ព្រូដិនសលកម្ពុជា ដែលជាក្រុមហ៊ុនធានារ៉ាប់រងអាយុជីវិតឈានមុខគេក្នុងប្រទេសទើបតែសម្រេចបាននូវសមិទ្ធផលដ៏ធំមួយកាលពីពេលថ្មីៗនេះដោយបានក្លាយជាក្រុមហ៊ុនធានារ៉ាប់រងលើអាយុជីវិតដំបូងគេ ក្នុងការចេញបណ្ណសន្យារ៉ាប់រងចំនួន ២០ម៉ឺន នៅព្រះរាជាណាចក្រកម្ពុជា។ បណ្ណសន្យារ៉ាប់រងទី២០ ម៉ឺន ត្រូវបានផ្តល់ទៅឲ្យអ្នកស្រី ផន សុថារី ដែលជាអាជីវករម្នាក់រស់នៅក្នុងស្រុកឧដុង្គ ខេត្តកំពង់ស្ពឺ បន្ទាប់ពីអ្នកស្រីបានស្នើសុំជាវផលិតផល eduCARE បានយ៉ាងជោគជ័យពីធនាគារអេស៊ីលីដា ដែលជាធនាគារដៃគូរបស់ក្រុមហ៊ុន។
អ្នកស្រី សុថារី បាននិយាយថា៖ «ខ្ញុំពិតជាភ្ញាក់ផ្អើលណាស់ក្នុងពេលដឹងថា ខ្ញុំជាម្ចាស់បណ្ណសន្យារ៉ាប់រងទី២០ ម៉ឺន របស់ក្រុមហ៊ុនព្រូដិនសលកម្ពុជា។ ក្នុងនាមជាម្តាយម្នាក់ ខ្ញុំពិតជាមានមោទនភាពលើខ្លួនឯងណាស់ ដែលសម្រេចចិត្តក្នុងការទិញសេវាសន្យារ៉ាប់រងមួយ។ សេវាធានារ៉ាប់រងនេះពិតជាសំខាន់ណាស់ ពីព្រោះក្នុងករណីដែលមានហេតុការណ៍អកុសលណាមួយកើតឡើង ការធានារ៉ាប់រងនេះនឹងជួយផ្តល់សុវត្ថិភាពដល់ការអប់រំរបស់កូនខ្ញុំ និងការចំណាយលើជីវភាពរស់នៅទៅថ្ងៃអនាគត»។
ជោគជ័យរបស់ក្រុមហ៊ុនព្រូដិនសលកម្ពុជា មិនអាចកើតឡើងបានឡើយ បើគ្មានបុគ្គលិកខ្មែរប្រកបដោយវិជ្ជាជីវៈ និងមានការប្តេជ្ញាចិត្តខ្ពស់ទេនោះ។ នៅឆ្នាំ នេះ ព្រូដិនសលកម្ពុជា បានបង្តើតកំណត់ត្រាថ្មីមួយទៀតសម្រាប់ក្រុមហ៊ុនផ្ទាល់ ក៏ដូចជាសម្រាប់វិស័យធានារ៉ាប់រងនៅកម្ពុជាដោយទីប្រឹក្សាហិរញ្ញវត្ថុរបស់ខ្លួនចំនួន ៤២ នាក់ បានក្លាយជាសមាជិករបស់កម្មវិធី Million Dollar Round Table (MDRT) នៃសមាគមទីប្រឹក្សាហិរញ្ញវត្ថុលំដាប់កំពូល (The Premier Association of Financial Professionals®) ដែលប្រជុំដោយបុគ្គលិកអាជីពឈានមុខគេជាច្រើនក្នុងពិភពលោកលើផ្នែកសេវាធានារ៉ាប់រងអាយុជីវិត និងសេវាហិរញ្ញវត្ថុ មកពីក្រុមហ៊ុនច្រើនជាង ៥០០ ក្រុមហ៊ុន ក្នុងប្រទេស និងតំបន់ចំនួន ៧២។
មានតែអ្នកជំនាញ និងទីប្រឹក្សាប្រកប ដោយទេពកោសល្យខ្ពស់លើសេវាធានារ៉ាប់រងអាយុជីវិតប៉ុណ្ណោះ ដែលអាចទទួលបានសិទ្ធិចូលជាសមាជិករបស់កម្មវិធី Million Dollar Round Table នេះ។ ការទទួលស្គាល់នេះ មិនមែនសំខាន់សម្រាប់តែទីប្រឹក្សាប៉ុណ្ណោះទេ ប៉ុន្តែក៏សំខាន់សម្រាប់វិស័យធានារ៉ាប់រងទាំងមូលផងដែរ ក្នុងការបង្កើតឱ្យមានកម្រិតវាស់វែងស្តង់ដារនេះ ដោយផ្អែកទៅលើជំនាញ និងគុណភាពនៃសេវាផ្សេងៗដែលត្រូវបានផ្តល់ទៅឱ្យអតិថិជន។
