.jpg)
នាយកគ្រប់គ្រង និងជានាយកសាលា SCIA លោក Anselm Chu ចូលរួមជាមួយឪពុកម្តាយ។ SCIA
ជំនាញស្នូលដ៏សំខាន់បំផុតដែលពិភពលោកត្រូវការរួមមានជំនាញក្នុងការដោះស្រាយបញ្ហា ជំនាញក្នុងការត្រិះរិះយ៉ាងស៊ីជម្រៅ និងមានការច្នៃប្រឌិត និងជំនាញអន្តរបុគ្គល។
ដូចដែលបានលើកឡើងខាងលើសបញ្ជាក់ ឲ្យឃើញថា ជំនាញអរូបីគឺមានតម្លៃជាងជំនាញបច្ចេកទេសយ៉ាងខ្លាំង។ នៅពេលដែលកូនៗរបស់អ្នកបញ្ចប់ការសិក្សា តើពួកគេនឹងទទួលបានជំនាញទាំងនេះយ៉ាងពេញលេញឬទេ?
តើការអប់រំដែលពួកគេទទួលបាននៅថ្ងៃនេះនឹងនាំទៅកន្លែងដែលពួកគេត្រូវការនៅថ្ងៃអនាគតដែរឬទេ? ជាការពិតពិភពលោកកំពុង វិវឌ្ឍឥតឈប់ឈរ ដូច្នេះហើយគោលដៅនៃការអប់រំគួរតែមានការវិវឌ្ឍដូចគ្នាដែរ។
អប់រំមនុស្សជំនាន់ថ្មីឲ្យត្រៀមខ្លួនជាស្រេចសម្រាប់ថ្ងៃអនាគត
ការអប់រំត្រូវតែមានលក្ខណៈជាក់ស្តែង និងទាក់ទងទៅនឹងពិភពលោកពិតប្រាកដ។ តាមរយៈការរៀនពិសោធសិស្សអាចសិក្សាយ៉ាងច្បាស់អំពីស្ថានភាពជាក់ស្តែងព្រមទាំងមានឱកាសក្នុងការអនុវត្ត និងអភិវឌ្ឍន៍ជំនាញទន់របស់ពួកគេដោយខ្លួនឯង និងដោយការសហការជាមួយអ្នកដទៃ។
ការអប់រំមានតួនាទីសំខាន់សម្រាប់សិស្សក្នុងការត្រៀមខ្លួនឲ្យបានល្អនាពេលអនាគត។ នៅពេលដែលសិស្សចេញប្រឡូក ក្នុងពិភពខាងក្រៅបន្ទាប់ពីបញ្ចប់ការសិក្សាពួកគេនឹងមានសមត្ថភាពយ៉ាងពេញលេញក្នុងការដោះស្រាយបញ្ហាដោយខ្លួនឯងប្រសិន បើពួកគេត្រូវបានបណ្តុះបណ្តាលជាស្រេចនូវជំនាញដែលត្រូវការតាំងពីក្មេង។
បច្ចុប្បន្ននេះការប្រើប្រាស់បច្ចេកវិទ្យាទំនើបស្ទើរតែត្រូវបានប្រើជំនួសបុគ្គលិក ការងារទៅហើយ។ យោងតាមវេទិកាសេដ្ឋកិច្ចពិភពលោក (WEF) បានបង្ហាញថា 65% នៃកុមារដែលបានចូលរៀននៅបឋមសិក្សាទំនងជាប្រកបការងារដែលមិនមានទីផ្សារក្នុងពេលសព្វថ្ងៃនេះទេ។ សាលា SCIA ខិតខំបណ្តុះបណ្តាលសិស្សនូវទម្លាប់ និងអាកប្បកិរិយាឆ្ពោះទៅរកការរៀនសូត្រពេញមួយជីវិត និងការអភិវឌ្ឍជានិរន្តរ៍។
ការរៀបចំសម្រាប់ពិភពលោកពិតចាប់ផ្តើមនៅក្នុងសាលារៀន
ការបញ្ចប់ថ្នាក់សិក្សាគ្រាន់តែជាការ ទទួលបានចំណេះដឹង និងបំពេញគំនិតរបស់មនុស្សជាមួយនឹងការពិត។ ការទទួលចំណេះដឹងថ្មីៗពិតជាមានសារៈសំខាន់ ប៉ុន្តែទន្ទឹមនឹងនេះដែរ អ្វីដែលកាន់តែសំខាន់សម្រាប់ការអប់រំគឺការផ្តោតលើការអភិវឌ្ឍរបស់សិស្សនៅគ្រប់ទិដ្ឋភាពទាំងអស់ដែលរួមមានដូចជាការយល់ដឹងពីសោភណភាព សីលធម៌ រូបវន្ត និងសង្គម។
រួមជាមួយមុខវិជ្ជាជាច្រើនដូចជា STEM (វិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា) ការអប់រំអំពីចរិតលក្ខណៈព្រមទាំងការ អភិវឌ្ឍភាពជាអ្នកដឹកនាំ និងភាពជាសហគ្រិនផងដែរ។ សាលារៀនអាចជួយជំរុញសិស្សឱ្យក្លាយជាអ្នកគិតគូរ អ្នកច្នៃប្រឌិត និងអ្នកបង្កើតនូវអនាគតរបស់ពួកគេ។
បទពិសោធក្នុងការអប់រំសម្រាប់ពិភពលោកជាក់ស្តែង
SCIA នឹងរៀបចំវេទិកាសហគមន៍មួយដែលមានការចូលរួមពីអ្នកជំនាញមកពីប្រទេស សិង្ហបុរី ជប៉ុន និងបារាំង ដើម្បីបង្ហាញអំពីបទពិសោធនៃការសិក្សាសម្រាប់សិស្សានុសិស្ស និងសាធារណជន។ ដោយមានគោលជំហរក្នុងការបណ្តុះបណ្តាល អ្នកសិក្សាជំនាន់ក្រោយឲ្យបានត្រៀមខ្លួនរួចជាស្រេចសម្រាប់អនាគត និងក្លាយជាអ្នករៀនពេញមួយជីវិត។
សិស្សសាលា SCIA ក៏នឹងបង្ហាញអ្នកចូលរួមអំពីបទពិសោធនៃការសិក្សា និងជំនាញរបស់ពួកគេផងដែរនៅក្នុងព្រឹត្តិការណ៍នេះ។សូមអញ្ជើញចូលរួមក្នុងវេទិកាសហគមន៍ “SCIA Learning Village” នៅថ្ងៃទី ៣ ខែ វិច្ឆិកា ឆ្នាំ ២០១៨ នៅសាលា SCIA។
សម្រាប់ព័ត៌មានលម្អិតលោកអ្នកអាចរកមើលបាននៅ bit.ly/scialearningvillage
