ភ្នំពេញ : ក្រុមហ៊ុន Samsung បានបង្ហាញនូវទូរស័ព្ទត្រកូល Galaxy Grand ថ្មីមួយទៀតដែលមានអេក្រង់ធំរហូតដល់ទៅ៥,២០អ៊ិញនិង ផ្ដល់ភាពងាយស្រួលក្នុងការអាន និងប្រើប្រាស់អក្សរខ្មែរបានយ៉ាងងាយស្រួល។ ទូរស័ព្ទស៊េរីថ្មីមួយនេះផ្ដើមមានវត្តមានតាមបណ្តាហាងលក់ទូរស័ព្ទនានានៅប្រទេសកម្ពុជា។
លោក ហ្គីហាន់ លី នាយកសាខាក្រុមហ៊ុនថៃសាំស៊ុងអេឡិចត្រូនិកប្រចំាឥណ្ឌូចិន កម្ពុជា ឡាវ បានឲ្យដឹងថា៖ «Galaxy Grand2 គឺជាទូរស័ព្ទស្មាតហ្វូនជំនាន់ថ្មីរបស់សាំស៊ុងដែលបញ្ចូលគ្នា នូវប្រព័ន្ធដំណើរការខ្ពស់ អាចប្រើប្រាស់គ្រប់ទីកន្លែងមិនថាការកត់ត្រាការកម្សាន្ត ឬទំនាក់ទំនងមិត្តភក្តិ និងក្រុមគ្រួសារ»។
លោក ជា សុជាតិ ប្រធានផ្នែកទីផ្សាររបស់ក្រុមហ៊ុនបានប្រាប់ពីចំណុចសំខាន់ៗ៣របស់ ទូរស័ព្ទ Galaxy Grand2 ថា ទី១ ទំហំរបស់វាធំងាយស្រួលក្នុងការប្រើប្រាស់ ទី២ទូរស័ព្ទនេះគឺប្រើស៊ីម២ងាយស្រួលក្នុងការទាក់ទងការងារ និងទី៣ វាអាចប្រើភាសាខ្មែរបានយ៉ាងល្អ ជាពិសេសវាមានការរចនាម៉ូដយ៉ាងស្រស់ស្អាតដោយមានការដេរស្បែក នៅខាងក្រោយផងដែរ និងអេក្រង់ធំសម្រាប់មើលវីដេអូ និងលេងហ្គេម។ វាដំណើរការក្នុងល្បឿនលឿនជាងមុនជាមួយប្រព័ន្ធដំណើរការ CoreProcessor1.2GHz។ ទំហំកាមេរ៉ា៨មេហ្គាភិកសែល ថ្ម២៦០០mAhអាចប្រើប្រាស់បានយូរ។
ទូរស័ព្ទស្មាតហ្វូននេះមានលក់នៅហាងទូរស័ព្ច នានា តែចំពោះហាងទូរស័ព្ទសាំសុងអប្សរាវិញចាប់ពីថ្ងៃនេះរហូតដល់ ថ្ងៃ៣០ ខែមករា ការ Galaxy Grand2 មួយ និងថែមជូនទូរស័ព្ទ Key stone ថ្មីសន្លាងមួយគ្រឿង។ ទូរស័ព្ទ Galaxy Grand2 នេះគឺមានតម្លៃប្រមាណជា៣៩៩ ដុល្លារអាមេរិក៕
