ក្រុងវ៉ាស៊ីនតោន៖ Amazon, Apple និង Google បានប្រកាសគម្រោងជាច្រើននៅថ្ងៃពុធដើម្បីអភិវឌ្ឍស្ដង់ដាបច្ចេកវិទ្យាទូទៅលើឧបករណ៍បច្ចេកវិទ្យាផ្ទះវៃឆ្លាត បំណងបង្កើនលទ្ធភាពទំនាក់ទំនងឲ្យឧបករណ៍ក្នុងផ្ទះអាចទាក់ទងគ្នាកាន់តែទូលំទូលាយ។
ចលនារួមគ្នានេះត្រូវបានធ្វើដើម្បីឲ្យឧបករណ៍ស្ដង់ដាទាំងអស់អាចប្រតិបត្ដិការចូលគ្នាលើជំនួយផ្នែកឌីជីថល ដូចជាឧបករណ៍ Alexa របស់Amazon ឧបករណ៍ Google Assistant របស់ Google និង Siri របស់ Apple។
គម្រោង «បង្កើនបទពិសោធសាកល្បងប្រើផលិតផលក្នុងផ្ទះវៃឆ្លាតសម្រាប់អតិថិជន ដែលធ្លាប់តែមិនដូចគ្នា»។ នេះយោងតាមសេចក្ដីថ្លែងការណ៍ចេញដោយក្រុមការងារថ្មី។
សេចក្ដីថ្លែងការណ៍បង្ហាញថា៖ «យើងជឿថា ផលិតផលគំរូអាចត្រូវបានប្រើក្នុងប្រព័ន្ធ និងជំនួយបច្ចេកវិទ្យាក្នុងផ្ទះ ដូចជា Google Assistant, Amazon Alexa, Apple''s Siri និង Google Assistant»។
គម្រោងថ្មីមួយដូចជា Zigbee Alliance បំណងដំបូងចង់អភិវឌ្ឍស្ដង់ដាបច្ចេកវិទ្យាទំនាក់ទំនងឥតខ្សែ ដែលរួមមានក្រុមហ៊ុនផលិតផលិតផលបម្រើការក្នុងវិស័យហេដ្ឋារចនាសម្ព័ន្ធ ដូចជា Samsung ក្រុមហ៊ុនចែកចាយ ដូចជា Ikea និងក្រុមហ៊ុនបច្ចេកវិទ្យាដទៃទៀត រួមមាន NXP Semiconductors។
គម្រោងនេះមានបំណងប្រើការចែកចាយពីបច្ចេកវិទ្យាផ្ទះវៃឆ្លាតរវាងក្រុមហ៊ុនទាំងនេះ៕ AFP/HR