The Phnom Penh Post Search

Search form

Logo of Phnom Penh Post newspaper Phnom Penh Post - Audi កម្ពុជា​សម្ពោធ​បីម៉ូដែល​ក្នុងពេល​តែមួយ




Audi កម្ពុជា​សម្ពោធ​បីម៉ូដែល​ក្នុងពេល​តែមួយ

Content image - Phnom Penh Post
​​រថយន្ដម៉ូដែល Audi TT ដែលបាន​ដាក់តាំងបង្ហាញ។ ឈឹម ស្រីនាង

Audi កម្ពុជា​សម្ពោធ​បីម៉ូដែល​ក្នុងពេល​តែមួយ

ភ្នំពេញ: ក្រុមហ៊ុន Audi ដែល ប្រចាំ​កម្ពុជា​បានដាក់​បង្ហាញ​រថយន្ដ​ម៉ូដែលថ្មី ៣ ស៊េរីរួមគ្នា​តែម្ដង​គឺ Audi TT Coupe, A6 និង A7 sportback ដើម្បី​អបអរសាទរ​គម្រប់ខួប ១ ឆ្នាំ​របស់អគារ​តាំង ​និង​ជួសជុល​រថយន្ដ Audi​ នៅ​រាជធានី​ភ្នំពេញ។

រូបរាង​បែបថ្មី​នៃ​រថយន្ដ​ស្ព័រ Audi TT Coupe ជំនា​ន់ទី ៣ របស់​គ្រួសារ Audi ត្រូវបាន​កែច្នៃ​ដោយការរចនា​ម៉ូដ​រូបរាង​បែប​ស្វាហាប់ ​សង្ហា​ ស័ក្តិសមនឹង​យុវវ័យ​សម័យថ្មី។

​រថយន្ដ​នេះ​មានលក្ខណពិសេស​ត្រង់​វា​មាន​ភ្លើង ហ្វ្រាំង​ខាង​ក្រោយ​ផ្នែក​ទី ៣ ស្ថិត​នៅ​ក្រោម​រាន​ក្រោយ នៅពេល​ល្បឿន​បើកបរ​ដល់ ១២០ គីឡូម៉ែត្រក្នុង​មួយ​ម៉ោង រាន​ក្រោយ​នោះ ​និង​ងើប​ចេញ​មក​ក្រៅដោយ​ស្វ័យប្រវត្តិ​ដើម្បីជួយសម្រប​តាម​ការបើក​កាត់​ខ្វល់ និង​បំពាក់បំពង់ស៊ីមុំាង​ធំមូល ២ នៅ​ផ្នែកខាងក្រោយផងដែរ។

រថយន្ដ​ Audi TT Coupe ស្ព័រ​នេះ បំពាក់​ទៅដោយម៉ាស៊ីន​កម្លាំង ២,០ TFSI ​កម្រិតប្រើប្រាស់ប្រេងសាំង​ត្រឹមតែ ៦,៣ លីត្រ​ក្នុងចម្ងាយ​ ១០០ គីឡូម៉ែត មាន​ប្រអប់លេខ​អូតូ ៦ លេខ ដែល​ផ្ដល់​ភាពងាយស្រួល​ក្នុងការ​បើកបរ បង្កើនល្បឿន​ពី ០ ​ទៅ​ ១០០ គីឡូម៉ែត្រ​​ក្នុង​មួយម៉ោងត្រឹម​តែ​ ៥,៩ វិនាទី។ ​

ជាមួយ​បច្ចេកវិទ្យា quattro វិញ​គឺ​ពី ០ ទៅ ១០០ គីឡូ​ម៉ែត្រ​ក្នុង​មួយម៉ោងគឺ​ត្រឹម ​៥,៣ វិនាទី​ប៉ុណ្ណោះ​ វា​ផ្ដល់​ប្រ​សិទ្ធភាពខ្ពស់​សម្រាប់​ម៉ាក​រថយន្ដ ​TT ស៊េរី​ថ្មី​នេះ។

Content image - Phnom Penh Post
រថយន្ដម៉ូដែល Audi A6 ដែលបាន​ដាក់តាំង​បង្ហាញ។ ឈឹម ស្រីនាង

រថយន្ដ Audi TT Coupe ជាប្រភេទ Technology package មាន​កូន​សោ Convenience key និងមាន​មុខងារ​ការពារ​ចោរ​លួចដោយ​ប្រព័ន្ធ Audi drive select និង sport package រួមមាន ស្លាក​សញ្ញា​រូប S-line នៅ​ផ្នែក​ខាង​ក្រៅ​រថយន្ត និង​ទ្វារ កៅអី​ស្ព័រ ខាងមុខ​ជាមួយ​ប្រព័ន្ធសម្រួលផ្នែក​ក្បាល។

Audi TT Coupe ​តម្លៃ​ ៨៥​ ០០០​ ដុល្លារ​ រួម​មានជម្រើស​ Technology package ផងដែរ។ក្រឡេកមកមើល​រថយន្ត ​Audi A6 វិញ​គឺ​បំពាក់​ដោយ​ប្រ​ព័ន្ធត្រួតពិនិត្យ​សម្ពាធ​កង់ ប្រព័ន្ធផ្តល់​សញ្ញា​ និង​ពេល​ចាប់​ ហ្វ្រាំង​​ពេលមាន​អាសន្ន បំពាក់​ជាមួយ​ពោងសុ​វត្ថិភាព​ចំនួន​ ២ សងខាង​ផ្នែក​មុខ​ និង​ផ្នែកក្រោយ​នៃ​កៅអី​មុខ​និង​នៅលើ​ដំបូល​។

