The Phnom Penh Post Search

Search form

Logo of Phnom Penh Post newspaper Phnom Penh Post - Sony សម្ពោធ​ទូរទស្សន៍​ស៊េរី​ថ្មី​បំផុត​នៅ​កម្ពុជា

Sony សម្ពោធ​ទូរទស្សន៍​ស៊េរី​ថ្មី​បំផុត​នៅ​កម្ពុជា

Sony សម្ពោធ​ទូរទស្សន៍​ស៊េរី​ថ្មី​បំផុត​នៅ​កម្ពុជា

130829_22a
ទូរទស្សន៍ Sony 4kLEDTVs ស៊េរី X ត្រូវបានសម្ពោធលក់នៅភ្នំពេញកាលពីសប្ដាហ៍កន្លងទៅនេះ ឈឹម ស្រីនាង

ភ្នំពេញ : ក្រុមហ៊ុន​អេឡិចត្រូនិក​Sony​ប្រចាំ​ប្រទេស​កម្ពុជា​បាន​ដាក់​បង្ហាញ​នូវ​ទូរទស្សន៍​ស៊េរី​ថ្មី​របស់​ខ្លួន​គឺ​ទូរទស្សន៍ 4k​LED​TVs​ស៊េរី X ដែល​មាន​ទំហំ​៦៥​អ៊ិញ​និង​៥៥​អ៊ិញ ដែល​ផលិតផល​ទាំង​ពីរ​នេះ​ត្រូវ​បាន​សម្ពោធ​លក់​កាលពី​សប្តាហ៍​មុន​នេះ។

លោក យ៉ាស៊ូហ៊ីរ៉ូ ស៊ូដា (Yasuhiro​Tsuda​) ជា​ជំនួយការ​អ្នក​ចាត់ការ​ទូទៅ​នៃ​ផ្នែក​គេហកម្សាន្ត និង​សំឡេង ប្រចាំ​ក្រុមហ៊ុន​Sony​អាស៊ីអាគ្នេយ៍​បាន​មាន​ប្រសាសន៍​ថា​ជាមួយ​នឹង​ទំហំ​ពីរ​ថ្មី​នេះ​ទូរទស្សន៍ 4k​LED​TVs​នឹង​ផ្ដល់​បទពិសោធ​កាន់តែ​ច្រើន​ដល់​អតិថិជន​ហើយ​ស័ក្ដិសម​គ្រប់​បរិយាកាស​ក្នុង​គេហដ្ឋាន​អ្នក​ប្រើប្រាស់ ជាមួយ​នឹង​តម្លៃ​មួយ​ប្រហាក់ប្រហែល​និង​ទូរទស្សន៍​HD​លំដាប់​ខ្ពស់​ដែរ។

ទូរទស្សន៍​4k​LED​TVs​ស៊េរី X​ត្រូវ​បាន​បំពាក់​ដោយ​បច្ចេកវិទ្យា​ទំនើប​ៗ​ជាច្រើន​ដើម្បី​ផ្តល់​នូវ​រូប​ភាព​ដ៏​អស្ចារ្យ ដូចជា​4k​X-Reality​PRO tm​picture engine គឺ​មិន​ត្រឹម​តែ​កាត់បន្ថយ​ស្នាម​គ្រើម​លើ​រូបភាព​និង​កែ​ទ្រង់ទ្រាយ​រូបភាព​ប៉ុណ្ណោះ​ទេ​វា​ថែម​ទាំង​ដំឡើង​គុណភាព​រូបភាព​ឲ្យ​កើន​ទ្វេដង​។​ប្រព័ន្ធ​Triluminos​Display​LED​backlighting​ត្រូវ​បាន​បំពាក់​ទៅ​ក្នុង​ទូរទស្សន៍​៤k​LED​TVs​ដើម្បី​បង្ហាញ​នូវ​ពណ៌​ច្បាស់​ដូច​ពិត​ៗ​ជាមួយ​កម្រិត​ពណ៌​ភ្លឺ​ហើយ​ដិត​ច្បាស់​ដូច​ធម្មជាតិ​ផង​ដែរ។

