The Phnom Penh Post Search

Search form

Logo of Phnom Penh Post newspaper Phnom Penh Post - Galaxy Tab S2 ទាំងពីរ​ទំហំ​មកដល់​កម្ពុជា​ហើយ




Galaxy Tab S2 ទាំងពីរ​ទំហំ​មកដល់​កម្ពុជា​ហើយ

Content image - Phnom Penh Post

Galaxy Tab S2 ទាំងពីរ​ទំហំ​មកដល់​កម្ពុជា​ហើយ

ភ្នំពេញ: ក្រុមហ៊ុន​សាំសុងអេឡិច ត្រូនិក​បាន​បង្ហាញ​ផលិតផល​ស៊េរីថ្មី​របស់ខ្លួន​បន្ថែមគឺ Galaxy Tab S2 ដែលមាន​អេក្រង់ប្រភេទ Super AMOLED និង​ត្រូវ​បាន​ក្រុមហ៊ុន​អះអាង​ថា វា​អាច​ធ្វើឲ្យការអាន និង​ការមើល​កម្មវិធីឌីជីថល​កាន់តែ​ប្រសើរ។

លោក ជេខេ ស៊ីន នាយកប្រតិបត្តិ និងជា​ប្រធាន ផ្នែក​បច្ចេកវិទ្យា​ព័ត៌មាន និង​ទូរស័ព្ទដៃ របស់ក្រុមហ៊ុន សាំសុង បានមាន​ប្រសាសន៍​ថា៖ «Galaxy Tab S2 មិនត្រឹមតែ​ជាថេប្ល៊ិត​ដែល មានរាងស្តើង ហើយស្រាលប៉ុណ្ណោះ ទេ វា​ថែមទាំង​ផ្ដល់នូវ​ដំណើរការ​ប្រើប្រាស់ដ៏ឆាប់​រហ័ស និងធ្វើ​ឲ្យលោក អ្នកមាន​ភាពងាយស្រួល​ក្នុងការ ទស្សនា ក៏ដូចជា​ប្រតិបត្តិការ​ទៅលើ មុខ​ងារផ្សេងៗ បានយ៉ាង​អស្ចារ្យ»។

អេក្រង់ប្រភេទ Super AMOLED ថ្មីល្អ​សម្រាប់​ការអាន និង​ទស្សនា ដោយសារ​តែវាមាន កម្រាស់ស្តើង ត្រឹមតែ ៥.៦ មិល្លីម៉ែត្រ និងទម្ងន់ ៣៩៨ ក្រាម (ទំហំ ៩,៧ អ៊ិញ) និង ២៦៥ ក្រាម​ (ទំហំ ៨,០ អ៊ិញ) ។

តារា​ចម្រៀង​ល្បី​កញ្ញា ឱក សុគន្ធ​កញ្ញា ដែល​ជា​តារា​តំណាង​ផលិតផល​សាំសុង បានបង្ហាញ​ចំណាប់​អារម្មណ៍​ថា៖ «​ខ្ញុំ​មាន​ក្តីរំភើប​រីករាយ​បំផុត ដោយបាន​ចូលរួម​ក្នុង​កម្មវិធី​សម្ពោធ​ផលិតផល Galaxy Tab S2 ដែលជា​ថេប្ល៊ិត​ទំនើប​ចុងក្រោយ ជាមួយនឹង​ភាព​ស្តើង និង​ទម្ងន់ស្រាល ដោយ​ភ្ជាប់​ជាមួយ​មុខងារ​កាន់តែ​សម្បូរបែប ពិសេស​បំផុត​សម្រាប់​ការអាន និង​ទស្សនា​»​។

Content image - Phnom Penh Post

ថេប្ល៊ិត​មួយនេះ ក៏បង្ហាញជម្រៅ រូបភាព​ភ្លឺ​ច្បាស់ និងភាពលម្អិត ដែល​ផ្ដល់តាមរយៈ​បទពិសោធ​នៃ​ការអាននៅលើ​អេក្រង់ Super AMOLED មានពណ៌​ដូច​ធម្មជាតិដល់ទៅ 94 ភាគរយ។

Galaxy Tab S2 ភ្ជាប់ មកជា​ស្រេច​នូវកម្មវិធី Microsoft Office Solutions ដើម្បី​បង្កើត និងកែសម្រួលឯកសារ នៅពេល​អ្នកកំពុង​ធ្វើដំណើរ​ជាមួយ​នឹង​សមត្ថភាព​ផ្ទុកឯកសារ​ដ៏គួរ​ឲ្យ​ទុកចិត្ត​នៅលើ​កម្មវិធី OneDrive រហូតដល់ 100GB ដោយឥតគិត​ថ្លៃ​សម្រាប់​រយៈពេល ២ ឆ្នាំ ហើយវាភ្ជាប់​មុខងារ​ដ៏ងាយស្រួល​សម្រាប់​ការស្កេន​ម្រាមដៃ។

ក្រៅពីអាច​បើក​កម្មវិធី​ច្រើន​ក្នុង​ពេលតែ​មួយ Galaxy Tab S2 ក៏​ផ្ដល់នូវរ​ចនាសម្ព័ន្ធ​នៃទីតាំងផ្ទុក​ឯកសារ​កាន់តែ​ប្រសើរដែលធ្វើ​ឲ្យ ឯកសារ​កាន់តែ​មានរបៀប​ជាង​មុន។

Galaxy Tab S2 មានពីរ​ប្រភេទ គឺប្រភេទទំហំ ៩,៧ អ៊ិញ និង 8.0 អ៊ិញមាន Wi-Fi និង LTE ឬ​ក៏មានតែ Wi-Fi ជាមួយ​អង្គ​ចងចាំ​ក្នុង​ម៉ាស៊ីន 32GB ឬ 64GB និងអាចបន្ថែម MicroSD Card រហូតដល់ 128GB បន្ថែម​ទៀត។

Galaxy Tab S2 មានលក់ នៅ លើទីផ្សារ​និង​តាម ហាង លក់ទូរស័ព្ទ នានាក្នុង​ប្រទេស​កម្ពុជា​ ដោយ Galaxy Tabទំហំ ៨,០ អ៊ិញ​មានតម្លៃ ៤៥០ ដុល្លារ និង ទំហំ ៩,៧ អ៊ិញ តម្លៃ​ប្រមាណ ៥៣០ ដុល្លារ៕

អត្ថបទគួរចាប់អារម្មណ៍