារពួកវាអាចផ្ទុកមេរោគសម្លាប់មនុស្សរាប់លាននាក់រៀងរាល់ឆ្នាំ។
ទោះនៅតាមទីតាំងដែលមានជំងឺកើតពីមូសមិនមានបញ្ហាចោទយ៉ាងណាក៏ដោយ ក៏ការតាមស្វែងរកសត្វជញ្ជក់ឈាមទាំងនេះ មិនមែនងាយស្រួលឡើយ។
បេណេដេក បាននិយាយថា ឧបករណ៍ Bzigo ជំនាន់ទី ២ ដែលត្រូវបានផលិតឡើងរួចជាស្រេច តែមិនទាន់បង្ហាញវត្ដមានជាសាធារណៈ នឹងបញ្ជូនដ្រូនហោះតូចៗទៅបំបែកមូសឲ្យខ្ទេច ដោយមិនឲ្យមនុស្សពិបាកទៅប្រឡាក់ឈាមនឹងដៃ។
បេណេដេក និយាយដោយបានបង្ហាញសមត្ថភាពឧបករណ៍ដល់ភ្ញៀវទាំងអស់សំណើចថា៖ «ដ្រូនណាណូហោះពីស្ថានីយចំណតលើឧបករណ៍ តាមស្វែងរកមូស និងសម្លាប់វា ហើយវិលមកកាន់ទីតាំងដើម្បីសាកថ្មវិញ។
Bzigo បានរៃអង្គាសមូលនិធិ ១ លានដុល្លារ និងគ្រោងអង្គាសប្រាក់ ៥ លានដុល្លារ ដើម្បីចាប់ផ្ដើមផលិតផលិតផលច្រើន ដែលនឹងមានទំហំប៉ុនផ្លែប៉ោមលើទីផ្សារ៕ AFP/HR