រី​ឯផ្នែក​ខង​ក្នុង​​រថយន្ត​វិញ​​គឺ​ធំ​ទូលាយ ឃ្លុប​ដាក់​អី​វ៉ាន់​មាន​ទំហំធំរហូតដល់ ៥៣០ លីត្រ ចំណែក​កៅអីផ្នែកមុខមាន​មុខ​ងារជួយ​​ម៉ាស្សា ​និង​ប្រ​ព័ន្ធខ្យល់។

លើសពីនេះ​ដងខ្លួន​​វា​ធ្វើ​ពីដែក​មាន​គុណភាព​ខ្ពស់​ និង​មាន​ទម្ង​ន់​ស្រាល តែ​អាច​ទប់ស្កាត់​ភាព​រំ​ញ័រ​ក្នុង​រថយន្ត​ផ្តល់នូវ​លំ​នឹង និង​ភាពស្ងប់ស្ងាត់​ក្នុង​រថយន្ត​បានល្អ។

Audi A6 ម៉ាស៊ីន ១,៨ ប្រើ​សាំង។ ​ជា​មធ្យមស៊ីសាំង​ចំណុះ​ ៦,៥លីត្រ​ក្នុង​ចម្ងាយ​ ១១០ គីឡូ​ម៉ែត្រក្នុងការ​បើកបរ​ក្នុង​ក្រុង​បូករួម ​នឹង​ផ្លូវ​ហាយ​វ៉េ ហើយ​មាន​ប្រព័ន្ធ S tronic​ បង្កើន​ល្បឿន​ពី ០ ​ទៅ​ ១០០ គីឡូ​ម៉ែត្រ ត្រឹម​តែ ​៧,៩ ​វិនាទី​ ហើយ​ល្បឿន​អតិ​បរមា ២៣៣ គីឡូ​ម៉ែត្រ​ក្នុង​មួយ​ម៉ោង។

Content image - Phnom Penh Post
រថយន្ដម៉ូដែល Audi A7 ពណ៌ស​ដែល​ដាក់តាំង។ ឈឹម ស្រីនាង

រីឯ​កម្រិត​សាំងជាមធ្យម ៥,៧ លីត្រ​ក្នុងចម្ងាយ​ផ្លូវ ១០០ គីឡូ​ម៉ែត្រ​ ដោយ​​ប្រើប្រាស់នៅ​​ក្នុង​កម្រិត​ទាបបំផុត​នៅ​ប្រទេស​កម្ពុជា។

Audi A6 លក់​នៅក្នុង​កម្ពុជា​ហើយ​ តម្លៃ​ ៩៥ ០០០ ដុល្លារ ​ជាមួយ​កញ្ចប់ comfort package។លោក Antoine Jeanson ជា នាយក​ប្រតិបត្តិ​ប្រចាំកម្ពុជា​មាន​ប្រសាសន៍ថា៖ «Audi A6 ជា​ប្រភេទ​រថយន្ត​ប្រណីត ​ស័ក្តិសម​សម្រាប់​អ្នកជំនួញ​អាជីវកម្មដែល​ត្រូវ​បើកបរ​នៅ​កម្ពុជា វា​ផ្តល់​ផាសុកភាព និង​សន្សំ​សំចៃ​ប្រេងសាំង​ខ្ពស់ ហើយ​ការជាវ Audi A6 ស៊េរី​ថ្មី​នេះ​​គឺមាន​ការ​ធានា​​មួយឆ្នាំ​ និង​មិន​គិត​ចម្ងាយបើកបរ»។

ខណៈ Audi A7 មាន​កម្លាំង​ម៉ាស៊ីន​ខ្លាំង​ជា​ង​ម៉ូដែលមុន​ជាម៉ាស៊ីន​ ៣,០​TFSI ​ឬ​ម៉ាស៊ីន៦ (V6)​ ហើយ​ស៊ីសាំង​ជា​មធ្យម​ត្រឹម ៧,៦ លីត្រ​ក្នុង ចម្ងាយ ១០០ គីឡូ​ម៉ែត្រ។ ​

លោកបន្តថា៖ «Audi នៅ​​កម្ពុជាគឺ​ជា​អាណាចក្រ​នៃ​បច្ចេកវិទ្យា quttro ​មាន​សុ​វត្ថិភាព​ងាយស្រួល ហើយ​រថយន្ត Audi A7 ​តម្លៃ ១៣០០០០ ដុល្លារ មាន​ធានា​រយៈពេល ២ ឆ្នាំ​។ អតិថិជន​អាច​បើ​ក​សាកល្បង​បាន​នៅអគារ Audi រាជធានី​ភ្នំពេញ​ចាប់ពី​ថ្ងៃទី ២១ ដល់ទី ៣០ ខែ​កញ្ញា ​ឆ្នាំ ២០១៥៕​

អត្ថបទគួរចាប់អារម្មណ៍