លើស​ពី​នេះ​ទៅ​ទៀត​Sony​ក៏​មាន​នូវ​Blue-ray​Disc​players​ធ្វើឲ្យ​អ្នក​ប្រើប្រាស់​អាច​រីករាយ​ទស្សនា​រូបភាព​ចាក់​ចេញ​ពី​ឌីស​Blue-ray​ជាមួយ​នឹង​ពណ៌​ដ៏​ស្រស់ស្អាត។

ទូរទស្សន៍​ស៊េរី X​នេះ​ក៏​ផ្តល់​នូវ​បទពិសោធ​សំឡេង​កាន់​តែ​ប្រសើរ​ជាង​មុន​ដោយ​បន្ថែម​នូវ​បច្ចេកវិទ្យា​សំឡេង​ឌីជីថល​ថ្មី​បំផុត​របស់​Sony​ដើម្បី​ផ្តល់​ឲ្យ​អ្នក​ទស្សនា​នូវ​សំឡេង​ពីរោះ​រណ្តំ​មាន​រំញ័រ​តិច​និង​ឮ​បាស​ខ្លាំង។

ទូរទស្សន៍​4k​LED​TVs​ស៊េរី X នេះ​ក៏​មាន​បំពាក់​នូវ​ឧបករណ៍​បំពង​សំឡេង​(Speaker) ខាង​មុខ​ធ្វើ​ឲ្យ​ការ​រចនា​ម៉ូដ​ថ្មី​របស់​Sony​មាន​ភាព​ស៊ី​គ្នា​នៅ​ផ្នែក​ខាង​ក្រៅ​ផង​ដែរ។

សម្រាប់​អ្នក​ដែល​និយម​ការ​ផ្សារ​ភ្ជាប់​ខ្លួន​ទៅ​នឹង​ការ​ផ្សព្វផ្សាយ​ជា​សកល​នោះ គ្រប់​ទូរទស្សន៍​ស៊េរី X​ទាំងអស់​សុទ្ធតែ​មាន​បំពាក់​ឧបករណ៍​សម្រាប់​ប្រព័ន្ធ​អ៊ីនធឺណិត​ឥត​ខ្សែ Wifi​និង​ប្រព័ន្ធ​តភ្ជាប់​ដ៏​ឆ្លាតវៃ​របស់​Sony​ដែល​អនុញ្ញាត​ឲ្យ​លោក​អ្នក​ធ្វើការ​តភ្ជាប់​រវាង​ទូរស័ព្ទ​និង​ទូរទស្សន៍​ជាដើម។

លើសពី​នេះ​ទៅ​ទៀត​វា​មាន​មុខងារ​តភ្ជាប់​ដូចជា​One-touch mirroring​និង​TV side View ផ្តល់​ជូន​អ្នក​ប្រើប្រាស់​នូវ​ការ​គ្រប់គ្រង​និង​ជ្រើសរើស​មាតិកា​ដើម្បី​ទស្សនា​កាន់តែ​សម្បូរ​បែប​ជាង​មុន។ ជាង​នេះ​ទៅ​ទៀត​លោក​អ្នក​អាច​តភ្ជាប់ និង​បញ្ជូន​ទិន្នន័យ​ពី​ទូរស័ព្ទ​ជាមួយ​នឹង​ទូរទស្សន៍​ស៊េរី​ថ្មី​នេះ​សម្រាប់​ទស្សនា​ផង​ដែរ។

យោងតាម​ប្រភព​ពី​ក្រុមហ៊ុន​សម្រាប់ 4k LED TVs​ស៊េរី​X​ដែល​មាន​ទំហំ​៦៥​អ៊ិញ​គឺ​មាន​តម្លៃ​៧៤៩៩​ដុល្លារ និង​៥៥​អ៊ិញ​មាន​តម្លៃ​៤៩៩៩​ដុល្លារ៕

អត្ថបទគួរចាប់អារម្មណ៍