The Phnom Penh Post Search

Search form




Logo of Phnom Penh Post newspaper Phnom Penh Post - ក្រុមហ៊ុន​ធានារ៉ាប់រង​អាយុជីវិត Grand China Life Insurance កំណត់​​គោលដៅ​ក្លាយ​ជា​ក្រុមហ៊ុន​ឈានមុខ

ក្រុមហ៊ុន​ធានារ៉ាប់រង​អាយុជីវិត Grand China Life Insurance កំណត់​​គោលដៅ​ក្លាយ​ជា​ក្រុមហ៊ុន​ឈានមុខ

Content image - Phnom Penh Post
សូម​ចុច like លើ​ទំព័រ​ហ្វេសប៊ុក​ក្រុមហ៊ុន Grand China Life Insurance របស់​យើងខ្ញុំ​ដើម្បី​ឈ្នះ​រង្វាន់!

ក្រុមហ៊ុន​ធានារ៉ាប់រង​អាយុជីវិត Grand China Life Insurance កំណត់​​គោលដៅ​ក្លាយ​ជា​ក្រុមហ៊ុន​ឈានមុខ

លោក Yu Li Qun នាយក​ប្រតិបត្តិ​ក្រុមហ៊ុន​ធានារ៉ាប់រង​អាយុជីវិត Grand China Life Insurance Plc មាន​ប្រសាសន៍​ថា ភាព​ស្មោះត្រង់​គឺជា​តម្រូវការ​សំខាន់​បំផុត​ក្នុង​វិស័យ​ធានារ៉ាប់រង​ជាពិសេស​គឺ​ផ្នែក​ធានារ៉ាប់រង​អាយុជីវិត​។

«​ភ្នាក់ងារ​ធានារ៉ាប់រង​ត្រូវតែ​មាន​ភាពស្មោះត្រង់​ចំពោះ​អតិថិជន និង​ត្រៀមខ្លួន​ផ្តល់​ការគាំទ្រ​ដល់​អតិថិជន​គ្រប់ពេលវេលា​។ នេះ​ជា​មូលហេតុ​ដែល​យើង​កំពុង​កសាង​វប្បធម៌​ក្រុមហ៊ុន​មួយ​ដែល​ផ្តោតលើ​ "​ភាពស្មោះត្រង់ និង​ការប្តេជ្ញាចិត្ត​ខ្ពស់​"»​។

លោក​បន្ថែម​ថា​៖ «​បេសកកម្ម​របស់​យើង​គឺ​ពាំនាំ​អ្នក​ជំនាញ​ខាង​វិស័យ​ធានារ៉ាប់រង​អាយុជីវិត​មកពី​ប្រទេស​ចិន​ដើម្បី​គាំទ្រ​ដល់​ការអភិវឌ្ឍ និង​កំណើន​សេដ្ឋកិច្ច​រយៈពេល​វែង​ដល់​ប្រទេស​កម្ពុជា​។ តាមរយៈ​ការរីកចម្រើន​ឥតឈប់ឈរ​យើង​ចង់​ក្លាយ​ជា​ក្រុមហ៊ុន​មាន​ភាពចាស់ទុំ (century-old leader) ដែល​កសាង​នូវ​វិស័យ​មួយ​ប្រកប​ដោយ​ការយកចិត្ត​ទុកដាក់​ទាំង​លើ​ផ្នែក​សេវាកម្ម ភាព​ច្នៃប្រឌិត អត្តសញ្ញាណ វប្បធម៌ និង​ការប្រកួតប្រជែង​»​។

