The Phnom Penh Post Search

Search form

Logo of Phnom Penh Post newspaper Phnom Penh Post - BMW 2 Series Active Tourer រថយន្ដ​គ្រួសារស៊ី​ថាមពល​តិច​




BMW 2 Series Active Tourer រថយន្ដ​គ្រួសារស៊ី​ថាមពល​តិច​

Content image - Phnom Penh Post
រថយន្ដ BMW 2 Series Range ជា​ប្រភេទ​រថយន្ដ​​លក្ខណៈ​គ្រួសារ​។ ឈឹម ស្រីនាង

BMW 2 Series Active Tourer រថយន្ដ​គ្រួសារស៊ី​ថាមពល​តិច​

ភ្នំពេញ: រថយន្ដ​ BMW 2 Series Range គឺជា​រថយន្ដ​ជំនាន់ទី ២ បន្ទាប់ពី​រថយន្ដ​ប្រភេទ Coupe ទ្វារពី​រដែល​មាន​សមាមាត្រ​សមរម្យ​ឥតខ្ចោះ​ពី​គ្រប់​ជ្រុងជ្រោយ។

រថយន្ដ​នេះ​មាន​បណ្តោយ​ប្រវែង ៤៣៤២ មិល្លីម៉ែត្រ​ទទឹង​ប្រវែង ១៨០០ មិល្លីម៉ែទ្រនិង​កម្ពស់ ៥ មិល្លីម៉ែត្រ​​ដែលមាន​រូបរាង​ខាងក្រៅ​តូច​សម​សួន តួខ្លួន​ធំទូលាយ​អាចផ្ទុកសម្ភារ​បាន​ច្រើន​ ធ្វើ​ឲ្យ BMW 2 Series ActiveTourer ក្លាយ​ជា​ជម្រើសដ៏​ប្រសើរសម្រាប់​ការប្រើប្រាស់​លក្ខណៈ​គ្រួសារ​នៅក្នុង​ទីក្រុង។

រថយន្ដ​នេះ ត្រូវបានបំពាក់​ជាមួយម៉ាស៊ីន​ស៊ីឡាំងបី​ដែលមាន​ទម្ងន់​ស្រាល និង​សន្សំសំចៃ​ប្រេងដែល​នេះ​ជាផ្នែកមួយនៃ​ម៉ាស៊ីន​អភិវឌ្ឍ​ន៍​ជំនាន់​ចុងក្រោយ​បង្អស់។

រថយន្ដ​ថ្មី​ដែលមាន​ម៉ាស៊ីន​ស៊ីឡាំងបី​នេះ​មាន​ភាព​លេចធ្លោ​ដោយសារតែ​លក្ខណពិសេស និង​កម្លាំង​ដ៏​អស្ចារ្យ​របស់​វា​ជាមួយតម្រូវ​ការប្រេងជា​មធ្យម​ត្រឹម​តែ ៥,៥ លីត្រសម្រាប់ការ​ធ្វើដំណើរ​ចម្ងាយ​ផ្លូវ ១០០ គីឡូម៉ែត្រ (បានធ្វើ​តេស្ដ​រួចរាល់​តាម​ប្រព័ន្ធ ​EU) និង​ការបញ្ចេញ​ឧស្ម័ន​កាបូនិច ១២៧ ក្រាមក្នុង ១ គីឡូម៉ែត្រ។

រូបរាង​តូច​នៃ​ម៉ាស៊ីន​ជាមួយ​នឹងបច្ចេកវិទ្យា BMW Twin Power Turbo បង្កើត​ឲ្យ​មាន 136 កម្លាំង​សេះ​ដែល​ធ្វើឲ្យមាន​កម្លាំង​ស្ទុះ ធ្វើការ​បានល្អ​មិនរអាក់​រអួល​ពេល​បើកបរ។

នេះ​ជា​លើកដំបូងហើយ ដែល BMW ជ្រើសយក​សិល្បៈ​​នៃ​ការ​ជំរុញ​នៅ​កង់​មុខ​ដែល​បាន​បង្កើតឡើង​ដើម្បី​បំពេញ​តម្រូវការ​រវាង​ផាសុកភាព និង​ប្រតិបត្តិការ​នៃ​កំម្លាំង​រថយន្ត​ស្ព័រ។

ជា​លទ្ធផល​រថយន្ត​ថ្មី​ BMW 2 Series Active Tourer នេះ​មិនមែន​គ្រាន់តែ​មានកម្លាំង​ជំរុញ​នៅកង់ខាងមុខ​ប៉ុណ្ណោះ​ទេ​ ប៉ុន្តែ​វា​ផ្តល់នូវ​កម្រិត​នៃការ​បើកបរ​ដែលមាន​ផាសុកភាព​ផងដែរ។

សាក់​ស៊ី​ដែល​បង្កើត​ថ្មី​ធ្វើឲ្យ​រថយន្ត​មាន​ភាព​រហ័សរហួន​ និង​ស្គាល់​ទិសដៅ​ច្បាស់​លាស់។ ប្រព័ន្ធ​ដៃ​ច​ង្កូត​កាត់​បន្ថយភាព​កកិត តួរ​ថយន្ត​អាល្លឺម៉ង់​ដែល​ល្បី​ថា​ស្រាល និង​មាំ​នេះ​មាន​លំនឹង​ជាមួយ​នឹង​ការ​បើកបរ​ប្រកប​ដោយ​គុណភាព​​។

លោក Peter Brongers អគ្គនាយក​ក្រុមហ៊ុន BMW Cambodia បាន​ឲ្យ​ដឹង​ថា៖ «រថយន្ត​ថ្មី​ BMW 2 Series Active Tourer គឺជា​រថយន្ត​សម្រាប់​មនុស្ស​គ្រប់រូប​ដែល​មាន​​ជីវិត​រស់នៅ​បែប​សកម្ម ហើយ​ចង់បាន​ផ្ទៃ​រថយន្ត​​ខាង​ក្នុង​ទូលាយ​អាច​បត់បែន​បាន​គ្រប់ឥរិយាបថ​ និង​មាន​សមត្ថភាព​ផ្ទុក​ចំនួន​បាន​ច្រើន»។

ខណៈ​មិន​មានការ​បង្ហើប​ពី​តម្លៃ​រថយន្ត ​លោក​បន្ត​ថា៖ «សមត្ថភាពវា​ប្រតិបត្តិការ​លក្ខណៈ​ស្ប៉ត និង​ការប្រែប្រួល​ទាន់​ចិត្ត​របស់​រថយន្ត​ជា​ចំណុច​ដែល​ទាក់ទាញ​ចិត្ត​ក្រុមគ្រួសារ​វ័យក្មេង​ដែល​មាន​របៀប​រស់​នៅ​បែបទាន់​សម័យ»៕

អត្ថបទគួរចាប់អារម្មណ៍