The Phnom Penh Post Search

Search form

Logo of Phnom Penh Post newspaper Phnom Penh Post - Audi Q7 ឆ្នាំ ២០១៦ ជម្រើស ១១ ពណ៌​តម្លៃ​ចាប់ពី ១៤ ម៉ឺន​ដុល្លារ​




Audi Q7 ឆ្នាំ ២០១៦ ជម្រើស ១១ ពណ៌​តម្លៃ​ចាប់ពី ១៤ ម៉ឺន​ដុល្លារ​

Content image - Phnom Penh Post
រថយន្ដ Audi Q7 ស៊េរីឆ្នាំ ២០១៦ មួយ​គ្រឿង​តម្លៃ​ចាប់ពី ១៤ ម៉ឺន​ដុល្លារ ក្នុង​ថ្ងៃ​សម្ពោធ​ដើម​សប្ដាហ៍​។ ឈឹម ស្រីនាង

Audi Q7 ឆ្នាំ ២០១៦ ជម្រើស ១១ ពណ៌​តម្លៃ​ចាប់ពី ១៤ ម៉ឺន​ដុល្លារ​

ភ្នំពេញ​: ក្រៅពី​ការ​រចនា​ទម្ងន់​ស្រាល​ជាងមុន សន្សំ​សំចៃប្រេង រថយន្ដ ៧ កៅអី​ Audi Q7 ស៊េរី​ឆ្នាំ ២០១៦​ ក៏​ស័ក្ដិ​សម​ជា​រថយន្ដ​​គ្រួសារ​ដែល​មាន​សមត្ថភាព​បើកបរ​ខ្ពស់ និង​ជម្រើសពណ៌​សម្បូរ​បែប​ផង​ដែរ។

Audi Q7 ឆ្នាំ ២០១៦ ត្រូវ​បាន​ក្រុមហ៊ុន​រថយន្ដ​ Audi កម្ពុជា អូ​ថូ​ម៉ូ​ធី​វ អេ​ស៊ា (ខេមបូ​ឌា) លីមីត​ធី​ត​សម្ពោធកាលពី​ដើម​សប្ដាហ៍​។

លោក​ Antoine Jeanson នាយក​ប្រតិបត្តិ​របស់​ក្រុមហ៊ុន Audi កម្ពុជា​បានបង្ហាញ​ប្រាប់​ផ្ទា​ល់ពី​ផ្នែកសំខាន់ៗ​របស់​រថយន្ដថ្មី​នេះ​ថា៖ «សម្រាប់​ Audi Q7​ ស៊េរី ២០១៦ នេះ​គឺ​រចនា​ម៉ូដថ្មី​សន្លាង​ ទម្ងន់​ស្រាល​ជាង​មុន​រហូត​ដល់ ២៤០ គីឡូក្រាម ផ្ទៃ​ខាងក្នុង​ធំ​ទូលាយ​ជាមួយនឹង​កម្លាំង​បើកបរ​ស្វាហាប់»។

ក្រៅពីអះអាង​ថា​វា​សន្សំសំចៃ​ប្រេង​សាំង លោក​ក៏​បានពន្យល់ពី​បច្ចេកវិទ្យា​ពិសេស​គឺ​ ​Quattro របស់ Audi ដែល​ស័ក្តិ​សម​ក្នុងការ​បើកបរ​គ្រប់​ស្ថានភាព​ផ្លូវ មិន​ថា​ចុះ​ទៅតាម​បណ្តា ខេត្ត​មាន​ផ្លូវ​លំបាក ឬ​ឡើងចុះភ្នំ​ទេ។

លោក​លើក​ឡើង​ថា៖ «និយាយ​រួមគឺ​វា​ស័ក្តិ​សមបើ​កបរក្នុង​ប្រទេស​កម្ពុជា​​តែម្ដង អ៊ីចឹង​ហើយ​បានជា​យើង​ដាក់ឈ្មោះថា កម្ពុជា​រាជាណាចក្រ​​នៃ​បច្ចេកវិទ្យា​ Quattro»។

រថយន្ដ​ Audi Q7 មាន​កៅ​អីចំនួន ៧ ជា​ប្រភេទ​រថយន្ដ​ម៉ាស៊ីន ៦ ៣,០ លីត្រ TFSI ផ្ដល់​កម្លាំង ២៤៥KW (៣៣៣hp) បង្កើន​ល្បឿន​ពី​កុង​ទ័​រ ០ ទៅដល់ ១០០ គីឡូម៉ែត្រ​គឺ​ប្រើ​ពេល​វេលា​ត្រឹមតែ ៦,៣ វិនាទី ពោល​គឺ ​លឿន​ជាងស៊េរីមុន 0,៦ វិនាទី។