ក្រុមហ៊ុន​ធានារ៉ាប់រង​អាយុជីវិត Grand China Life Insurance ចាប់ផ្តើម​ប្រតិបត្តិការ​នៅ​កម្ពុជា​ក្នុង​ខែ​មីនា​ឆ្នាំ​ ២០១៨​។ ក្រុមហ៊ុន​ផ្តល់​ជូន​នូវ​ផលិតផល​ធានារ៉ាប់រង​ជាច្រើន​រួមមាន​ធានារ៉ាប់រង​មួយជីវិត ធានារ៉ាប់រង​សោធននិវត្តន៍ ធានារ៉ាប់រង​គ្រោះថ្នាក់​បុគ្គល ធានារ៉ាប់រង​ជំងឺ​ធ្ងន់ធ្ងរ ធានារ៉ាប់រង​អាយុជីវិត​ជា​ក្រុម និង​ធានារ៉ាប់រង​ជាច្រើន​ទៀត​ដែល​ត្រូវ​បានអនុម័ត​ដោយ​រាជរដ្ឋាភិបាល​។

ដៃគូ​ស្ថាបនិក​ក្រុមហ៊ុន Grand China Life គឺ​មកពី​ចិនដីគោក និង​ម៉ាកាវ​។ ការវិនិយោគ​ដំបូង​ដើម្បី​បង្កើត​ក្រុមហ៊ុន​នេះ​គឺ​ត្រូវ​ចំណាយ​ដើមទុន​ចំនួន​ ១៥ ​លាន​ដុល្លារ​អាមេរិក​។

«​បច្ចុប្បន្ន​យើង​យល់​ថា​យើង​ជា​ក្រុមហ៊ុន​ក្មេងខ្ចី​នៅក្នុង​ទីផ្សារ​កម្ពុជា ពីព្រោះ​យើង​ទើបតែ​មាន​អាយុកាល​ ១ ​ឆ្នាំ​កន្លះ​ប៉ុណ្ណោះ​។ យើង​ចង់​វិវឌ្ឍ​នៅក្នុង​ទីផ្សារ​នេះ​ឲ្យ​លឿន​ដោយ​ពឹង​ផ្អែកលើ​កំណើនថេរ​»​។

លោក Yu ពន្យល់​ថា​៖ «​ការកសាង​គ្រឹះ​រឹងមាំ​គឺ​សំខាន់​ណាស់​មុនពេល​អ្នក​ឈានដល់​កម្រិត​ខ្ពស់​មួយ​។ ក្រុមហ៊ុន​ និង​សហគ្រាស​ជាច្រើន​បរាជ័យ​ក្នុង​ការពង្រីក​ខ្លួន​ពីព្រោះ​ពួកគេ​មិន​មាន​គ្រឹះ​រឹងមាំ​។ ដំបូង​យើង​ចង់​ផ្តល់​សេវាកម្ម​ដល់​អតិថិជន​ឲ្យ​បាន​ល្អ​ជាមុនសិន​មុន​ពេល​សម្រេចចិត្ត​អនុវត្ត​យុទ្ធសាស្ត្រ​ផ្សព្វផ្សាយ​ឲ្យ​បាន​ខ្លាំងក្លា​ជាង​នេះ​»​។

ក្រៅពី​ការផ្តល់​សេវាកម្ម​ដែល​មាន​គុណភាព​ខ្ពស់ ប្រតិបត្តិការ​របស់​ក្រុមហ៊ុន​ធានារ៉ាប់រង​អាយុជីវិត Grand China Life Insurance ក៏ត្រូវ​បាន​គាំទ្រ​ដោយ​ក្រុម​អ្នកជំនាញ​បច្ចេកទេស​ដែល​មាន​បទពិសោធ​ខ្ពស់​ផងដែរ​។ ក្រុមហ៊ុន​មានការ​គាំទ្រ​ផ្នែក​ព័ត៌មានវិទ្យា​ពី​ក្រុម​អ្នកជំនាញ​នៅ​ទីក្រុង Shenzhen នៃ​ប្រទេស​ចិន​។

