The Phnom Penh Post Search

Search form

Logo of Phnom Penh Post newspaper Phnom Penh Post - Mercedes-AMG ស្ព័រកូន​កាត់​តម្លៃពី ១៥ ម៉ឺន​ដុល្លារ




Mercedes-AMG ស្ព័រកូន​កាត់​តម្លៃពី ១៥ ម៉ឺន​ដុល្លារ

Content image - Phnom Penh Post
Mercedes ស្ព័រកូនកាត់ CLA 45 AMG 4MATIC តម្លៃ ១៥ ម៉ឺន​ដុល្លារ​។ ហុង មិនា

Mercedes-AMG ស្ព័រកូន​កាត់​តម្លៃពី ១៥ ម៉ឺន​ដុល្លារ

ភ្នំពេញ: ក្រុមហ៊ុនស្តារ​អូតូ (ខេ​មបូឌា) លីមីត​ធី​ត​បានបង្ហាញ​រថយន្ដ​​ស្ព័រ​កូនកាត់​ស៊េរីថ្មី​ Mercedes-AMG GLA 45 AMG 4MATIC និង ​CLA 45 AMG 4MATIC ​មកកាន់​ទីផ្សារកម្ពុជា ​ជាមួយ​លក្ខ​ណៈទំនើប​ទាន់សម័យ សំឡេង​​របស់​វាគឺលាន់​ឮ​ដូចជា​រថយន្ដ​ប្រណាំង និង​មាន​កម្លាំង​ម៉ាស៊ីន​ខ្លាំង​ឈ្មោះថា​អេអឹម​ជី ជាពិសេស​ជាងនេះ​ទៅទៀត​គឺ​វា​ស៊ី​សាំង​តិចតែម្ដង។

លោក ​ឃុន ចាន់ថា នាយក​គ្រប់គ្រង​​ផ្នែក​លក់ទីផ្សាររបស់​ក្រុមហ៊ុន ស្តារ​អូ​តូ (ខេ​ម​បូ​ឌា) បានពន្យល់​បង្ហាញ​ពី​លក្ខណពិសេស​មួយចំនួន​របស់រថយន្ដ​ Mercedes-AMG ទាំងពីរ​ម៉ូ​ដែល។​​រថយន្ដ CLA 45 AMG 4MATIC មាន​ចង្កៀង​មុខប្រភេទ​ជា​អំពូល Xenon កង់​ប្រភេទ​កាំភ្លោះ​ប្រាំ​កាំ ជើង​ទម្រ​លើ​ដំបូល​ផលិត​ពី​អាលុយមីញ៉ូម និង​បំពាក់​ដោយ​ប្រព័ន្ធ​បំពង់​ផ្សែង​ឌុប​។

ផ្នែក​ខាងក្នុង CLA 45 AMG 4MATIC បំពាក់​ដោយ​កៅអី Sport រំលេច​ដោយ ឆ្នូត​ពណ៌​ក្រហម​យ៉ាង​ស្រស់ស្អាត ចង្កូតស្ព័រមានមុខងារ​ច្រើនយ៉ាង​ភ្ជាប់​ដោយ​ចង្កឹះ​លេខនៅ​ខាងក្រោម​ចង្កូត​ផ្ទាល់​តែម្ដង។

ម៉ាស៊ីន​ប្រភេទ ៤ ស៊ីឡាំង មាឌ ២ លីត្រ Turbocharged ផ្ដល់កម្លាំង ២៦៥ គីឡូវ៉ាត់ សេះ ៣៦០ ហើយ​ក្នុង ១០០ គីឡូម៉ែត​ ស៊ីសំាងពី​ចន្លោះ ៦,៨ លីត្រទៅ ៧,៤ លីត្រ​។ ប្រអប់​លេខ​​ស្វ័យ​ប្រវត្តិ​មាន ៧​ លេខ​ ដែល​ផ្តល់នូវជម្រើស បើកបរ​ជា​លក្ខណៈ​ប្រណាំង​ក៏បាន។

