The Phnom Penh Post Search

Search form

Logo of Phnom Penh Post newspaper Phnom Penh Post - Huawei P8 បីស៊េរី​មកដល់​កម្ពុជាហើយ




Huawei P8 បីស៊េរី​មកដល់​កម្ពុជាហើយ

Content image - Phnom Penh Post
កញ្ញា មាស សុខសោភា និង​ Huawei P8 មាស។ ឈឹម ស្រីនាង

Huawei P8 បីស៊េរី​មកដល់​កម្ពុជាហើយ

ភ្នំពេញ: ក្រុមហ៊ុន Huawei បាន​បញ្ចេញ​នៅ​ទូរស័ព្ទ​ស៊េរី​ថ្មី​របស់ខ្លួន​គឺ Huawei P8 និង P8 Gold មាន​រាងស្តើង​ជាងមុន វា​ស័ក្តិសម​សម្រាប់​អ្នកសម្ភារ​និយម។

Huawei P8 ស្រោបដោយ​លោហៈធាតុ ជាមួយនិង​តំណ​ភ្ជាប់​គែម​ដ៏​ស្តើង​។ បើ​ធៀបនឹង​ទំហំ​អេក្រង់ កម្រាស់​របស់​វា​ត្រឹម​តែ ៦,៤ មិលី​ម៉ែត្រ។

ដំណើរការ​ដោយ​ស៊ីម​ពីរ ប្រភេទ 4G អេក្រង់​វិញមាន​ទំហំ​រហូតដល់ ៥,២ អ៊ិញកម្រិត ​Full HD ជាពិសេស​អាច​និយាយ និង​ស្តាប់ឮ​ច្បាស់​ក្នុង​ស្ថានភាព​ដែលមាន​សំឡេង​រំខាន ឬ​កន្លែង​អ៊ូអរ។

Huawei P8 អាច​និយាយ​បែប conference call ដោយ​បើក Loud Speaker បានឮ​ច្បាស់​ល្អ​ចម្ងាយ​ប្រមាណ ២ ម៉ែត្រ។ ឯ Huawei P8 មាសវិញ​គឺធន់​នឹង​ការ​កោសឆ្កូត។

កាមេរ៉ា​ពិសេស​មាន​ទំហំ​រហូតដល់ ១៣ មេហ្គាភិកសែល មាន​សមត្ថភាព​ចាប់យក​រូបភាព​បាន​លឿន​រហ័សច្បាស់​ និង​មាន​កាមេរ៉ា​ខាងមុខ ៨ មេ​ហ្គា​ភិកសែល។

Huawei P8 Lite មាន​កម្រាស់​ស្តើង​ត្រឹមតែ ៧,៧ មិល្លី​ម៉ែត្រ ទម្ងន់ ១៣១ ក្រាម អេក្រង់​កម្រិត HD ទំហំ ៥ អ៊ិញ កាមេរ៉ា​ថតរូប​ទំហំ ១៣ មេហ្គាភិកសែល អាច​ចាប់យក រូបភាព​បានយ៉ាង​លឿន​រហ័ស​ហើយ​ច្បាស់​គ្រប់​ស្ថានភាព​និង Huawei P8 Max គឺមាន​អេក្រង់ ទំហំ ៨ អ៊ិញ ថ្ម​ទំហំ ៤៣៦០mAh កាន់​បានយូរ។

លោក ជេ សុន នាយក​ផ្នែក​លក់ ស្មា​តហ្វូន Huawei ប្រចាំ​ប្រទេស​កម្ពុជា​បាន​ឲ្យ​ដឹង៖ «សម្រាប់​ការ​ជាវ P8 ពណ៌មាស​មួយគ្រឿង នឹង​ទទួល​បាន​ស្រោមទូរស័ព្ទ Original ឧបករណ៍​បំពង​សំឡេង​ឥតខ្សែ​ស៊េរីថ្មី និង Free ស៊ីម Smart លេខល្អ ទឹកប្រាក់ ៥ ដុល្លារ ក្នុង​ប្រព័ន្ធ​ម្ដង និង ១០ ដុល្លារ​ ក្រៅ​ប្រព័្ធ ព្រមទាំងអ៊ីន​ធឺណិត 4GB ជា​រៀងរាល់ខែ​ចំនួន ១២ ខែ។ ចំណែក P8 Lite ពណ៌​មាស​អតិថិជន​ទទួលបាន​ប្រូម៉ូសិន​ដូចគ្នា​គ្រាន់តែ​ដក​ឧបករណ៍​បំពងសំឡេង​ឥត​ខ្សែ​ចេញ»។

ស្មាតហ្វូន និង​ថេប៊ិ្លត​ពណ៌​មាស​ទាំងបី​ស៊េរី​នេះ​គឺ P8 ​មាស​តម្លៃ ៥២៩ ដុល្លារ P8 Lite ពណ៌មាស ២៣៩ ដុល្លារ និង P8 Max ពណ៌​មាសនឹង​ចេញលក់​ចុងខែ​នេះ៕

អត្ថបទគួរចាប់អារម្មណ៍