លោក Yu ថ្លែង​ថា​៖ «​យើង​គឺជា​ក្រុមហ៊ុន​ផ្តល់​សេវាកម្ម​ធានារ៉ាប់រង​ប្រកបដោយ​ភាព​ច្នៃប្រឌិត​ខ្ពស់​ជាង​ដៃគូ​ប្រកួតប្រជែង​របស់​យើង​ទាក់ទង​នឹង​បច្ចេកវិទ្យា​ឌីជីថល​។ យើង​បាន​ព្យាយាម​ដាក់ចេញ​នូវ​កម្មវិធី​ហត្ថលេខា​ឌីជីថល​ទៅក្នុង​សេវាកម្ម​របស់​យើង ប៉ុន្តែ​និយតករ​កម្ពុជា​មិនទាន់​អនុញ្ញាត​នៅឡើយ​ទេ​។ ទោះជា​យ៉ាងណា​ក៏ដោយ យើង​បាន​ខិតខំ​ប្រឹងប្រែង​យ៉ាងខ្លាំង​ដើម្បី​កាត់បន្ថយ​ការប្រើ​ក្រដាស​តាម​ដែល​យើង​អាច​ធ្វើ​បាន​»​។

លោក​បាន​សង្កត់ធ្ងន់​ថា កំណើន​ពី​ខាង​ក្នុង​គឺជា​មធ្យោបាយ​ល្អ​បំផុត​សម្រាប់​ក្រុមហ៊ុន​ដើម្បី​ពង្រីក​អាជីវកម្ម​។

លោក​បាន​បន្ថែម​ថា​ការរីកចម្រើន​របស់​ក្រុមហ៊ុន​ធានារ៉ាប់រង​អាយុជីវិត Grand China Life Insurance នឹង​ពឹង​ផ្អែក​ទៅ​លើ​វប្បធម៌ បទពិសោធ​មកពី​ប្រទេស​ចិន និង​ផលិតផល​ច្នៃប្រឌិត​ថ្មី ក្រុម​អ្នកជំនាញ​បច្ចេកវិទ្យា​ឈានមុខ និង​សេវាកម្ម​ដែល​មាន​គុណភាព​ខ្ពស់​។

លោក​លើកឡើង​ថា​៖ «​អាជីវកម្ម​ធានារ៉ាប់រង​អាយុជីវិត​គឺ​ដើម្បី​ការពារ​សុខុមាលភាព​របស់​អតិថិជន និង​ក្រុមគ្រួសារ​របស់​ពួកគេ​។ ដូច្នេះ​ក្រុម​អ្នកជំនាញ​ដែល​ធ្វើការ​នៅក្នុង​វិស័យ​ធានារ៉ាប់រង​ត្រូវ​តែ​មាន​ភាពស្មោះត្រង់ និង​មាន​ការប្តេជ្ញាចិត្ត​ខ្ពស់​ចំពោះ​អតិថិជន​របស់​ខ្លួន​»៕

អត្ថបទគួរចាប់អារម្មណ៍

  • ភ្នំពេញៈ អង្គការ​មូលនិធិ​សកល​សម្រាប់​ធម្មជាតិ​ (WWF) និង​រដ្ឋបាល​ជលផល​ដែល​បាន​រកឃើញថា ត្រី​គល់រាំង ត្រី​ត្រសក់​ក្រហម ត្រី​ខ្លា ត្រី​ក្របី ត្រី​ត្រចៀកដំរី និង​បបែល​យក្ស​ទឹកសាប កំពុង​ត្រូវ​បាន​គេ​ដាក់លក់​នៅ​តាម​ទីផ្សារ​ត្រី​នានា ហើយ​ខ្លះ​បាន​នាំ​ចេញ​ទៅ​ក្រៅ​ប្រទេស​បាន​ទាមទារ​ឲ្យ​មាន​ការរឹតបន្តឹង​ច្បាប់​ឱ្យ​បាន​ម៉ឺងម៉ាត់​ជាង​ពេលណាៗ​ទាំងអស់ ដើម្បី​ការពារ​ត្រី​ជិត​ផុត​ពូជ​ទាំងនោះ​។

  • ភ្នំពេញៈ កំពង់ផែ​ស្វយ័ត​ក្រុងភ្នំពេញ (PPAP) ដែល​ចុះបញ្ជី​នៅ​ផ្សារ​មូលបត្រ​កម្ពុជា (CSX) បាន​រាយការណ៍​អំពី​ភាពប្រសើរ​ឡើង​នៃ​ប្រតិបត្តិការ​អាជីវកម្ម​របស់ខ្លួន​ក្នុង​ឆមាស​ទី​ ១ ឆ្នាំ​នេះ ទោះបី​ជំងឺ​កូវីដ​ ១៩ បាន​ធ្វើឲ្យ​ប៉ះពាល់​យ៉ាងខ្លាំង​ដល់​សេដ្ឋកិច្ច​នៅក្នុង​តំបន់ និង​ពិភពលោក​ក៏ដោយ​។