Content image - Phnom Penh Post
Mercedes ស្ព័រកូនកាត់ GLA 45 AMG 4MATIC ​តម្លៃ ១៦ ម៉ឺន​ដុល្លារ​។ ហុង មិនា

CLA 45 AMG 4MATIC ក៏​បំពាក់​ដោយ​ប្រ​ព័​ន្ធបើកបរដោយ​ទំនាញ​កង់​ទាំង​បួន​ ដែល​ធ្វើការបែងចែក​កម្លាំង​ទាញ​​យ៉ាង​ល្អ​រវាងផ្លូវ​មុខ និង​កង់ទាំង​បួន​ទៅតាម​ស្ថានភាពផ្លូវ​។ ​ ចង្កូត​មាន​លក្ខណៈបត់បែន​ទៅតាម​ល្បឿន និង​ប្រព័ន្ធ​ ហ្រ្វាំង​ដ៏មាន​សុវត្ថិភាព​ដែល​ធ្វើឲ្យ​​អ្នក​បើក​បរ​រថយន្ត CLA 45 AMG នេះ​មាន​ភាព​រីករាយ​និង​មាន​ទំនុកចិត្ត​ក្នុងការបើក​បរវា។

បើ​យើង​ក្រឡេក​មក​មើល រថយន្ត Mercedes-Benz GLA ក៏​ដូចនឹង CLA 45 AMG 4MATIC ដោយ​វា​មាន​បន្ទះ​សំណាញ់​ខាងមុខ​ធុងទឹករថយន្ត​ពីរ​ផ្ទាំង​ដូចគ្នា ជើង​ទម្រ​ខាងលើ​ដំបូលរបស់​វា ក៏​ដូចជា​បំពង់​ចំហេះ​ឌុប​ដូចគ្នា​ផងដែរ។

វាមាន​ម៉ាស៊ីន ៤ កម្លាំង ៣៦០ ស៊ីសំាង​ក្នុង ១០០ គីឡូម៉ែត ពី ៧,0 លីត្រ​ ទៅ ៧,៥ លីត្រ មាន​កង់ប្រភេទ​កាំភ្លោះ​ប្រាំ​កាំ ទំហំ ១៩ អ៊ិញ និង​បូម​ដែលមាន​​លក្ខណៈ​ទាប​បន្តិច​ស័ក្តិសម​បំផុត​សម្រាប់​ឲ្យការបើកបរ​កាន់តែ​មាន​ប្រសិទ្ធភាព និង​សុវត្ថិភាព។

AMG ប្រើប្រាស់​គោលការណ៍ One Man, One Engine មាន​ន័យ​ថា​រាល់​ម៉ាស៊ីន AMG មិនមែនដំឡើង​ដោយ​ចង្វាក់​ផលិតកម្ម​ស្វ័យ​ប្រ​វត្តិ​ទូទៅនោះទេ គឺ​ម៉ាស៊ីននីមួយៗ ត្រូវ បាន​​ដំឡើង និង​កែច្នៃ​ដោយ​អ្នក ជំនាញ​​ផ្នែក​ម៉ាស៊ីន AMG ដែលមាន​បទពិសោធ​​ម្នាក់ ហើយ​មាន​ហត្ថលេខា​របស់​អ្នកជំនាញ​រូបនោះ​នៅ​ពីលើ​ម៉ាស៊ីន AMG នីមួយៗ។

លោក ឃុន ចាន់ថា នាយក​គ្រប់គ្រង​ផ្នែក​លក់​ទីផ្សារ​របស់​ក្រុមហ៊ុន ស្តារ​អូ​តូ (ខេមបូ​ឌា) បាន​បង្ហើបថា៖ «សម្រាប់​ Mercedes GLA 45 AMG 4MATIC ស៊េរី ២០១៥ នេះមាន​តម្លៃ ១៦ ម៉ឺន​ដុល្លារ​ និង Mercedes CLA 45 AMG 4MATIC ស៊េរី ២០១៥ តម្លៃ ១៥ ម៉ឺន​ដុល្លារ៕​

អត្ថបទគួរចាប់អារម្មណ៍