ក្រុងម៉ូស្គូ: ពេល Mercedes បង្ហាញម៉ូដែលកង់ ៦ Mercedes-AMG G63 6x6 វាត្រូវបានគេចាត់ទុកជារថយន្ដឆ្លងមហាឧបសគ្គតែមួយគត់។ ប៉ុន្ដែរថយន្ត Avtoros Shaman 8x8 មានកង់ ២ បន្ថែមលើសម៉ូដែល G63 6x6 ហើយវាបានផ្ដួលរថយន្ត Mercedes ទាំងទំហំ និងការចំអកចំអន់។
រថយន្ត Avtoros Shaman 8x8 ត្រូវបានរចនាឡើង ជារថយន្ដឆ្លងមហាឧបសគ្គ ដែលអាចផ្ទុកមនុស្សបានច្រើន ឬតែ ២-៣ នាក់អាស្រ័យតាមជម្រើស។ យោងតាមព័ត៌មាន វាបំពាក់ម៉ាស៊ីនម៉ាស៊ូតកម្លាំង ១៧០ សេះ។ មិនសម្បើមប៉ុន្មានទេ ហើយល្បឿនកំពូលរបស់វា មានតែ ៧០ គីឡូម៉ែត្រក្នុង ១ ម៉ោងប៉ុណ្ណោះ។ វានឹងមិនអាចលោតហក់ផុតពំនូកខ្សាច់ខ្ពស់ៗដូច Mercedes ឡើយ។
ផ្ទៃក្នុង Shaman 8x8 មានអត្ថប្រយោជន៍ និងធំទូលាយ។ អ្នកបើកបរត្រូវអង្គុយចំកណ្ដាលដោយអាចសារ៉េកៅអីអង្គុយតាមចិត្ដចង់។ រថយន្តនេះ Shaman មានរូបរាងធំ តែវាផ្ដល់ទីតូចចង្អៀតដល់អ្នកបើកបរដទៃទៀតលើដងផ្លូវ។
នៅពីក្រោមរថយន្ដធំគ្រាក់នេះ ជាម៉ាស៊ីនម៉ាស៊ូតស៊ីប្រេងតិចបែបសន្សំសំចៃ។ វាប្រើប្រេងប្រមាណ ៤,៦០ លីត្រក្នុង ១ គីឡូម៉ែត្រ នៅពេលបើកបរលើដងផ្លូវងាយ។
ដំណឹងល្អគឺថា ធុងប្រេងអាចផ្ទុកបាន ២៧០ លីត្រឯណោះ។ ដូច្នេះ អ្នកបើកបរអាចធ្វើដំណើរលើចម្ងាយផ្លូវជាង ១២០០ គីឡូម៉ែត្រ។
រថយន្តកង់ ៨ ល្បីពុះជ្រែកឧបសគ្គ នេះមានតម្លៃចាប់ពី ២១២០០០ ដុល្លារចំពោះម៉ូដែលស្ដង់ដារ។ យ៉ាងណាមិញ រថយន្ដ Shaman កង់ ៨ នេះមានជម្រើសពណ៌តែពណ៌ស និងទឹកក្រូចប៉ុណ្ណោះ៕HR