  • ភ្នំពេញៈ តុលាការ​កំពូល​កាលពី​ម្សិលមិញ​បាន​បើក​សវនាការ​ជម្រះក្ដី​កំបាំងមុខ​លើ​សំណុំរឿង​សុំ​នៅក្រៅ​ឃុំ​របស់​ជន​ត្រូវ​ចោទ​​ ១០ ​នាក់ ​ដែលជា​សមាជិក​អតីត​គណបក្ស​សង្គ្រោះជាតិ​ដែល​បាន​ជាប់ចោទ​ពី​បទ​រួមគំនិត​ក្បត់ និង​ញុះញង់​ឲ្យ​​ប្រព្រឹត្ត​បទឧក្រិដ្ឋ​ជាអាទិ៍​កាលពី​ចុង​ឆ្នាំ​ ២០១៩ ខណៈ​ដែល​ពួកគេ​កំពុង​នៅ​ក្រៅ​ឃុំ​។

  • ភ្នំពេញ: ក្រសួង​វប្បធម៌ និង​វិចិត្រសិល្បៈ​ពី​ម្សិលមិញ​បាន​កោះហៅ​ម្ចាស់​ផលិតកម្ម​មរតក​មេឌៀ​ (Morodok Media) ​ឲ្យ​ចូល​បំភ្លឺ​ជុំវិញ​ការផលិត​វីដេអូ​ចម្រៀង​មាន​ខ្លឹមសារ​ប្រមាថ​ពលរដ្ឋ​ខេត្តព្រៃវែង​តាម​ការស្នើសុំ​របស់​លោក ជា សុមេធី អភិបាលខេត្ត​ព្រៃវែង ប៉ុន្ដែ​អ្នកគ្រប់គ្រង​ផលិតកម្ម​នេះ​ថា វីដេអូ​នោះ​គ្រាន់តែ​ចង់​អប់រំ​កុំឲ្យ​រើសអើង​អ្នក​ព្រៃវែង​ប៉ុណ្ណោះ​។

  • ព្រះសីហនុៈ អភិបាល​ខេត្ត​ព្រះសីហនុ លោក គួច ចំរើន បាន​ព្រមាន​ចាត់វិធានការ​តឹងរ៉ឹង​ទៅ​តាម​ផ្លូវច្បាប់​ដោយ​គ្មាន​ការលើកលែង​ទៅលើ​ជន​ប្រព្រឹត្ត​បទល្មើស​កាប់បំផ្លាញ​ព្រៃ​កោងកាង​ដើម្បី​ទន្ទ្រាន​យក​ដី​រដ្ឋ​ធ្វើ​ជា​កម្មសិទ្ធិ​ឯកជន​ខុសច្បាប់​។

  • ត្បូងឃ្មុំ: អ្នកកាប់ជ្រូក​លក់​ចំនួន​ ៧៤ ​គ្រួសារ​នៅ​ផ្សារសួង ខេត្ត​ត្បូងឃ្មុំ​បាន​កំពុង​ទាមទារ​ដល់​អាជ្ញាធរខេត្ត​បញ្ឈប់​ការយក​ពន្ធ​លើ​អាជីវកម្ម​របស់​ពួកគេ​ច្រើន​ហួសហេតុ និង​ផ្ទុយ​ពី​​សេចក្ដី​ណែនាំ​របស់​ក្រសួង​សេដ្ឋកិច្ច និង​ហិរញ្ញវត្ថុ ប៉ុន្តែ​អាជ្ញាធរ​បាន​អះអាង​លើ​ហេតុផល​ផ្សេង​ក្នុង​ការប្រមូល​ពន្ធ​នេះ​។