.jpg)
River Bank តម្លៃ ៩៩ ដល់ ១៩៩ ដុល្លារ អាចសាកថ្មម្ដងបាន ៦ ឧបករណ៍។
ក្រុងសាន ហ្រ្វានស៊ីស្កូ: ពេលបច្ចេកវិទ្យាកំពុងបោះជំហានទៅមុខ ឧបករណ៍របស់យើង កាន់តែច្រើនឡើងៗ ត្រូវការសាកថាមពល ដូចជា ទូរស័ព្ទ ថេប្ល៊ិត កាសទូរស័ព្ទ នាឡិកា កុំព្យូទ័រយួរដៃ បរិក្ខារកុំព្យូទ័រ និងបាសបំពងសំឡេងជាដើម។
ប្រាកដណាស់ អ្នកអាចសាកថ្មឧបករណ៍មួយ ឬ ២ ក្នុងពេលតែមួយ តែមែនទែនទៅ គ្មាននរណាចង់រង់ចាំដល់ពេញនោះទេ។ វាកាន់តែងាយស្រួល បើយើងអាចសាកថាមពលឧបករណ៍ទាំងអស់ក្នុងពេលតែមួយបាន។
River Bank ជាបន្ទុកថាមពលចល័ត អាចសម្រេចក្ដីសុបិនចំពោះបំណងសាកថាមពលឧបករណ៍ទាំងអស់ក្នុងពេលតែមួយ។ វាអាចសាកឧបករណ៍បាន ៦ ក្នុងពេលតែមួយ សូម្បីតែកុំព្យូទ័រយួរដៃ។
River Bank មាន ៣ ដុំ។ លោកអ្នកអាចតម្រៀបដុំនីមួយៗគរលើគ្នាតាមសេចក្ដីត្រូវការ ដោយវាបញ្ជូនថាមពលឲ្យគ្នាទៅវិញទៅមកពេលដាក់ត្រួតលើគ្នា និងអាចសាកថាមពលឲ្យគ្នាពេលដុំណាមួយមានថាមពលខ្សោយ។ ពេលផ្ដោតលើសមត្ថភាពសាកថ្ម ថតធំតែមួយមានកម្លាំង ៩៤ វ៉ាត់ម៉ោង និង ២៥៦០០ អំពែរ។
ឧបករណ៍សាកថាមពលចល័ត (Power Bank) លក់ដាច់បំផុតលើវេបសាយ Amazon គឺ ម៉ូដែល Anker Powercore 10000 មានកម្លាំងតែ ៣៦ វ៉ាត់ម៉ោង និង ១០០០០ អំពែរ។
ទាំង ៣ ដុំចូលគ្នា អាចសាកថ្មកុំព្យូទ័រយួរដៃពី ១ ទៅ ៤ គ្រឿង ថេប្ល៊ិតពី ៣ ទៅ ៦ គ្រឿង ទូរស័ព្ទពី ៩ ទៅ ៣០ គ្រឿង និងកាមេរ៉ា DSLR ពី ១០ ទៅ ២៥ គ្រឿង។ River Bank ប្រភេទដុំធំ មានតម្លៃ ១៩៩ ដុល្លារ៕HR