កម្លាំង​ម៉ាស៊ីន ៨ លេខ ជាមួយ​បច្ចេកវិជ្ជា​ Quattro វិល​កង់បួន។ សម្រាប់ដំណើរ​ផ្លូវ ១០០ គីឡូម៉ែត្រ វា​ស៊ីសាំង​ប្រមាណ ៧,៩ លីត្រ​ដែល​ស្មើ​នឹង​ការ​សន្សំ​សំចៃ ២៨ ភាគរយ​ បន្ថែម​បើ​ធៀប​នឹង​រថយន្ដ Q7 ស៊េរីមុន។

រីឯ​ផ្នែក​ខាងក្នុង​នៃ​រថយន្ដ​វិញ​គឺ​រចនា​ទ្រង់ទ្រាយ​ថ្មី​ធំទូលាយ​ត្រង់​ទំហំ​កៅអីអង្គុយ កន្លែង​ដាក់​ជើង ខ្នង និង​ក្បាល វា​ធំ​ជាង​រថយន្ដ​ជំនាន់​មុន បំពាក់​ដោយ​ប្រ​ព័ន្ធ​កម្សាន្ដ​ទំនើបៗ​ដូចជា MMI Radio Plus រួមមាន​ប្រព័​ន្ធ​សំឡេង​ Audi Sound System ចម្រៀង រន្ធភ្ជាប់​ USB ចំនួន ២ ប្រព័ន្ធ Bluetooth និង​អេក្រង់​ទំហំ ៧ អ៊ិញ​ ប៊ូ​តុងរ​ង្វិ​ល​ និង​ចុច​បាន​នៅ​ផ្នែក​កណ្តាលនៃ​ប្រ​ព័ន្ធ​បញ្ចា MMI។

ជាពិសេស​ទៅទៀត​នោះ​គឺ​បន្ថែម​នូវ​កម្មវិធី​ទូរស័ព្ទ​ Audi Phone Box​ភ្ជាប់​ទូរស័ព្ទដៃ​ទៅ​នឹង​អង់​តែនរថយន្ដ តាមរយៈ Wireless និង​អាច​សាក​ថ្ម​តាមរយៈ​រន្ធ ​USB។ ផ្នែក​ខាងក្រោយ​នៃ​រថយន្ដ​បំពាក់​ដោយ​អំពូល​បំភ្លឺ​ខាង​ក្នុង ​LED សំណាញ់​ និង​គម្របនៅ​ផ្នែក​ដាក់​អីវ៉ាន់​ខាងក្រោយ ឧបករណ៍​សម្រាប់ភ្ជាប់​កៅអី​កូនក្មេង​មាន ៤ កន្លែង ពោង​សុ​វត្ថិភាព ៦ និង​ប្រ​ព័ន្ធ​ការពារ​សុ​វត្ថិភាព​ផ្នែក​ក្បាល។

លើស​ពីនេះទៅទៀត Audi Q7 មាន​បំពាក់​នូវ​ប្រព័ន្ធ​សុ​វត្ថិភាព​អាច​ដឹង​នៅពេលដែល​វា​ពិនិត្យឃើញថា​ការបើកបរ​មិន​ប្រក្រតី វា​នឹង​វាស់​កម្រិត​​ដើម្បី​រក្សា​សុវត្ថិភាព​ដល់​អ្នក​បើកប​រភ្លាមៗ ពេលនោះ​ខ្សែ​ក្រវាត់​សុ​វត្ថិភាព​ធ្វើការ​រឹតបន្តឹង​ដោយ​ស្វ័យ​ប្រវត្តិ​តែម្ដង។ រីឯ​ភ្លើងសញ្ញា​បង្ហាញ​អាសន្ន​វិញ​គឺ​ត្រូវបាន​បើក​សម្រាប់​ធ្វើ​ចរាចរណ៍​ជាស្រេច។

លោក​ Antoine Jeansonបាន​បន្ដថា​ រថយន្ដ Audi Q7 មាន​ជម្រើស​ពណ៌​ចំនួន ១១ ក្នុងនោះ​មាន ៥ ពណ៌​ជា​ព​ណ៌​ថ្មី។ Audi Q7 ស៊េរី​ឆ្នាំ ២០១៦ មាន​តម្លៃចាប់ពី ១៤ ម៊ឺនដុល្លា​រ​ឡើងទៅក្នុង​មួយគ្រឿង និង​មាន​ការ​ធានា​រយៈ​ពេល ២ ឆ្នាំ ដោយ​មិន​គិត​ចម្ងាយ​បើកបរ៕

អត្ថបទគួរចាប់អារម្មណ៍