ក្រុងរ៉ូម: ម៉ូតូអគ្គិសនីដំបូងបំផុតរបស់ Vespa នឹងដាក់លក់លើទីផ្សារក្នុងតំបន់អឺរ៉ុបនាខែតុលា និងនៅអាមេរិកចាប់ពីដើមឆ្នាំ ២០១៩ ខាងមុននេះ។ ម៉ូតូបំពាក់ថាមពលអាគុយស្ងាត់ ជាម៉ូដែលអគ្គិសនីសុទ្ធលើស៊េរី Vespa ដ៏ពេញនិយម ដែលចេញលក់ដំបូងបំផុតក្នុងឆ្នាំ ១៩៤៦។
ម៉ូតូដែលរចនាជាប្រភេទអគ្គិសនីសុទ្ធឡើងវិញ ដែលស្គាល់ជា Vespa Elettrica មានសមត្ថភាពបើកបរលើចម្ងាយផ្លូវ ១០០ គីឡូម៉ែត្រ និងការសាកថាមពលអាគុយប្រមាណ ៤ ម៉ោង។
ក្រុមហ៊ុន Piaggio Group នៅតែមិនបង្ហើបប្រាប់អំពីតម្លៃរបស់ម៉ូតូម៉ូដែលចាស់ស៊េរីថ្មីនេះឡើយ រួមទាំងល្បឿនរបស់វាថែមទៀត។ ក្រុមហ៊ុនធ្លាប់ត្រូវបានព្រលយថា Vespa Elettrica នឹងមានល្បឿនត្រឹម ៣០ គីឡូម៉ែត្រក្នុង ១ ម៉ោង ពេលជ្រើសរើសយកប្រភេទបើកបរស្ទួយបរិស្ថាន។
ក្រុមហ៊ុននានា បានឲ្យដឹងថា ម៉ូតូអូតូ នឹងបំពាក់ប្រព័ន្ធវៃឆ្លាត ដែលអាចឲ្យអ្នកបើកបរប្រើផែនទីពិតប្រាកដ និងទិន្នន័យចរាចរណ៍ ព្រមទាំងសមត្ថភាពដឹង បើមានអ្នកថ្មើរជើងត្រៀមឆ្លងកាត់ផ្លូវ។
អ្នកជិះក៏នឹងអាចភ្ជាប់ជាមួយទូរស័ព្ទដៃដើម្បីជិះកាន់តែងាយដោយប្រើប្រព័ន្ធប្ល៊ូធូសថែមទៀត។ ចំពោះតម្លៃ គេជឿថា Electtrica មានតម្លៃប្រហាក់ប្រហែលម៉ូដែល Vespa ចុងក្រោយ ទោះបីជាក្រុមហ៊ុនមេ Piaggio Group មិនប្រកាសជាផ្លូវការក៏ដោយ។
អាគុយរបស់ Vespa Elettrica អាចសាកថាមពលបានរាប់ពាន់ដង ដែលស្មើនឹងអាយុកាល ១០ ឆ្នាំ មុនវាបាត់បង់អានុភាព ២០ ភាគរយ។ នេះបើយោងតាមវេបសាយ Engadget៕HR