លោក David Nutman នាយកប្រតិបត្តិរបស់ក្រុមហ៊ុនព្រូដិនសលកម្ពុជា មានប្រសាសន៍ថា៖ «យើងពិតជាមានមោទនភាពណាស់ចំពោះទីប្រឹក្សារបស់យើង ដែលបានបង្ហាញពីការលះបង់ និងការប្តេជ្ញាចិត្តដ៏អស្ចារ្យ ក្នុងការបម្រើដល់អតិថិជនរបស់យើង និងបំពេញតម្រូវការនៃការការពារ និងការសន្សំរបស់អតិថិជន។ ការទទួលបានសមាជិកភាពនៃកម្មវិធី MDRT និងការសម្រេចនូវសមិទ្ធផលក្នុងការចេញបណ្ណសន្យារ៉ាប់រងចំនួន ២០ ម៉ឺនបណ្ណ របស់ក្រុមហ៊ុនព្រូដិនសលកម្ពុជា បានបង្ហាញឱ្យឃើញនូវជំនាញ និងឆន្ទៈពិតប្រាកដរបស់ពួកគាត់។ ជោគជ័យនេះក៏បង្ហាញផងដែរថា បើទោះបីជាសេវាធានារ៉ាប់រងអាយុជីវិតជាសេវាមួយថ្មីដែលទើបតែចូលក្នុងទីផ្សារកម្ពុជាក្តីក៏សេវាមួយនេះកំពុងទទួលបាននូវការឱ្យតម្លៃខ្ពស់ជាលំដាប់ពីប្រជាពលរដ្ឋខ្មែរ ដែលកំពុងស្វែងរក ការការពារក្រុមគ្រួសាររបស់ខ្លួន និង ការទទួលបានសន្តិភាពផ្លូវចិត្ត»។
អ្នកស្រី សុថារី គឺជាប្រជាពលរដ្ឋម្នាក់ក្នុងចំណោមប្រជាពលរដ្ឋខ្មែរជាច្រើនទៀត ដែលគាត់មានអារម្មណ៍ថា អនាគតនៃក្រុមគ្រួសាររបស់ពួកគាត់មានការការពារ ក្រោយពីបានជ្រើសរើសយកសេវាធានារ៉ាប់រងលើអាយុជីវិតជាមួយនឹងក្រុមហ៊ុនព្រូដិនសលកម្ពុជា។ សេវាធានារ៉ាប់រងលើអាយុជីវិត គឺជាកត្តាដ៏សំខាន់ក្នុងការធានាថា ឪពុកម្តាយមានធនធានគ្រប់គ្រាន់សម្រាប់ការទទួលបានការអប់រំរបស់កូនៗ ព្រមទាំងជួយដោះស្រាយបញ្ហាហិរញ្ញវត្ថុបន្ថែមសម្រាប់ការចូលនិវត្តន៍ ក៏ដូចជាជួយដោះបន្ទុកបំណុលដែលអាចកើតមាន។ ការទិញផលិតផលសន្យារ៉ាប់រងអាយុជីវិត នឹងជួយឱ្យអតិថិជនមានឱកាសក្នុងការរីករាយក្នុងជីវិត ដោយដឹងថា អនាគតរបស់ក្រុមគ្រួសារ និងមនុស្សជាទីស្រឡាញ់របស់ពួកគេត្រូវបានការពារ។
តាំងពីការចាប់ផ្តើមអាជីវកម្មរបស់ខ្លួនក្នុងឆ្នាំ ២០១៣ មក ក្រុមហ៊ុនព្រូដិនសលកម្ពុជា បានដាក់ចេញនូវផលិតផលធានារ៉ាប់រងអាយុជីវិតផ្តោតលើការការពារជាច្រើន ដែលស្របតាមតម្រូវការរបស់ប្រជាពលរដ្ឋខ្មែរ រាប់បញ្ចូលទាំងផលិតផល eduCARE, Loan Assure, easylife, PRUmyfamily, SafeLife និង PureProtect ផងដែរ៕